Zyeremii 39:4 - Cebaara Bible 2010

⁴ Lǎli ni Zyuda fànʔafɔw Sedesyasi, ní kapɛɛnkpumɔn-nǎnbèle tɛ́nɛ̀ be nyaa lè, a be fàn n yiri kěgi ni yébiligi ni fànʔafɔw nángwɔɔ kólogo ni, kpàánweeli ni li nyɛ lè gúnyi siin lariga ni, a be sɔ̀lɔ n yiri jǐnlɔgi kólogo ni.

Zyeremii 39:4 Iomraidhean Croise

2 Cányi kèlē 32:5

A Ezekyasi lòmaana le, tǒw tɛ́ɛyee yi da too lè, a wi níì yoro faan n yìrige n sáà nan kpaataʔa-tɔ́nɔyi na. Ní níì tòwaa faan wee kàdoʔo ma, ní níì Milo sámaga Davidi kěgi ni, níì kapɛɛnkpumɔn-yárira ní tunmɔzige-yariya saʔa sámaga.

Ezayi 22:11

Yele n lɔ̀ʔɔ wéʔe túgu gúnyi siin lariga ni, koro ga pye bi weelɛɛgi lɔ̀ʔɔ lége yaà. Kàjáa yele ga gi sélifɔw córo í, wàlá n wi nyaa, wee wi koro kpéʔele lè yaà cândɔnɔgɔ na í.

Ezayi 22:3

Mɔ sulasiikpolobèle myɛ n pínɛ ni fé, sedeyi fɔ̀ɔlɔ n be cò n pye kàsolebéle, mɔ korofɔbèle myɛ n pínɛ n cò n kpéʔele kàsolebéle bi gi taa pe maa fàn n léeli.

Ezayi 29:2

Mii a Ariyɛli gbɛ̀dɛ. Sùpiiwáara, ní cɛ́ɛnmɛ a pye yaà. Kěgi a pye mii ma àmɛɛ fúru nyɛ lè.

Zyeremii 32:4

Zyuda fànʔafɔw Sedesyasi a syɔɔ Kalide ye fǎngi ma í, kàjáa wi a tɔ̀nɔ́ le Babilɔni fànʔafɔw kɔ́yɔ ni, wi a joo ní wi ní pe yɛɛcɔɔgèle le peyɛɛ ni.

Zyeremii 32:5

Wi a Sedesyasi cò bi kári Babilɔni ma, wi a sa kòro yaà beè fwɔɔ bi taa mii í kɔ́ pan ba wi wéle,› Yawe wi jo nya. Yele ga kapɛɛnni kpúmɔn ní Kalide ye ní yele a fànʔa taa í.› »

Ezekyɛli 12:12

Fànʔafɔbili li nyɛ pe níngi ni lè, li a li túgori taʔa li pɔ́gi na yébilimi ni bi yiri. Pe a tǒw fùru si li yirige nɛɛ bee. Li a li yɛ́ɛgi tɔ́n koro ga pye li nyapiigèle a kɔ́ ra kǔli nyaagi í.

Ezekyɛli 12:4

Mɔ a mɔ yáriri yirige di pye àmɛɛ wojo-mí-káriɔ wóro nyɛ lè, canviitelege ni, pe nyɛnɛ na. Mɔ si a yiri cângwɔɔgi nyɔ́ɔ na pe nyɛnɛ na àmɛɛ wojo-mí-káribéle yirigi lè.

Levii ye sáriga-wòlori 26:17

Mii a mii yɛ́ɛgi wáa yele ma, yele nigoobèle a yele jáa, yele parafɔbèle a tɛ́ɛn yele nyúngi na. Yele a ra fé bi gi taa wàa o nyɛ yele kurugo í.

Levii ye sáriga-wòlori 26:36

Bele pe ga kòro yele ni lè sìi na pe nigoobèle tára ni, mii a zɔ̀nviikɔnirɔ wáa bele bee na, fwɔɔ bi be kaan paa fé waganga tìnmɛ na. Pe a ra fé àmɛɛ syɔɔn gáā fé ŋɔsée na lè. Pe a ra tuun bi gi taa wàa o nyɛ be kurugo í.

Amɔsi 2:14

Wee wi fé lè cama, wi a gbǎn ba fàn í, wee fànʔa gi nɛʔɛ lè wi a gbǎn ba yafyɛn kpéʔele ní wi fǎngi ní í, nànniriw a gbǎn ba wiyɛɛ sìíw syɔɔ í.

Làlwaw Kaanziin 28:25

Yawe a gi yaʔa mɔ nigoobèle í mɔ jáa. Mɔ a yiri be kánmi na kologo nibin ni, mɔ si a ba fàn be yɛ́ɛgi na koloyo kɔrɔsiin ni, mɔ a pye fyáara yáriga tári fànya myɛ ma.