Zyeremii 4:11 - Cebaara Bible 2010

¹¹ Lǎli bee ni pe a gi joo syɛ́ɛnbèle naa ní Zyerusalɛmi ma si jo: «Káfalafuugo i yìrigí fìími tára dǎndamaya kólogo ma ni funu ni maa mii syɛ́ɛnbèle calipile kánma na, ki o nyɛ bi yaliire fɛɛ wàlá bi yaliipyá sámaga í.

Zyeremii 4:11 Iomraidhean Croise

Ŋúnuyi 11:6

Wi i naàniganw, ní náagi, ní dìrigíw cáan syɛɛnpeebèle na àmɛɛ zàʔá nyɛ lè. Yagbaanyɛnni wi a kaan be ma lè pe lɛɛli, li a pye káfalafuugo wólo.

Ezayi 22:4

Koro na mii jo: «Ye nyapiigèle yirige mii ni, ye gi yaʔa mii funbɛɛnrɛtɔw í da nyaan, ye a kɔ́ ra ŋàʔaná bi mii kpɛʔɛlɛ mii syɛ́ɛnbèle calipile wɔʔɔgɔ kéele na í.»

Ezayi 27:8

Ní tímanama ní mɔ be kútii kéeli cɔɔnri. Wi n be nɛnɛ ní wi nyɔ́ɔgi káfalakpɔʔɔ ní, àmɛɛ canʔafolomɔ káfalagi nyɛ lè.

Ezayi 41:16

Mɔ a be fɛɛ ní ségbanna ní, káfalagi a be láa kári, káfala-sìnjinnɛ a be cariga. Mɔ si na, mɔ a ra fundaanra kpéʔele Yawe ni, mɔ a ra miyɛɛ gbɔ́ʔɔgi Isirayɛli Wojanw ni.

Ezayi 64:6

Syɔɔn faala o yaà, wee wi mɔ mɛ́ɛgi yiri lè í, wàlá wee wi yìri ŋúnɔmi na bi wiyɛɛ daʔa mɔ na lè í, níì cán mɔ n mɔ yɛ́ɛgi làriga wolo na, mɔ n wolo le wolo kolomi kèlē fanʔa kɔ́yɔ ni.

Zyeremii 13:24

«Mii a be cariga àmɛɛ fìími tára káfalaga nyàásige caragi lè.

Zyeremii 14:17

Mɔ a syɛ́ɛnri naa joo be ma si jo: ‹Mii nyapiigèle i nyatinmi ŋuu, n yébiligi pínɛ cángi ni sìnyére ni. Níì cán gàlagikpɔɔɔ n too mii syɛ́ɛnbèle nàngeele sìnján calipile na, namiga, gee gi pee lè gbanʔama.

Zyeremii 23:19

Wéle, Yawe káfalakpɔɔgi n yìri, fundanʔagbɔɔri n folo n yiri, káfala-bìngaʔa gii, ki i céregi syɛɛnpeebèle nyúnyo ni.

Zyeremii 4:12

Báriga káfalaga gi yìrigí yaà beè ni maa fwɔɔ n baa nan mii na. Tɔ́ɔliw ni mii a kútii joo ní be ní.»

Zyeremii 8:19

Mii calipili káyaʔa yákpolo li lee, li lè mii syɛ́ɛnbèle, lee li yìrigí táleelire ma lè, li n jo: «Yawe ní o nyɛ Siyɔn ni wii ì? Wi fànʔafɔw ní o nyɛ wi ni wii ì?» «Nyàʔá na be mii fúngi tanʔa ní be ǹdedanyi ní, yi lè gbanzan yanibɔnyi?»

Zyeremii 9:1

Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Zyeremii 9:7

Pe nyíngèle i nyɛ syɛɛnkpoo-ŋáaya, pe o yarigaa nyuu kapye námaraw ban í. Pe i bɛ̀ɛlɛ syɛ́ɛnrɛ nyuu be nyɔ́ɔyi ni pe syɛɛnnyɛnnɛ ma, kàjáa fúngi ni, pe i karinyanga nii wi na.

Kayaagi Nyɛnigɛ 2:11

Nyatinmi n mii nyapiigèle fànʔa kwɔ́ɔ, mii fúngi yárira i kángi. Mii zɔ̀ndinni n ceri, mii syɛ́ɛnbèle calipile kálagila kéele na, àmɛɛ pìiyilibèle ní yireŋɔribèle pegi ni tuun lè kěgi kadàlaya na.

