Zyeremii 4:14 - Cebaara Bible 2010

¹⁴ Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Zyeremii 4:14 Iomraidhean Croise

Ŋúnuyi 119:113

Fúnyi siin-ziin fɔ̀ɔlɔ kéele n mii bɛɛn, á mɔ lalwaw kéele si mii dɛ́nɛ.

Ŋúnuyi 51:2

Lǎli ni kanyaajoow Natan kári wi ma lè, wi sínɛni kàdoʔo ma ní Bati-Syeba ní.

Ŋúnuyi 66:18

Mii ga maa sìnzinmɛ yaʔa mii fúngi ni, Kàfɔw mǎà dée lóʔo mii ma í.

Kàseegèle 1:22

«Yele nidoliyi, làla jòorí yele caa bi kwɔ́ɔ nidolimi ni? Làlìí ni nɛ̀ɛnyɛnɛgi fɔ̀ɔlɔ a láʔa nɛ̀ɛnyɛnɛgi na, nilabalabèle si láʔa cánni faʔala na?

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Zyeremii 13:27

Mii n mɔ kanɔnʔɔbyeri, ní mɔ fúlomi, ní mɔ nanjaari nyaa dǎndamayi ní sìnbirigi ni. Mii n mɔ yanɔnʔɔyi nyaa. Wɔʔɔli a pye mɔ na Zyerusalɛmi, mɔ wee wi lè wi o wi jéemununi fáli kpéʔele í! Làla jòorí mɔ a kwɔ́ɔ gee bee ni?»

Zyeremii 17:1

«Zyuda kapeeli n sɛ́bɛ ní tunmɔrɔ ŋáana, ní lúlu ŋáafirigege ní. Li n kánʔana n wòlo pe fúnyi kàlagorigēle na ní yele sáriga-wòlo-yafaanyi nyɛ́ngéle na.

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 2:22

Alí mɔ ga yajeenɛʔɛgɛ le gbǎnga ni n tɛ́ʔɛ n miyɛɛ jée kanma o kanma na, mɔ kolomi a sèʔé kòro yaà mii yɛ́ʔɛ ma,» Kàfɔw Yawe wi jo nya.

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Ezekyɛli 18:31

Ye kapeeyi myɛ láʔa yeyɛɛ na ye wáa léelige, yee yele kpéʔele mii na lè, ye funvɔnyɔ ní pìifɔngéle le yeyɛɛ ni. Nyàʔá na gi yɛlɛ yele í kɔ́ kùu, Isirayɛli kpáagi wòolo?

Zakarii 8:17

Wàa faala a kɔ́ ra kapeʔe sɔ̀ngí wi fúngi ni wi syɛɛnnyɛnnɛ kánma na í. Jànvaa kàliga a kɔ́ yele dɛ́nɛ í. Níì cán toro di nyɛ yáriri myɛ, dee di mii bɛɛn lè,» Yawe wi jo nya.

Matye 12:33

«Ki n yɛlɛ ye gi joo ye jo: ‹Tíigi n nyɔɔ, a gi yasanri wɔ́ɔ̀ nyɔɔ.› Koro ga jáa ye jo: ‹Tíigi n pee a gi yasanri wɔ́ɔ̀ pee.› Níì cán tiige i cángi ki yasanri báriga ni.

Luki 11:39

A Kàfɔw si wi pye: «Yele Farisibèle i yagbaagèle ní pɛ́ɛgèle kàdoyo jé ni mùú, á yele fúnyi si nyìn kàyuugi sɔ̀ngurɔ ní péemi na.

Zyan 13:9

A Siimɔn Pyɛri wi pye: «Ni Kàfɔlɔ, kapye nya gi nyɛ, tɔ́lɔyi yagana ban gi yɛlɛ mɔ í jée mii na í, fwɔɔ mɔ í wɔ́ɔ kɔ́yi ní nyǔngi myɛ jée.»

Kapyegèle 8:22

Koro na mi kàdoʔo wáa mɔ péemi bee ma, máā Kàfɔw nyɛ́ɛri koro ga pye wi mɔ sɔngubeeri kùsulugo syɔɔ, ní ki ga pye bi gbǎn kpéʔele.

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

1 Korɛnti ye 3:20

Ní níì jo: «Kàfɔw n sícilibèle sɔ̀ngurɔ cán, wi n gi cán ti i nyɛ gbanzan.»

Zyaki 4:8

Ki n yɛlɛ ye nùuni Kolocɔlɔɔ na, wi a wɔ́ɔ nùuni yele na. Yele bele ye nyɛ lè kapeebyebèle, ye yele kɔ́yi jée ye yirige yele kapeegèle ni, yele bele ye nyɛ lè fúnyi siin-ziin fɔɔlɔ, ye yele fúnyi sámaga yi pye funviiye.