Zyeremii 4:13 - Cebaara Bible 2010

¹³ Wi wéle, wi i maa àmɛɛ fàfaanya nyɛ lè! Wi kapɛɛnkpumɔn-wòtorobèle i nyɛ àmɛɛ káfala-sìnjinnɛ nyɛ lè, wi syɔ́ɔnyi n cólogo n sɔ̀lɔ nyɔ́ɔbèle na. Wɔʔɔlɔ i nyɛ wolo na, níì cán wolo n kálagi!

Zyeremii 4:13 Iomraidhean Croise

2 Samyɛli 1:23

Sawuli ní Zyonatan maa tɛ́nɛ níì bɛ̀ɛ pe sìíw ni Pe sìíw ni yoo, kùúw làla ni yoo, pe ga téè láʔa peyɛɛ na pe làriguuli ni í. Pe maa cólogo n sɔ̀lɔ nyɔɔbèlē na. Pe fǎngi maa nɛʔɛ n sɔ̀lɔ càarabēle wóʔo na.

Ezayi 13:5

Pe i yìrigí táleelire ma ni maa, nyɛ̀ʔɛgèle láʔala ma yaà, Yawe ní wi fundanʔari falipye-yarira a wɔʔɔyɔ taʔa tári myɛ na.

Ezayi 19:1

Joogbanna, Ezyipiti kánmi na. Wéle, Yawe n lúgu fàfaan-cólogogo na ni maa Ezyipiti ma. Ezyipiti kolocɔlɔ-fáanabèle i cɛ̀lɛ́ wi yɛʔɛ̀ ma, zɔ̀nviigi i Ezyipiti ye kɔɔn.

Ezayi 3:8

Kányɛʔɛ na, Zyerusalɛmi i kpírigi, Zyuda si i tuun, níì cán pe nyɔɔsyɛɛnri, ní be kapyegèle i nyɛ Yawe kánmi na, ni nànma kpéʔele wi kpɔ́ɔmi yɛ́ʔɛ ma.

Ezayi 5:28

Ki ŋáayi n fìrige, a gi sedeyi myɛ pwɔɔ n kwɔ́ɔ. Ki syɔ́ɔnyi fèriye i nyɛ móō kàdɛnɛyɛ yii, ki wòtorobèle sàkoyo i céregi móō káfala-sìnjinnɛ lii.

Ezayi 66:15

Níì cán Yawe wi wee! Wi i maa náagi ni, wi wòtorobèle si i nyɛ àmɛɛ káfala-sìnjinnɛ nyɛ lè bi wi fundanʔari kanidaanna foro ní fànʔa ní, ní wi fúloli naanyìnye báriga ni.

Zyeremii 10:19

Wɔʔɔlɔ i nyɛ mii na! Mii n tɔ̀nɔ n kpàli! Mii námigi n para! A mii si da ni gi nyuu níì jo: Mii wɔʔɔgi gi nyɛ gee naa, mii a gi kpàraco.

Zyeremii 4:12

Báriga káfalaga gi yìrigí yaà beè ni maa fwɔɔ n baa nan mii na. Tɔ́ɔliw ni mii a kútii joo ní be ní.»

Zyeremii 4:31

Mii i yákpowáara lúro, mɔ a jo cɔlɔɔ yákpowáara dii, wee wi nyɛ seeli na lè, wɔʔɔgɔ yákpowáara, mɔ a jo wee wi nyɛ pìiselio seele na lè. Calipili Siyɔn yákpoli lii. Li i cɛ́ɛn, li i kɔ́yi sáanri níì jo: «Wɔʔɔgɔ i mii na, mii i tuun syɛɛnkpoobèle kúruyo láara ni.»

Zyeremii 46:18

‹Mii woweew mɛ́ʔɛ na,› Fànʔafɔw wi jo nya, woro wee be yiri lè Yawe, wi lè Nyɛ̀ʔɛni Sùlasiibéle Kafɔlɔ, ‹wàa a pan àmɛɛ Tabɔɔri nyanbelegi nyɛ lè nyanbeleyi nínge ni, àmɛɛ Karimɛli nyanbelegi nyɛ lè sólomi lɔ̀ʔɔ nyɔ́ɔ na.

Zyeremii 48:40

Níì cán Yawe wi syɛ́ɛnri naa joo níì jo: «Wéle, wi i yìrigí àmɛɛ nyɔɔ̀ nyɛ lè, níì wi fókaanyi sánʔa Mowabi ǹjogi ni.

Zyeremii 49:22

Wéle, wàa i lúru, wi i yìrigí, wi i wi fókaanyi sáanri ni Bosira tɔ́ngi àmɛɛ nyɔɔ̀ nyɛ lè. Edɔmi nànniribèle fúnyo si i nyɛ cángi bee na àmɛɛ cɔlɔɔ wóʔo nyɛ, wee wi nyɛ seeli na lè.

Zyeremii 6:23

Pe n sedeyi ní ŋáayi yìrige ǹjoʔo ma. Pe n pee n sɔ̀lɔ ní i nyɛ nyinimɛ fun. Pe yákpogèle kàfulogo i nyɛ àmɛɛ sólomi lɔ̀ʔɔ wóʔo nyɛ lè. Pe n lúgu syɔɔnyɔ na, níì peyɛɛ zámaga kapɛɛnni kánma na àmɛɛ nàɔn nibin nyɛ lè, mɔ kánmi na, calipili Siyɔn!»

Zyeremii 9:19

Koro na, cébèle, ki n yɛlɛ ye Yawe syɛ́ɛnri lóʔo, ye gi yaʔa ki jée yele líiweegèle ni, gee wi nyɔ́ɔgi nyuu lè! Yáā yele calipiigèle tama kùúgi nyɛniganma na. Ye myɛ nibin nibin sáā yeyɛɛ dama nyamɛɛwáari na.

