Zyeremii 39:1 - Cebaara Bible 2010

¹ Zyuda fànʔafɔw Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo na, a Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní Zyerusalɛmi kánmi na, ní baa tɛ́ɛn gi taana kapɛɛnni kánma na.

Zyeremii 39:1 Iomraidhean Croise

2 Cányi kèlē 36:17

A wi Kalide ye fànʔafɔw tórigo be kánmi na a woro baa be wojáribèle kpóo ní ŋɔsée ní, be tɛɛcǎngi ni. Wi ga nìgɔcariɔ, wàlá pìcaa, wàlá wolɛɛɔ, wàlá ǹjoofiire fɔ́lɔ faala yaʔa í. A wi pe myɛ le wi kɔ́gi ni.

Zyeremii 32:1

Yawe syɛ́ɛnri di nan Zyeremii na lè Zyuda fànʔafɔw Sedesyasi fǎngi yɛ̀ʔɛlɛ kɛɛ wóli na. Koro n pye Nebukadinezari fǎngi yɛ̀ʔɛlɛ kɛɛ ní kɔrɔtaanri wóli na.

Zyeremii 34:1

Yawe syɛ́ɛnri di nan Zyeremii na lè, lǎli ni Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní lè, ní si i nyɛ tátɛɛyi fànya myɛ nyúngo na, á syɛɛnfeleyi myɛ si i kapɛɛnni kpúmɔn ní Zyerusalɛmi, ní gi tɛ́nɛmi kèye myɛ ní lè, toro di dee naa:

Zyeremii 34:22

Wéle, mii a gi joo gbàn be ma, Yawe wi jo nya, mii a be lúrugo be pan kěgi naa kurugo, jàngó pe ba too gi na bi gi syɔɔ taa, si gi sórigo ní naà ní. Mii a Zyuda kěyi kàriga tɛɛ̀kalagiga syɛ̀ɛnnɛ fun tɛ́ʔɛ.› »

Zyeremii 42:18

Níì cán Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Kánmee na mii fundanʔari ní mii fundanʔagbɔɔri baa too Zyerusalɛmi ye na lè, kánmi bee na mii fundanʔagbɔɔri a wɔ́ɔ too yele na, yele ga tíi níì kári Ezyipiti ma. Yele a pye kàliga yáriga, ní funwɔɔrɔ yáriga, ní dánga yáriga, ní yafaʔaga, yele si a ní tɛ́ɛgi naa nyaa í.›

Zyeremii 52:1

Yɛ̀ʔɛlɛ toko ní nibin Sedesyasi da taa lǎli ni wi baa pye lè fànʔafɔlɔ. Yɛ̀ʔɛlɛ kɛɛ ní nibin wi kwɔ́ɔ fǎngi na Zyerusalɛmi ni. Wi nɔ́ɔw mɛ́ʔɛ ki da pye Hamutali wi pye lè Libina ye Zyeremii jáaw.

Zyeremii 6:6

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye tíiri kpúmɔn, ye tɛɛ̀lúguyo sámaga Zyerusalɛmi kánmi na! Kěgi naa n tɔ̀nɔ n yɛlɛ ní wɔʔɔlɔ ní. Gee myɛ gi nyɛ gi ni lè, koro gi nyɛ fǎngi gbànna.

Ezekyɛli 33:21

Wolo cǒgarili kàdoʔo ma, ki yɛ̀ʔɛlɛ kɛɛ ní siin wóli yeye kɛɛ wógi canya kagunɔ wóʔo na, Zyerusalɛmi wogorowaa baa nan mii na, níì mii pye: «Pe n fànʔa taa kěgi na.»

Ezekyɛli 4:3

Mɔ si na, mi tunmɔrɔ yakpakpaʔa láa mi gi yérige gi pye tunmɔrɔ tò mɔ ní kěgi nínge ni, mí yɛʔɛ̀ wáa kěgi ma mí tɛ́ɛn gi taana kapɛɛnni kánma na. Ki a pye kègaa, gee taana be tɛ́ɛn kapɛɛnnɛ kánma na lè. Koro i nyɛ fɛ̀ɛ Isirayɛli kpáagi wòolo kánma na.

Ezekyɛli 40:1

Wolo cò-mí-kárili yɛ̀ʔɛlɛ toko ní kagunɔ wóli na, yɛ́ɛli sélimɛ na, yégi canya kɛɛ wóʔo na, kěgi toogwɔɔlɔ kàdoʔo ma yɛ̀ʔɛlɛ kɛɛ ní sicɛrɛ wóli na, cángi bee na Yawe kɔ́gi maa pye mii na, a wi kári ní mii ní yaà.

Ezekyɛli 5:2

Tɛ́ɛnni canya ga foro kěgi taana kapɛɛnni kánma na lǎli ni lè, mɔ a di tílayi taanri wógaa láa bi sórigo naanyìnge ni, kěgi nínge ni, mí tílagee láa mi kpúmɔn ní ŋɔséew ní mi kěgi màʔa, mí gee láa mi kóri mi wáa káfalagi kurugo. Mii a ba ŋɔséew kɔ́n bi taʔa be na.

Zakarii 8:19

«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Yeye sicɛrɛ wógi súnlere, ní kagunɔ wógi súnlere, ní kɔrɔsiin wógi súnlere, ní kɛɛ wógi súnlere a kàri mugurumɔ, ní fundaanra canya Zyuda kpáagi wòolo ma, ní fundaanra kpóʔorojàngēle canya. Kàjáa ki n yɛlɛ kányɛɛgi ní yɛɛ̀nyingi kéele í yele dɛ́nɛ.› »

Làlwaw Kaanziin 28:36

Yawe a gi yaʔa mɔ ní mɔ fanʔafɔw mɔ a télege miyɛɛ nyúngi na lè yele í tánʔa kári syɛɛnfelegaa tára ma, syɛɛnfelegee gi lè mɔ ga gi cán í, mɔ tóolɛɛbèle da wɔ́ɔ̀ gi cán í. Bi mɔ yaʔa yaà beè, mɔ a ra kolocɔlɔbèle pèle nikwɔɔlɔ kpɔ̀ʔɔrɔ́, pe lè tíiri, ní kàdɛnɛri wòolo.