Zyeremii 4:1 - Cebaara Bible 2010

¹ Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Zyeremii 4:1 Iomraidhean Croise

Sélimɛ 35:2

A Zyakɔbi gi joo wi kpáagi wòolo ma n fàra bele myɛ na pe da pye ní wi ní lè níì jo: «Ye kolocɔlɔɔ-nibɔnbèle yirige yeyɛɛ níngi ni, ye yeyɛɛ jée ye mùnu, yé yele búroyi fàli.

2 Fànʔafɔbèle 23:13

Sáriga-wòlo-tɛ́ɛyee yi pye lè Zyerusalɛmi zǐnmi na kálagili nyanbelege worogulo kàbangi na, a fànʔafɔw yoro nɔ́nʔɔ. Yoro yee Isirayɛli fànʔafɔw Salomɔn da faan lè. Kàa maa pye Asitarite wóʔo gi lè Siidɔn ye yanɔnʔɔgi. Kàa si i nyɛ Kemɔsyi wóʔo, gi lè Mowabi ye yanɔnʔɔgi. Kàa si i nyɛ Milikɔmi wóʔo gi lè Amɔn ye yanɔnʔɔgi.

2 Fànʔafɔbèle 23:24

A Zyozyasi wɔ́ɔ̀ syɛ́ɛnbèle pɛ́ɛ n yirige Zyerusalɛmi ni, poro bele pe da ni kúbèle yíbe lè, n fàra bele na pe da ni nyɛ̀ʔɛna kérigèle nyaagi ni nyuu lè, ní màdebiigèle, ní yasunyi ní, n fàra yanɔnʔɔyi féleye myɛ na, yi da ni nyaagi Zyuda, ní Zyerusalɛmi ni lè jàngó bi làlwaw syɛ́ɛnrɛ sámaga cò, dee di sɛ́bɛ lè sɛ́bɛw ni, wee sáriga-wòlow Hilikiya nyaa lè Yawe kpáagi ni.

2 Cányi kèlē 15:8

Lǎli ni Aza syɛ́ɛnri bee ní kanyaajoow Odedi kérigèle nyaa-mí-joolo lóʔo n kwɔ́ɔ lè, a wi lòmaana le n yanɔnʔɔyi yirige Zyuda, ní Bɛnzyamɛ tári tɛ́ɛyɛ myɛ ni, n fàra kěyee na wi da syɔɔ n taa lè Efirayimi nyanbeleyi kúlo ni. Yawe sáriga-wòlo-yafaangi ki da pye lè Yawe nìkpaangi yɛ́ʔɛ ma, a wi níì koro sámaga.

2 Cányi kèlē 33:8

Mii a ní Isirayɛli ye yirige tásaligi ni í, gee mii kaan yele toolɛɛbèle ma lè, pe ga tɛ́nɛ̀ gi sámaga n cò bàā gi kpéʔele gee myɛ mii joo n gbàn be ma lè n yɛlɛ ní làlwaw myɛ, ní làlwaw kèlē, ní kajoodɛɛngèle ní be taa Mowizi ma lè.»

2 Cányi kèlē 34:33

A Zyozyasi yanɔnʔɔyi myɛ yirige Isirayɛli ye tátɛɛyi myɛ ni. Wi sìíw làla myɛ ni, bele myɛ be pye lè Isirayɛli ni, a wi be kɔ́ri pe i báara Yawe be Kolocɔlɔw ma. Pe ga wàli n láʔa Yawe be toolɛɛbèle Kolocɔlɔɔ na í.

Ezayi 31:6

Isirayɛli pìíbèle, wee yele tɔ̀nɔ n cée lè, ye lúru yaa maa wi ma.

Zyeremii 15:19

Gee bee na Yawe syɛ́ɛnri naa joo níì jo: «Mɔ ga lúru n pan mii ma, mii a ní mɔ lúrugo mɔ í ba ra mii fáliw kpéʔele. Mɔ ga ni yacangi wɛ̀ɛ́ ni láari gbanzan yárigi na, mɔ a pye àmɛɛ mii nyɔ́ɔgi nyɛ lè. Poro má gi nyɛ pe lúru pan mɔ ma, mɔ má ban gi nyɛ mɔ í lúru pan be ma í.

Zyeremii 15:4

Mii a be pye fyáakpɔɔrɔ yáriga tári fànya myɛ ma, Manase kéeli na, wi lè Ezekyasi jáaw, Ezekyasi wi pye lè Zyuda fànʔafɔw, gee myɛ kéele na wi kpéʔele lè Zyerusalɛmi ni.

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 24:9

Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 25:5

Pe maa ni gi nyuu níì jo: «Ye myɛ nibin nibin n yɛlɛ bi láʔa yele kóbeeyi na, ní yele nàʔabeemi na, yele si kòro tári ni, dee Yawe kaan yele ma, ní yele tóolɛɛbèle ma lè, di kòro yele wóro làla o làla kwɔ́ɔmɔ fun.

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:12

Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 3:14

Ye lúru yaa maa jaafɔ-niceeye, Yawe wi jo nya. Níì cán mii wi nyɛ yele Kàfɔw. Mii a yele láa nibin nibin kěyi ni, bi yele láa siin-ziin nariyi ni, bi yele lúrugo pan Siyɔn ma.

Zyeremii 3:22

«Ye lúru yaa maa jaafɔ-niceeye, mii a yele kálagimi kèlē yáama láʔa yele na.» «Wolo wéle bele, wolo i syée mɔ ma, níì cán Yawe, mɔ wi nyɛ wolo Kolocɔlɔw.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 36:3

Dɔ̀ʔɔ́ Zyuda kpáagi wòolo ga kapeeyi myɛ kéele lóʔo, yee mii tímana bi kpéʔele be na lè, pe myɛ nibin nibin a be kobeeyi yaʔa si lúru pan. Lǎli bee ni mii a be kolomi, ní be kapeegèle kùsulugo syɔɔ.»

