Zyeremii 39:2 - Cebaara Bible 2010

² Sedesyasi fǎngi yɛ̀ʔɛlɛ kɛɛ ní nibin wólo yeye sicɛrɛ wóʔo, canya kpanjɛrɛ wóʔo na, a be weʔe fùru kěgi tò na.

Zyeremii 39:2 Iomraidhean Croise

Zyeremii 1:3

A gi wɔ́ɔ̀ pye nya Zyozyasi jáaw Yehoyakimi lǎli ni, wi lè Zyuda fànʔafɔw, fwɔɔ n sáà nan Zyozyasi jáaw Sedesyasi fǎngi yɛ̀ʔɛlɛ kɛɛ ní nibin wóli kwɔ́ɔmɔ na, n taa n sáà nan lǎli na, lee ni be Zyerusalɛmi ye cò n kári lè, yɛ́ɛli yeye kagunɔ wóʔo na.

Zyeremii 32:1

Yawe syɛ́ɛnri di nan Zyeremii na lè Zyuda fànʔafɔw Sedesyasi fǎngi yɛ̀ʔɛlɛ kɛɛ wóli na. Koro n pye Nebukadinezari fǎngi yɛ̀ʔɛlɛ kɛɛ ní kɔrɔtaanri wóli na.

Zyeremii 34:22

Wéle, mii a gi joo gbàn be ma, Yawe wi jo nya, mii a be lúrugo be pan kěgi naa kurugo, jàngó pe ba too gi na bi gi syɔɔ taa, si gi sórigo ní naà ní. Mii a Zyuda kěyi kàriga tɛɛ̀kalagiga syɛ̀ɛnnɛ fun tɛ́ʔɛ.› »

Zyeremii 37:8

Kalide ye a ní lúru pan, pe a ba too kěgi naa na, pe a gi syɔɔ taa si gi sórigo ní naà ní.›

Zyeremii 5:10

Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Ezekyɛli 33:21

Wolo cǒgarili kàdoʔo ma, ki yɛ̀ʔɛlɛ kɛɛ ní siin wóli yeye kɛɛ wógi canya kagunɔ wóʔo na, Zyerusalɛmi wogorowaa baa nan mii na, níì mii pye: «Pe n fànʔa taa kěgi na.»

Ezekyɛli 4:3

Mɔ si na, mi tunmɔrɔ yakpakpaʔa láa mi gi yérige gi pye tunmɔrɔ tò mɔ ní kěgi nínge ni, mí yɛʔɛ̀ wáa kěgi ma mí tɛ́ɛn gi taana kapɛɛnni kánma na. Ki a pye kègaa, gee taana be tɛ́ɛn kapɛɛnnɛ kánma na lè. Koro i nyɛ fɛ̀ɛ Isirayɛli kpáagi wòolo kánma na.

Ezekyɛli 5:2

Tɛ́ɛnni canya ga foro kěgi taana kapɛɛnni kánma na lǎli ni lè, mɔ a di tílayi taanri wógaa láa bi sórigo naanyìnge ni, kěgi nínge ni, mí tílagee láa mi kpúmɔn ní ŋɔséew ní mi kěgi màʔa, mí gee láa mi kóri mi wáa káfalagi kurugo. Mii a ba ŋɔséew kɔ́n bi taʔa be na.

Sofonii 1:10

Cángi bee na yákpowáara a ra lúro yaà Fábèle kpàánweele ma, Yawe wi jo nya, sùpiire a ra lúro yaà kèyabifɔngi ma, kálagigbɔɔlɔ tinmɛ a ra lúro yaà dǎndamayi na.

Zakarii 8:19

«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Yeye sicɛrɛ wógi súnlere, ní kagunɔ wógi súnlere, ní kɔrɔsiin wógi súnlere, ní kɛɛ wógi súnlere a kàri mugurumɔ, ní fundaanra canya Zyuda kpáagi wòolo ma, ní fundaanra kpóʔorojàngēle canya. Kàjáa ki n yɛlɛ kányɛɛgi ní yɛɛ̀nyingi kéele í yele dɛ́nɛ.› »