Zyeremii 33:3 - Cebaara Bible 2010

³ ‹Mii mɛ́ɛgi yeri, mii a syɔɔ mɔ ma, mii a yakpoloyo kéele joo mɔ ma, yee yi làra lè, yee yi lè mɔ da yi cán í.›

Zyeremii 33:3 Iomraidhean Croise

Ŋúnuyi 145:18

Yawe n nùuni wi mɛ́ɛgi yerifɔɔlɔ myɛ na, poro bele myɛ pe wi mɛ́ɛgi yiri kányɛʔɛ na lè.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Ŋúnuyi 50:15

Ki n yɛlɛ mi mii mɛ́ɛgi yeri wɔʔɔgi canʔa na, mii a mɔ syɔɔ mɔ sáā mii kpɔ̀ʔɔrɔ́.»

Ŋúnuyi 91:15

Wi a mii mɛ́ɛgi yeri, mii a lóʔo wi ma. Mii a pye ní wi ní wɔʔɔgi làla ni, mii a wi syɔɔ si wi kpɔ́ʔɔ.

Ezayi 45:3

Mii a lɔlarara kaan mɔ ma, ní lɔ́ree be kɔn tɛɛlaraga ni lè, koro ga pye mɔ í gi cán bi cán mii wi nyɛ Yawe, wee wi mɔ yiri lè mɔ mɛ́ɛgi na, mii wee wi nyɛ lè Isirayɛli Kolocɔlɔw.

Ezayi 48:6

Mɔ n gee bee lóʔo, níì gi myɛ nyaa. Ki si ga yɛlɛ yele í da kérigèle bee nyuu bàā tèé ì? Tɔ́ɔliw ni, mii i yafɔnyɔ tèé mɔ na, yee yi làra lè, yee yi lè mɔ da yi cán í.

Ezayi 65:24

Lǎli bee ni sáni pe mii mɛ́ɛgi yeri lè, mii a syɔɔ be ma. Pe a sèʔé pye jooli na mii si tée lóʔo be ma.

Zyeremii 23:35

Yele a ra gi nyuu yeyɛɛ ma, syɔɔn o syɔɔn ní wi syɛɛnnyɛnnɛ ma, syɔɔn o syɔɔn ní wi senyɛnnɛ ma si jo: ‹Dìí Yawe joo syɛɛnlurugori? Nyàʔá Yawe joo?›

Zyeremii 29:12

Lǎli bee ni yele a mii mɛ́ɛgi yeri, yele a lúru pan. Yele a ba ra mii nyɛ́ɛri, mii a yele nyɛ́ɛrigi lóʔo.

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Zyeremii 32:27

«Wéle, mii wi nyɛ Yawe, wi lè cere yáriri myɛ Kolocɔlɔɔ. A yarigaa i yaà lé gee gi lè mii fánʔa o nyɛ gi na í?

Danyɛli 2:18

jàngó pe nyɛ̀ʔɛni Kolocɔlɔɔ nyɛ́ɛri gbanʔama wi nyinidaari na, kalarali bee kéele na, koro ga pye woro Danyɛli ní woro pínɛnyɛnbèle a kɔ́ kùu ní Babilɔni sícilizanbèle ní í.

Danyɛli 2:22

Woro wi kérigèle tèé, gele ge cùru, níì làra lè. Woro wee wi yébilimi kèlē cán lè, á gbɛ̀ɛ́nmi pínɛ n tɛ́ɛn ní wi ní.

Danyɛli 2:23

Mii tóobèle Kolocɔlɔɔ, mɔ má mii bariga kaangi, ní i mɔ sòoló sícilimi, ní fǎngi kéele na mɔ kaan mii ma lè, yárigee wolo nyɛ́ɛri mɔ ma lè, mɔ n gi tɛ̀ɛn mii na, gee gi nyɛ lè fànʔafɔw kéele, mɔ n li tɛ̀ɛn wolo na!»

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Misye 7:15

Mii a kakpoloyo tɛ̀ɛn be na, mɔ a jo àmɛɛ ki da pye lè nlaa mɔ canyiriyi na Ezyipiti tári ni.

Matye 13:35

jàngó kanyaajoow syɛ́ɛnrɛ í foro, dee wi da joo lè níì jo: «Mii a mii nyɔ́ɔgi múgu bàā nyuu be ma kàseegéle ni. Mii a kalaragèle joo tɛ̀ɛn gele ge làra lè nlaa yaà dulunyanw sélimɛ na.»

Kapyegèle 2:21

Lǎli bee ni syɔ́ɔnwee faala wi ga Kàfɔw mɛ́ʔɛ yeri lè, wee bee a syɔɔ.›

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.

Efɛzi ye 3:20

Wee si wi a gbǎn kérigèle myɛ kpéʔele lè gbanʔama bi sɔ̀lɔ wolo nyɛ́ɛriyi ní wolo sɔ̀nguri myɛ na n yɛlɛ ní séew ní, wee ní wi báara lè wolo fúnyi ni,

Làlwaw Kaanziin 4:29

Bi wɔ́ɔ mɔ yaʔa yaà beè, mɔ a ra Yawe mɔ Kolocɔlɔw caa. Mɔ ga ni wi caa ní mɔ zɔnw myɛ, ní mɔ fúngi myɛ ní, mɔ a wi nyaa.

Làlwaw Kaanziin 4:7

Syɛɛnfele-nɛʔɛgìí má kolocɔlɔbèlē nyɛ, bele be nùuni gi na lè àmɛɛ Yawe wolo Kolocɔlɔw nùuni wolo na lè làlee faala ni wolo ga wi yeri lè?

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›