Zyeremii 32:7 - Cebaara Bible 2010

⁷ Wéle, Hanameyɛli wi lè mɔ tóow senyɛnnɛ Syalumi jáaw, wi a pan mɔ ma bi ba mɔ pye: ‹Mii ségi syɔɔ, ki nyɛ lè Anatɔti ma, gi pye mɔ wóʔo, mɔ na gi syɔɔli yɛlɛ.›

Zyeremii 32:7 Iomraidhean Croise

1 Fànʔafɔbèle 14:5

Yawe maa Ahiya pye: «Wéle, Zyerobowami céw wi wiyɛɛ làriga ní i maa wee bi ba mɔ yíbe wi pìíw kéele na wi yáa lè. Ki n yɛlɛ mi ba syɛ́ɛnri naa ní syɛ́ɛnri naa joo wi ma.»

Zyeremii 1:1

Zyeremii syɛ́ɛnri, wi lè Hilikiyahu jáaw, wi pye lè Anatɔti ye sáriga-wòlowaa, Bɛnzyamɛ tári ni.

Zyeremii 11:21

«Koro na Yawe syɛ́ɛnri naa jo Anatɔti syɛ́ɛnbèle kánma na, poro bele pe mɔ siikwɔɔri caa lè, ní i gi nyuu níì jo: ‹Mɔ a kɔ́ ra nyɛ̀ʔɛna kérigèle nyuu baa tèé Yawe mɛ́ɛgi na í. Kapye koro ban í, wolo kɔ́yi a mɔ kpóo.›

Zyeremii 32:6

Zyeremii n jo: «Yawe syɛ́ɛnri maa nan mii na, wi n jo:

Zyeremii 32:8

A mii tóow senyɛnnɛ jáa Hanameyɛli pan mii ma kàsokpaagi kàcoolo ma n yɛlɛ ní Yawe syɛ́ɛnri ní, n baa mii pye: ‹Mii ségi syɔɔ, ki nyɛ lè Anatɔti ma, Bɛnzyamɛ tári ni, níì cán mɔ na gi kàfaligi ní gi syɔɔli yɛlɛ, ki syɔɔ!› A mii gi cán ncan Yawe syɛ́ɛnri dii.

Levii ye sáriga-wòlori 25:23

« ‹Tári ga yɛlɛ di pára bi kòro di syɔɔfɔw wóro làla o làla í. Níì cán tári i nyɛ mii wóro, yele si i nyɛ mii tɛ́ɛgi ni àmɛɛ nibɔndɛ́ɛnbéle, ní nibɔnzɔlɔbéle nyɛ lè.

Levii ye sáriga-wòlori 25:24

Tátɛɛgee myɛ yele a sa taa lè, ki n yɛlɛ yaa gi tári lɔ́rɔ lúrugogaanna kpéʔele.

Levii ye sáriga-wòlori 25:25

Mɔ senyɛnwaa ga baa fɔ̀n níì wi tálɛɛlaa pára, wi syɔ́ɔnwee wi nùuni wi na lè, woro wee má li lɔ́ri lúrugogaanna fanʔa nyɛ lè, wi a pan ba wi senyɛnw tɛ́ʔɛ lɔ́rɔ lúrugo kaan, gee wi pára lè.

Levii ye sáriga-wòlori 25:34

Séyee si yi be kěyi màʔa lè, yi a gbǎn pára í, níì cán yee bee i nyɛ be woyò làla o làla.

Levii ye sáriga-wòlori 25:49

Wi tóow senyɛnnɛ̀, wàlá wi tóow senyɛnnɛ̀ pyà wàlá wi kpaʔa wówee wi nùuni wi na lè, wee bee a gbǎn wi syɔɔli lɔ́rɔ lúrugo kaan. Wàlá wi tiimaw ga baa yarigaa taa, wi a gbǎn wiyɛɛ syɔɔli lɔ́rɔ lúrugo kaan.

Córolo 35:2

Wi n jo: «Ki joo mi gbàn Isirayɛli ye ma mí be pye kɔ́rigi pe a taa lè, pe kèyaa wòlo gi ni be kaan Levii ye ma beè pe a gbǎn tɛ́ɛn lè. Pé wɔ́ɔ tári kaan Levii ye ma, dee di kěyi bee màʔa lè.