Zyeremii 38:4 - Cebaara Bible 2010

⁴ A syɛɛnkpolobèle gi joo fànʔafɔw ma níì jo: «Nǎnw naa n yɛlɛ pe wi kpóo! Níì cán kapɛɛnkpumɔn-nǎnbèle be kòro kěgi naa ni lè, woro wi be bárigaw kwóo, n fàra syɛɛnsanbèle myɛ na, àmɛɛ wi syɛ́ɛnri naa félege nyuu be ma lè. Nǎnw naa o syɛ́ɛnbèle naa nyɔɔmɔ caa í, fwɔɔ be wɔʔɔgi.»

Zyeremii 38:4 Iomraidhean Croise

1 Fànʔafɔbèle 21:20

A Akabi baa Elii pye: «Mii nigoow, a mɔ mii caa lé n nyaa?» A wi wi yari: «Ɛɛn, mii n mɔ caa n nyaa. Níì cán mɔ n miyɛɛ pára n gi kpéʔele, gee gi pee Yawe nyɛ́nɛ na lè.

2 Cányi kèlē 24:21

A be nyɔɔ kúun wi na níì wi wábagi ní kàdɛnɛrɛ ní Yawe kpáagi kadàala na n yɛlɛ ní gee ní fànʔafɔw joo n gbàn lè.

Ɛsidirasi 4:12

Fànʔafɔw n yɛlɛ bi gi cán Zyefubèle bele be yìri yaà mɔ ma lè ní baa nan naa wolo na Zyerusalɛmi ni lè, pe i naa n ní ba ni céemi kàʔa faanri ki lè kèpeegi, pe i gi tǒw, ní gi kàpɔɔnw sámagi.

Nehemii 6:9

Syɛ́ɛnbèle bee myɛ maa ni caa bi wolo kàriga wolo í da fɛ̀ɛgí, níì jo: «Pe bárigaw a kwɔ́ɔ, fáliw si a ní kpéʔele í.» Tɔ́ɔliw ni, fànʔa le mii kɔ́yi ni ee Kolocɔlɔɔ.

Yirile 5:4

A Ezyipiti fànʔafɔw be pye: «Mowizi, mɔ ní Aarɔn, nyàʔá na yele syɛ́ɛnbèle láari be fáliw na? Yaa syée yele fáliw kurugo.»

Zyeremii 11:21

«Koro na Yawe syɛ́ɛnri naa jo Anatɔti syɛ́ɛnbèle kánma na, poro bele pe mɔ siikwɔɔri caa lè, ní i gi nyuu níì jo: ‹Mɔ a kɔ́ ra nyɛ̀ʔɛna kérigèle nyuu baa tèé Yawe mɛ́ɛgi na í. Kapye koro ban í, wolo kɔ́yi a mɔ kpóo.›

Zyeremii 18:23

Mɔ si na, Yawe, kérigèle myɛ be tímana mii kéeli na jàngó bi mii taa kpóo lè, mɔ n ge cán. Mɔ a kɔ́ be kolomi kùsulugo syɔɔ í, mɔ a kɔ́ be kapeeli kurugo láʔa yaà mɔ yɛ́ʔɛ ma í! Ki n yɛlɛ pe kpírige too mɔ yɛ́ʔɛ ma! Keele tɛ́ʔɛ be na mɔ fundanʔari làla ni!

Zyeremii 26:11

Lǎli bee ni a sáriga-wòlobèle ní kanyaajoobèle gi joo syɛɛnkpolobèle ní syɛ́ɛnbèle myɛ ma níì jo: «Nǎnw naa n yɛlɛ ní kpóolo ní! Níì cán wi n kérigèle nyaa n joo kěgi naa kánma na àmɛɛ yele gi lóʔo yele tiimaa líiweegèle ni lè.»

Zyeremii 29:7

Kěgee ma mii yele cò n tórigo lè, yaa gi yɛɛ̀nyingi caa, yáā kacànga nyɛ́ɛri Yawe ma gi kéeli na. Níì cán koro yɛɛ̀nyingi ni yele wógi a taa.›

Zyeremii 38:16

A fànʔafɔw Sedesyasi kàli Zyeremii ma làrama ni, níì jo: «Yawe woweew mɛ́ʔɛ na, woro wee wi sìíw kaan wolo ma lè, mii a mɔ kpóo í, nǎnbèle bee be mɔ siikwɔɔri caa lè, mii a wɔ́ɔ mɔ le be kɔ́yi ni í.»

Zyeremii 38:25

Syɛɛnkpolobèle ga gi lóʔo mii n joo ní mɔ ní, á be pan n baa mɔ pye: ‹Gee mɔ sáà joo fànʔafɔw ma lè, ní gee fànʔafɔw joo mɔ ma lè, ki joo wolo ma, mɔ a kɔ́ yafyɛn làriga wolo na í, wolo a mɔ kpóo í.›

Zyeremii 43:3

Kàjáa Neriya jáaw Baruki wi mɔ sɔ́ɔn wolo na jàngó bi wolo le Kalide ye kɔ́yi ni koro ga pye be wolo kpóo wàlá bi wolo cò bi kári Babilɔni ma.»

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Amɔsi 7:10

Lǎli bee ni Amasya wi pye lè Betɛli sáriga-wòlow, a woro tun be sa Isirayɛli fànʔafɔw Zyerobowami pye: «Amɔsi n nyɔɔ kúun mɔ na Isirayɛli kpáagi wòolo nínge ni. Tári syɛ̀ɛnnɛ a ní gbǎn wi syɛ́ɛnri myɛ kpàraco í.

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

Kapyegèle 16:20

Ní sáà be yérige fànʔafɔbèle yɛ́ʔɛ ma níì jo: «Nǎnbèle naa tɔ̀nɔ i wolo kěgi súrugu ni caanri. Pe i nyɛ Zyefubéle.

Kapyegèle 17:6

Pe si ga be nyaa í. A be Zyasɔn ní senyɛnbèle pèle cò n kílele n kári kěgi fànʔafɔɔlɔ ma ní i yákpogèle wáa níì jo: «Syɛ́ɛnbèle be dulunyanw súrugu ni máari lè, poro be wɔ́ɔ̀ pan nɛɛ naa,

Kapyegèle 24:5

Wolo n nǎnw naa nyaa àmɛɛ káfalaga yáama nyɛ lè, wi i Zyefubèle myɛ nyúnyo kàragí dulunyanw tɛ́ɛyɛ myɛ ni, ní i nyɛ Nazarɛti ye jànvaa kólogi kùndigi,

Kapyegèle 28:22

Kàjáa gee gi lè mɔ fúngi ni, wolo i caa bi gee bee lóʔo mɔ nyɔ́ɔgi na, níì cán gee gi kólogi naa kwɔ́ɔ lè, wolo n gi cán syɛ́ɛnbèle tɔ̀nɔ́ i syɛɛnpeeri nyuu gi kéeli na tɛ́ɛyi myɛ ni.»