Zyeremii 38:3 - Cebaara Bible 2010

³ Yawe wi syɛ́ɛnri naa joo níì jo: ‹Kěgi naa a tɔ̀nɔ́ le Babilɔni fànʔafɔw kapɛɛnkpumɔnbéle kɔ́yɔ ni, wi a gi syɔɔ taa.› »

Zyeremii 38:3 Iomraidhean Croise

Zyeremii 21:10

Níì cán mii a mii yɛ́ɛgi wáa kěgi naa ma bi kapeʔe pye gi na, kacànna ban mii a pye gi na í, Yawe wi jo nya. Ki a le Babilɔni fànʔafɔw kɔ́yɔ ni, wi a gi sórigo ní naà ní.›

Zyeremii 21:4

‹Yawe wi lè Isirayɛli Kolocɔlɔw, woro wi syɛ́ɛnri naa joo níì jo: Wéle, mii a kapɛɛnkpumɔn-yáriri kolo lúrugo, dee di nyɛ yele kɔ́yi ni lè, ní dee ní yele kapɛɛnni kpúmɔn ní Babilɔni fànʔafɔw, ní Kalide ye ní lè, poro bele be tɛ́ɛn tǒw kàdoʔo ma n yele màʔa lè, mii a be kpóʔoro kěgi naa nínge ni.

Zyeremii 21:9

Wee wi ga kòro kěgi naa ni lè, ŋɔséew, ní kateekpɔɔgi, ní káfalagi yáama a wi kpóo. Kàjáa, wee wi ga yiri n sáà wiyɛɛ gaan lè Kalide ye ma pe baa tɛ́ɛn yele taana lè kapɛɛnni kánma na, wi sìíw a pye wi ma yataʔa.

Zyeremii 29:16

Yawe wi syɛ́ɛnri naa joo fànʔafɔw ma wi tɛ́ɛn Davidi fàngoli na lè, ní syɛ́ɛnbèle myɛ ma be nyɛ lè wodɛ́ɛnbéle ní kěgi naa ni, yele senyɛnbèle ma pe nyɛ lè pe ga cò n kári ní yele ní í,

Zyeremii 37:8

Kalide ye a ní lúru pan, pe a ba too kěgi naa na, pe a gi syɔɔ taa si gi sórigo ní naà ní.›

Zyeremii 38:18

Kàjáa mɔ ga pye mɔ ga yiri n sáà miyɛɛ gaan Babilɔni fànʔafɔw syɛɛnkpolobéle ma í, kěgi naa a jée Kalide ye kɔ́yi ni, pe a gi sórigo ní naà ní. Mɔ si na, mɔ a syɔɔ be kɔ́yi ma í.› »