Zyeremii 4:4

Ki n yɛlɛ ye yeyɛɛ kɛ́nɛ Yawe ma, ye yele fúnyi kɛ́nɛ, Zyuda nǎnbèle, ní Zyerusalɛmi ye, koro ga pye mii fundanʔari a kɔ́ folo yiri àmɛɛ naà nyɛ, gee gi nyín lè í, bi pye wàa a gbǎn gi fígi í, yele péemi kapyere kéele na.

Zyeremii 7:3

Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo níì jo: Ye yele kóloyi, ní yele nàʔami fàli, mii si yele yaʔa yele í kòro tɛ́ɛgi naa ni.

Zyeremii 7:5

Yele ga yele kóloyi, ní yele nàʔami fàli kányɛʔɛ na, yele ga ni síngi yeyɛɛ ma kányɛʔɛ na,

Zyeremii 7:7

lǎli bee ni mii a yele yaʔa yele í kòro tɛ́ɛgi naa ni, tári ni, dee mii kaan yele tóolɛɛbèle ma lè di pye be worò làla o làla kwɔ́ɔmɔ fun.

Ezekyɛli 11:18

Nɛɛ bee pe a ní lúru pan si ba kapeekpoloyi myɛ ní yanɔnʔɔyi myɛ yirige di ni.

Ezekyɛli 18:13

ní i fwɔɔlɔ nii tɔ̀nɔ kéele na, ní i tɔ̀nɔpeew syoo, jaafɔw bee félege si kòro lé sìi na? Wi a kòro sìi na í àmɛɛ wi kapeeyi bee myɛ kpéʔele lè. Pe a tɔ̀nɔ́ wi kpóo wii! Wi sìsyaanw wolo kapeele a kòro wi tiimaw na!

Ezekyɛli 43:9

Tɔ́ɔliw ni pe a be kanɔnʔɔbyeri, ní be fànʔafɔbèle woguubéle léeli mii na, mii a tɛ́ɛn kòro be níngi ni kwɔ́ɔmɔ fun.

Oze sɛ́bɛw 14:1

Samarii a córo kolomɔfɔlɔ, níì cán wi n céemɛ kpéʔele wi Kolocɔlɔw kánma na. Ŋɔséew a be kpóo cáan. Pe pìipiiri a tɔ́nʔɔnɔ, pe cébèle be nyɛ lè ficarigèle fɔ̀ɔlɔ, bele bee a purugu.

Oze sɛ́bɛw 2:2

Zyuda ye, ní Isirayɛli ye a ba kpóʔoro si kùndigi nibin télege peyɛɛ nyúngi na, si yiri tári ni. Níì cán Zyizireyɛli cángi a tɔ̀nɔ́ pye cângbɔʔɔ.

Oze sɛ́bɛw 7:16

Pe i lúrugu ni maa, kàjáa wee wi nyɛ Pe Myɛ Nyúngo na lè, woro ma ban í. Pe i nyɛ àmɛɛ námara sedege nyɛ lè, Ŋɔsée a be kùndigibèle kpóo cáan pe nyíngèle péemɛ kéele na. Koro na pe a pye kataanra yárigéle Ezyipiti tári ni.»

Zyowɛli 2:12

Yawe n jo: «Tɔ́ɔliw naa ni, ye lúru ye pan mii ma ní yele fúnyi myɛ ní, ní súnlere, ní nyatinmɛ, ní peelele ní!»

Zakarii 1:4

‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.

Làlwaw Kaanziin 27:15

‹Syɔ́ɔnwee wi ga yatanga wàlá n tunmɔrɔ gbàla n yarigaa niwirige sámaga lè, gee gi lè yanɔnʔɔgɔ Yawe nyɛ́nɛ na, ní si i nyɛ fáliw kacanwaa kɔ́yɔ kapyele, níì gi tɛ́ʔɛ tɛɛlaralaa ni, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

Làlwaw Kaanziin 4:30

Bi mɔ yaʔa mɔ wɔʔɔgi ni, kérigèle bee myɛ a mɔ taa. Kàjáa canzanyi ni mɔ a lúru pan Yawe mɔ Kolocɔlɔw ma, mɔ a ba ra lúro wi ma.

Zyozuwe 24:14

Tɔ́ɔliw ni ki n yɛlɛ yaa fɛ̀ɛgí Yawe na yáā báara wi ma ní funvii, ní kányɛɛgi na. Kolocɔlɔbèle bele má yele tóolɛɛbèle da ni báara lè cábigi jeligɔgee na, ní bele má pe da ni báara lè Ezyipiti ni, ki n yɛlɛ ye be yirige yaà yáā báara Yawe ma.

Jàbɔbèle 10:16

A be kolocɔlɔ-nibɔnbèle yirige peyɛɛ níngi ni, ní i báara Yawe ma. Fɔ̀rɔgi gi pye Isirayɛli ye na lè, Yawe ga níì pye bi gbǎn gi kpàraco í.

1 Samyɛli 7:3

Lǎli bee ni a Samyɛli Isirayɛli kpáagi wòolo myɛ pye: «Kapye yele fúnyi myɛ ní yele lúru n pan Yawe ma, ki n yɛlɛ ye kolocɔlɔ-nibɔnbèle yirige yeyɛɛ níngi ni n fàra Asitaritebèle na, yé yele fúnyi kàriga Yawe ma yaa báara woro nibin ma. Lǎli bee ni wi a yele yirige Filisitini ye kɔ́yi ni.»