Zyeremii 38:7 - Cebaara Bible 2010

⁷ Ebɛdi-Melɛki wi pye lè Etyopii ye wów, woro wee pe da wòlo lè, wi si i nyɛ fànʔafɔw kpaʔa ni, a woro gi lóʔo pe n Zyeremii le lǒgi wéʔe ni. Fànʔafɔw si maa pye wodɛ́ɛɔn ní Bɛnzyamɛ kpàánweeli na.

Zyeremii 38:7 Iomraidhean Croise

2 Fànʔafɔbèle 24:15

A wi Yehoyakɛn cò n kári Babilɔni ma, ní Yehoyakɛn nɔ́ɔw, ní wi cébèle, ní wi nǎnbèle be wòlo lè n fàra tári báriga syɛ̀ɛnnɛ na, wi n be cò Zyerusalɛmi ni n kári Babilɔni ma.

Ŋúnuyi 68:31

Fúlo nyɛnɛgɔligi yaweʔe na, ní náapegèle gboolo, ní syɛɛnfeleyi náapiiye na, pe tìgí too mɔ taana ní wálifiiw támabéle ní! Syɛɛnfeleyi kapɛɛnni dɛ́nɛ lè, ki n yɛlɛ mi yi cariga!

Kàseegèle 29:10

Sìsyaanwobèle n tɛɛlɛ fun syɔ́ɔnw para, kàjáa syɛɛnsinbèle i wi sìíw kpáa wéle.

Ezayi 56:3

Nibɔnwee wi wiyɛɛ daʔa Yawe na lè, wee bee a kɔ́ gi joo í si jo: «Yawe a tɔ̀nɔ́ mii wàli bi láʔa wi syɛ́ɛnbèle na!» Nǎnwee be wòlo lè, wee bee a kɔ́ gi joo í si jo: «Mii i nyɛ tiiwaʔa yagana!»

Zyeremii 13:23

A Etyopii ye wóo a gbǎn wi césaligi kàriga lé, wàlá sèjɔɔn í wi tɛɛ̀nyɔngɔ-nyɔngɔyi kàriga? Koro na yele bele ye tàli kapeeyi pyele na lè, yele a gbǎn kacànna kpéʔele í.

Zyeremii 20:2

A Pasyihuri kanyaajoow Zyeremii kpúmɔn níì wi le yakparagi na n táriga Bɛnzyamɛ ǹjoʔo ma kpàánweeli na, Yawe kpáagi ni.

Zyeremii 26:16

Lǎli bee ni a syɛɛnkpolobèle, ní syɛ́ɛnbèle myɛ binɛw gi joo sáriga-wòlobèle ní kanyaajoobèle ma níì jo: «Nǎnw naa ga tɔ̀nɔ n yɛlɛ ní kpóolo ní í! Níì cán wi n joo wolo ma Yawe wolo Kolocɔlɔw mɛ́ʔɛ na.»

Zyeremii 29:2

Koro n pye fànʔafɔw Yekonya ní wi nɔ́ɔw wi pye lè fànʔafɔjew, woro ní nǎnbèle be wòlo lè, ní Zyuda, ní Zyerusalɛmi syɛɛnkpolobèle, ní minizyebèle, ní fɔ̀nɔbèle yirile kadoʔo ma Zyerusalɛmi ni.

Zyeremii 34:19

Zyuda syɛɛnkpolobèle, ní Zyerusalɛmi syɛɛnkpolobèle, ní nǎnbèle be wòlo lè, ní sáriga-wòlobèle, ní tári syɛ̀ɛnnɛ myɛ be foro náapiigi ceriye lariga ni lè,

Zyeremii 37:13

Lǎli ni wi nan Bɛnzyamɛ kpàánweeli na lè, gáridibèle kàfɔlɔ be yiri lè Yiriya, wi lè Syelemya jáaw, Syelemya wi lè Hananya jáaw, woro maa pye yaà, a wi kanyaajoow Zyeremii cò, níì gi joo níì jo: «A mɔ syée sa miyɛɛ gaan wii Kalide ye ma.»

Zyeremii 38:8

A Ebɛdi-Melɛki yiri fànʔafɔw kpaʔa ni, ní sáà joo ní fànʔafɔw ní níì jo:

Amɔsi 5:10

Wee wi fúlo be na kpàánweeli na lè, wi kéeli n be bɛɛn. Wee wi fíligi ni nyuu lè, wi i nyɛ be ma yanɔnʔɔgɔ.

Zakarii 14:10

Tári myɛ a ba kàri tɛɛfiige bi séli Geba na bi sa nan Irimɔn na, ki nyɛ lè Zyerusalɛmi wòrogulo kàbangi na. Zyerusalɛmi a yìrige ǹjogi ni bi télege wi tɛ́ɛgi ni, bi séli Bɛnzyamɛ kpàánweeli na bi sa nan kpàánwee-sélili tɛ́ʔɛ na, fwɔɔ bi sa nan jɛ̀ɛ́ngèle kpàánweele na, si ní séli Hananeyɛli kpaataʔa-tɔ́nɔgi na fwɔɔ bi sa nan fànʔafɔw ɛrɛzɛn tɛ́ɛnùguyo na.

Matye 20:16

Kánmi bee na kàdoʔo ma syɛ́ɛnbèle a ba pye yɛʔɛ̀ ma, yɛʔɛ̀ ma wóbèle si ba pye kàdoʔo ma.»

Làlwaw Kaanziin 21:19

wi tóow, ní wi nɔ́ɔw a wi cò bi yiri ní wi ní wi kěgi wólɛɛbéle ma kěgi kpàánweele ma.

Zyozuwe 20:4

Syɛɛnkpóow ga fàn n sáà nan kěyi bee kàa na, wi a yére kěgi kpàánweele na si wi kataali joo tɛ̀ɛn kěgi bee wólɛɛbéle na. Poro a wi syɔɔ lége ní peyɛɛ ní kěgi ni, si tɛɛkòrogo kaan wi ma wi pye yaà ní poro ní.