Kayaagi Nyɛnigɛ 4:19

Wolo nɛnɛfɔbèle maa cólogo n sɔ̀lɔ nyɔ́ɔbèle na be yìrigí ǹjogi ni lè. Nyanbeleyi na yoo, pe n taʔa wolo na ni nɛnɛ. Pe n làra n wolo sige fìími tára ni.

Ezekyɛli 26:10

Wi syɔ́ɔnyi nɛʔɛnɛ cíbige a mɔ tɔ́n. Mɔ tobèle a ra cɛ̀lɛ́ syɔɔnfanbèle tinmɛ ní kapɛɛnkpumɔn-wòtorobèle sàkoyo tìnmɛ báriga ni, lǎli ni pe a ra jǐn mɔ kpaanweegèle ni àmɛɛ be jǐn kàʔa ni, gee na be fànʔa taa lè.

Ezekyɛli 38:9

Mɔ a lúgu, mɔ a pan àmɛɛ káfalakpɔʔɔ nyɛ lè, mɔ a pye àmɛɛ fàfanʔa nyɛ, gee ki a tári tɔ́n lè, mɔ ní mɔ sulasiibèle kabiya myɛw n fàra syɛɛnfele-nɛʔɛyi na yi nyɛ ní mɔ ní lè.› »

Danyɛli 11:40

Lǎli kwɔ́ɔmɔ na, wòrogulo kàbangi fànʔafɔlɔ a kári sa too wi na. Solomɔkulo kàbangi fànʔafɔlɔ a fùuri sín wi na àmɛɛ káfalakpɔʔɔ nyɛ lè, ní wòtorobéle, ní syɔɔnfànbēle, ní bàtobéle saʔa ní. Wi a jée tátɛɛyaa ni, si kabi fala àmɛɛ lɔ̀ʔɔ gáà nyìn n kabi lè.

Danyɛli 7:4

Wozeligi maa pye àmɛɛ càaraɔ nyɛ lè, ní i nyɛ ní nyɔɔ̀ fókaanya ní. N mii yaʔa gi wéleli na, a mii gi nyaa a pe baa fókaanyi kíle n láʔa gi na, níì gi yìrige n láʔa tári na, níì gi yérige gi tɔ́lɔyi siin na àmɛɛ syɔɔn nyɛ lè, á syɔɔn fúngo kaan gi ma.

Oze sɛ́bɛw 8:1

Tòmaagi taʔa nyɔ́ɔgi na. Nigoò i maa Yawe kpáagi kánma na àmɛɛ nyɔɔ̀ nyɛ lè. «Níì cán pe n mii joogaanni kálagi, pe n mii làlwaw cée.

Misye 2:4

Cángi bee na, pe a kútii joo ceri yele na, pe a ra funbɛɛnrɛ ŋúnugo ŋúu, bàā gi nyuu si jo: «Wolo n tɔ̀nɔ n kálagi péw! Wi i mii syɛ́ɛnbèle lɛɛlɛ lee! Ee! Wi i li syoo mii ma dɛ́! Wi i wolo séyi kaangi niceeye ma!»

Nahumi 1:3

Yawe fúngi o taanri kelekele í, wi fǎngi n tɔ̀nɔ n kpɔ́ʔɔ. Wi tɔ̀nɔ́ o kòró wɔʔɔlɔ sindaʔa ni í. Yawe i wi kólogi wóo káfala-sìnjinni ni, ní káfalakpɔɔgi nínge ni, fàfaanyi i nyɛ wi tɔ́lɔyi cíbige.

Habakuki 1:8

Pe syɔ́ɔnyi n cólogo n sɔ̀lɔ sèdebéle na, yi n wári n sɔ̀lɔ cângwɔɔgi nyɔ́ɔ solomikaara na. Pe syɔɔnfanbèle i yegi, pe syɔɔnfanbèle i yìrigí tɛɛ̀leelige ni ni maa, pe i yìrigí àmɛɛ nyɔɔ̀ nyɛ, wee wi tíri ni tuun kaara na, dee wi a cò lè.

Zakarii 6:1

A mii níì nyapiigèle yìrige ni wéle, a mii yanyaagaa nyaa, koro gi nyɛ gee naa: Wòtorobéle sicɛrɛ maa ni yirigi nyanbeleye siin lariga ni, nyanbeleyi bee maa pye kanyɛɛnrɛ wóyo.

Matye 24:30

Lǎli bee ni pe a Syɔɔn-pya fɛɛw nyaa nyɛ̀ʔɛni na, tári syɛ̀ɛnnɛ myɛ sáā nyaan bàā peele, si wɔ́ɔ Syɔɔn-pya nyaa waa maa fàfaanyi ni ní séew, ní nìjangbɔɔri ní.

Làlwaw Kaanziin 28:49

Yawe a syɛɛnfelegaa yìrige yaà léelige mɔ kánmi na tári láʔagéle ma bi wáa mɔ na. Ki a fùuri bi tɔ́n mɔ na àmɛɛ nyɔɔ̀ nyɛ lè. Ki a pye syɛɛnfelegaa, gee gi lè mɔ a ra gi syɛ́ɛnri lúro í.

Tɛ̀ɛnnɛ 1:7

Ye wéle, wi i maa ní fàfaanyi ní. Nyapiigèle myɛ si a ba wi nyaa, àlí bele pe da wi súu lè. Tári syɛ̀ɛnnɛ myɛ a ba ra sùpiigèle wáa wi kéeli na. Anbée ki a ba pye. Amiina.