Zyeremii 38:2 - Cebaara Bible 2010

² «Yawe wi syɛ́ɛnri naa joo níì jo: ‹Syɔ́ɔnwee wi ga kòro kěgi naa ni lè, ŋɔséew, ní kateekpɔɔgi, wàlá káfalagi yáama a wee bee kpóo. Wee si ga yiri n sáà wiyɛɛ gaan Kalide ye ma lè wee bee a wi sìi kɔn, wi sìíw a pye wi yataagi, wi a kòro sìi na.›

Zyeremii 38:2 Iomraidhean Croise

Zyeremii 21:4

‹Yawe wi lè Isirayɛli Kolocɔlɔw, woro wi syɛ́ɛnri naa joo níì jo: Wéle, mii a kapɛɛnkpumɔn-yáriri kolo lúrugo, dee di nyɛ yele kɔ́yi ni lè, ní dee ní yele kapɛɛnni kpúmɔn ní Babilɔni fànʔafɔw, ní Kalide ye ní lè, poro bele be tɛ́ɛn tǒw kàdoʔo ma n yele màʔa lè, mii a be kpóʔoro kěgi naa nínge ni.

Zyeremii 24:8

Gee si gi děsyaangi kéele kwɔ́ɔ lè, gee gi pee lè n pye ki a gbǎn lìi í ki peejaanrimi kéele na, gee naa Yawe joo níì jo: ‹Kánmi bee na mii a Sedesyasi pye wi lè Zyuda fànʔafɔw, woro ní wi syɛɛnkpolobèle, ní Zyerusalɛmi wogorobèle, poro bele be kòro tári naa ni lè, ní bele be nyɛ wodɛ́ɛnbéle ní Ezyipiti tári ni lè.

Zyeremii 27:11

Syɛɛnfelegee si ga gi yátiigi kaan Babilɔni fànʔafɔw zúu ma, ni báara wi ma lè, mii a gi yaʔa gi tiimaa tári ni, koro ga pye kaa di fála si tɛ́ɛn di ni,› » Yawe wi jo nya.

Zyeremii 27:13

Nyàʔá na gi yɛlɛ yele í kɔ́ kùu, mɔ ní mɔ syɛ́ɛnbèle, ŋɔséew, ní kateekpɔɔgi, ní káfalagi yáama báriga ni, àmɛɛ Yawe gi joo lè syɛɛnfelegi kéele na, gee ki ga pye lè ki ga kiyɛɛ gaan Babilɔni fànʔafɔw ma í?

Zyeremii 29:16

Yawe wi syɛ́ɛnri naa joo fànʔafɔw ma wi tɛ́ɛn Davidi fàngoli na lè, ní syɛ́ɛnbèle myɛ ma be nyɛ lè wodɛ́ɛnbéle ní kěgi naa ni, yele senyɛnbèle ma pe nyɛ lè pe ga cò n kári ní yele ní í,

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Zyeremii 39:18

Mii a mɔ yaʔa mɔ í syɔɔ, ŋɔséew a tée mɔ kpúmɔn cáan í. Mɔ siiw wi a pye mɔ yataagi, níì cán mɔ n tága mii na,› » Yawe wi jo nya.

Zyeremii 42:17

Bele myɛ pe ga gi kɔ̀rirɔ n tímana lè bi kári Ezyipiti ma bi sa tɛ́ɛn yaà, ŋɔséew ní kateekpɔɔgi, ní káfalagi yáama a be kpóo yaà, wàa a kòro be ni woweeo í, wàlá wozyɔɔɔ wɔʔɔgi ma, gee mii a cáan be na lè í.›

Zyeremii 42:22

Ye gi sámaga ye cán tɔ́ɔliw ni bi cán ŋɔséew, ní kateekpɔɔgi, ní káfalagi yáama a yele kpóo tɛ́ɛgee ni yele caa bi sa tɛ́ɛn lè.»

Zyeremii 44:13

Kánmee na mii keele tɛ́ʔɛ Zyerusalɛmi ye na ní ŋɔséew, ní kateekpɔɔgi, ní káfalagi yáama ní lè, kánmi bee na mii a keele tɛ́ʔɛ bele na be kári n sáà tɛ́ɛn Ezyipiti tári ni lè.

Zyeremii 45:5

Yakpoloyo lé mɔ caa? Mɔ a kɔ́ ra yi caa í! Níì cán wéle, mii a wɔʔɔgɔ yaʔa gi too cere yáriri myɛ na, Yawe wi jo nya. Mii si a mɔ siiw kaan mɔ ma wi pye yataʔa tɛ́ɛyi myɛ ni, beè mɔ ga kári lè.› »

Ezekyɛli 14:21

A Kàfɔw Yawe si níì syɛ́ɛnri naa joo níì jo: «Alí mii ga wírè mii wɔʔɔbeeyi sicɛrɛ tórigo Zyerusalɛmi kánmi na, yi lè ŋɔséew, ní kateekpɔɔgi, ní yaweepeeyi, ní káfalagi yáama bi syɛ́ɛnbèle ní yaweeri kwɔ́ɔ yirige wi ni,

Ezekyɛli 6:11

Kàfɔw Yawe wi syɛ́ɛnri naa joo níì jo: «Kadaagèle kóri keyɛɛ na, mí yédaali súu tári na mí jo: ‹Céì!› Nɔ́nʔɔbeeri myɛ kéele na, dee Isirayɛli kpáagi wòolo kpéʔele lè, poro bele ŋɔséew, ní kateekpɔɔgi, ní káfalagi yáama a kpóo cáan lè.

Ezekyɛli 7:15

«Ŋɔséew i nyɛ kàfugo ma, káfalagi yáama ní kateekpɔɔgi si i nyɛ fungo ma! Wee wi nyɛ sìnbirigi ni lè, ŋɔséew a wee bee kpóo, wee wi nyɛ kěgi ni lè kateekpɔɔgi ní káfalagi yáama a wee bee lìi.