Kayaagi Nyɛnigɛ 3:48

Lòcooloyo i fóo ni yirigi mii nyapiigèle ni, mii syɛ́ɛnbèle cálipile tɔ́nʔɔnɔnɔ kéele na.

Kayaagi Nyɛnigɛ 4:10

Cébèle bee nyínimɛ pi da nɛʔɛ lè, pe kɔ́yi yi be pìíbèle sɔʔɔ. Pe n pye be ma lìile mii syɛ́ɛnbèle cálipile làrigalagila ni.

Kayaagi Nyɛnigɛ 4:3

Alí gbàáyi i yi yíregèle kaangi yi pìíbèle ma a be i ŋɔri. Kàjáa mii syɛ́ɛnbèle cálipile n baa pye nyinimɛ fun àmɛɛ fìími tára soʔolobéle nyɛ lè.

Kayaagi Nyɛnigɛ 4:6

Mii syɛ́ɛnbèle cálipile kolomɔ n kpɔ́ʔɔ n sɔ̀lɔ Sodɔmi kapeeli na, woro wee wi da too lè làla nibin ni, syɔɔn faala kɔ́lɔ sìndaʔa ni wi na.

Ezekyɛli 17:10

Wéle, koro be cɔ́rɔ lè gee, a ki a báriga lé? Canʔafolomɔ káfalagi ga gi fɛɛ, ki a waʔa ì? Tári na gi fìin lè ki a waʔa di na.› »

Ezekyɛli 19:12

Kàjáa pe n gi kíle n kɔ́n ní fundanʔagbɔɔrɔ ní n cáan tári na. A canʔafolomɔ káfalagi gi yasanri waʔa. A gi báriga kágangèle cɛnɛ n láʔa yaà níì waʔa, a náagi ge sórigo mɛnɛ mɛnɛ.

Oze sɛ́bɛw 13:15

Alí n wírè gi yaʔa Efirayimi n sámaga n báriga wi senyɛnbèle nínge ni, canʔafolomɔ kabangi káfalaga a pan, Yawe nyɔ́ɔgi káfalaga a yìri fìími tára ma bi pan, ki a ba wi púloweeli waʔa, ki a ba wi pùnweeli waʔa. Koro ki a ba lɔgbanri yárira myɛ koli lɔ́ri tɛɛkɔngɔ ni.»

Oze sɛ́bɛw 13:3

Koro na pe a pye àmɛɛ nyǐngi nyɔ́ɔ fàfanʔa nyɛ lè, ní àmɛɛ nyǐngi nyɔ́ɔ kásaga nyɛ lè, gee gi kwóo lè, ní àmɛɛ nyàásige nyɛ, gee káfalagi lée kàsyɔʔɔ na ni syée lè, ní àmɛɛ wírige nyɛ, gee gi yirigi wírige tɛɛyirile ni lè.

Oze sɛ́bɛw 4:19

Káfalagi a be láa gi fókaanyi ni bi kári, fɛ̀ɛrɛ a be taa be sárigaw kéele na.

Habakuki 1:11

Kàa i fàrá pe gbǎnmi na, pe i sɔ̀lɔ́, níì gi kaan a kolomɔ i tuun be na. Pe fǎngi gi nyɛ be ma be kolocɔlɔw!

Habakuki 1:6

Wéle, mii i Kalide ye yìrigí bele! Syɛ́ɛnbèle bee be nyɛ lè nyinimɛ fun níì wári, poro bele be tátɛɛyi forogi ni máari lè bàā tɛɛkòroyi nɛnɛ da syoo, yoro yee yi lè yi o nyɛ pe woyò í.

Matye 3:12

Wi ségbanni i yaà wi kɔ́gi ni. Wi a wi yaliiri sámaga pɛ́ɛ wi kàsyɔɔgi na si di fɛɛ bi sa kɔn wi gbòdunni ni, si yaliisigiri le bànvigi náagi ni bi di sórigo.»

Luki 3:17

Wi ségbanni i yaà wi kɔ́gi ni, wi a wi yaliiri sámaga pɛ́ɛ wi kàsyɔɔgi na si di fɛɛ bi sa kɔn wi gbòdunni ni, si yaliisigiri le bànvigi náagi ni bi di sórigo.»