Zyeremii 38:16 - Cebaara Bible 2010

¹⁶ A fànʔafɔw Sedesyasi kàli Zyeremii ma làrama ni, níì jo: «Yawe woweew mɛ́ʔɛ na, woro wee wi sìíw kaan wolo ma lè, mii a mɔ kpóo í, nǎnbèle bee be mɔ siikwɔɔri caa lè, mii a wɔ́ɔ mɔ le be kɔ́yi ni í.»

Zyeremii 38:16 Iomraidhean Croise

Syɛɛnjóow 12:7

sáni támiigi í lúru jée tári ni, beè ki da pye lè, pǐli si lúru kári li kaanfɔw Kolocɔlɔɔ ma.

Ezayi 42:5

Kolocɔlɔɔ wi lè Yawe, woro wee wi nyɛ̀ʔɛgèle sámaga lè níì ge càli, níì tári cariga n fàra yáriri na di yirigi di ni lè, ní i ŋɔ́ngari kaangi bele ma be nyɛ wodɛ́ɛnbéle ní di ni lè, ní i pìígèle nii bele ni be di fé ni forogi lè, woro wi jo:

Ezayi 57:16

Níì cán mii a kòro fúloli na làla o làla í, wàlá bi kòro bàngwɔɔ fundanʔagbɔɔrɔ na í, kapye koro ban í, pǐli ní céri mii sámaga lè, ti a too mii yɛ́ʔɛ ma bi kálagi.

Zyeremii 34:20

mii a be le pe nigoobèle kɔ́yɔ ni, bele kɔ́yɔ ni pe be sìikwɔɔri caa lè, pe kúceri a pye lìile nyɛ̀ʔɛni féjɛɛnrɛ, ní tári yaweere ma.

Zyeremii 37:17

A fànʔafɔw Sedesyasi tun a be sáà wi yeri. A fànʔafɔw baa wi yíbe làrama ni wi fànʔafɔ-gbaagi ni, níì jo: «A Yawe syɛ́ɛnraa i yaà lé?» A Zyeremii wi yari: «Ɛɛn!» Ní níì jo: «Mɔ a le Babilɔni fànʔafɔw kɔ́yɔ ni.»

Zakarii 12:1

Joogbanna, Yawe syɛ́ɛnri Isirayɛli kéeli na. Yawe wi nyɛ̀ʔɛgèle yérige ǹjogi ni lè, níì tári kàpɔɔn le, ní wɔ́ɔ̀ syɔɔn pili sámaga wi ni lè, wi n jo:

Córolo 16:22

A be too n yɛ́ɛyi cíbele tári na níì jo: «Ee Kolocɔlɔɔ, mɔ wi lè céri myɛ pìigēle Kolocɔlɔɔ, nàɔn nibin wi kapeeli kpéʔele, mɔ fúngi si tanʔa lé syɛ́ɛnmi myɛ kurugo?»

Córolo 27:16

«Yawe wi lè cere yáriri myɛ pìigēle Kolocɔlɔɔ, ki n yɛlɛ wi nànwaa télege syɛ́ɛnmi nyúngo na,

Zyan 3:2

Wee bee maa kári Zyezu ma cangaa yébilige ni n sáà wi pye: «Tamafɔw, wolo n gi cán mɔ n yìri Kolocɔlɔɔ ma n pan n baa pye tamafɔlɔ. Níì cán kakpoloyi mɔ kpéʔele lè, syɔɔn a gbǎn yi kpéʔele í, kapye Kolocɔlɔɔ o nyɛ ní wi ní í.»

Kapyegèle 17:25

Wi màko o nyɛ syɔɔn kɔ́lɔ yakpéʔelege na í, níì cán woro wi sìíw, ní ŋɔ́ngari, ní yáriri myɛ kaangi syɛ́ɛnbèle myɛ ma.

Kapyegèle 17:28

Níì cán woro bárigaw ni wolo myɛ sìi taa n pye syɛ̀ɛnnɛ, ni táanri ni máari. Anbée yele ŋùuvɔbèle pèle wɔ́ɔ̀ gi joo níì jo: ‹Wolo wɔ́ɔ i nyɛ Kolocɔlɔɔ yòdaʔaya.›

Heburubèle 12:9

Amɛɛ si gi lè bele be nyɛ lè wolo tóobèle dulunyanw naa ni, pe maa ni wolo kpúmɔn, a wolo i lúro be ma, wolo si ga yɛlɛ wolo í da lúro pìígèle Tofɔlɔ ma bi sɔ̀lɔ jàngó wolo í sìi taa ì?