Zyeremii 32:5 - Cebaara Bible 2010

⁵ Wi a Sedesyasi cò bi kári Babilɔni ma, wi a sa kòro yaà beè fwɔɔ bi taa mii í kɔ́ pan ba wi wéle,› Yawe wi jo nya. Yele ga kapɛɛnni kpúmɔn ní Kalide ye ní yele a fànʔa taa í.› »

Zyeremii 32:5 Iomraidhean Croise

2 Cányi kèlē 13:12

Wéle, Kolocɔlɔɔ ní wi sáriga-wòlobèle i nyɛ ní wolo ní, pe i nyɛ wolo nyúngi na, ní búrubèle ní bele pe a ra wíi lè páā kapɛɛnni yákpogéle wáa yele kánmi na. Isirayɛli pìíbèle, yele a kɔ́ kapɛɛnnɛ kpúmɔn ní Yawe, yele tóolɛɛbèle Kolocɔlɔɔ ní í. Níì cán yele a fànʔa taa í.»

2 Cányi kèlē 24:20

A Kolocɔlɔɔ Pǐli Zakarii tɔ́n, wi pye lè sáriga-wòlow Yehoyada jáaw. A woro yére syɛ́ɛnbèle yɛ́ʔɛ ma níì be pye: «Kolocɔlɔɔ n jo: ‹Nyàʔá na yele Yawe kajoodɛɛngèle kálagi? Yele kérigèle a ra nyɔɔgi í. Níì cán yele n Yawe yaʔa, koro na wi wɔ́ɔ̀ yele yaʔa.› »

Kàseegèle 21:30

Sícilimɛ yoo, cánna yoo, lálii yoo, gee bee kàa faala o córo Yawe yɛ́ʔɛ ma í.

Zyeremii 2:37

Mɔ a wɔ́ɔ yiri yaà beè ní kɔ́yi ní wodugoyo ní nyǔngi ni. Níì cán bele na mɔ miyɛɛ daari lè, Yawe i bele bee yaari. Mɔ a tée dɛ̀ɛmɛnɛ taa be ma í.»

Zyeremii 27:22

‹Ti a láa bi kári Babilɔni ma, ti a kòro yaà bi taa cángee na mii a yìri di kéeli na lè, bi di lúrugo di pan, ti ní ba pye tɛ́ɛgi naa ni.› Yawe wi jo nya.»

Zyeremii 32:24

Wéle, yalúguyi n yérige n kwɔ́ɔ kěgi taana bi gi syɔɔ taa. Kěgi n le Kalide ye kɔ́yi ni, poro bele be túngu ní gi ní lè, pe n gi jáa ŋɔséew, ní kateekpɔɔgi, ní káfalagi yáama báriga ni. Syɛ́ɛnri mɔ joo lè toro di nan dee, a mɔ i gi nyaagi.

Zyeremii 32:6

Zyeremii n jo: «Yawe syɛ́ɛnri maa nan mii na, wi n jo:

Zyeremii 33:5

pe ga yiri bi sa too Kalide ye na lǎli ni lè, yee yi a nyìn nǎnbèle kúcere na, bele mii fundanʔaratɔw, ní mii fundanʔagbɔɔrɔtɔw a kpúmɔn lè, mii a mii yɛ́ɛgi làriga kěgi naa syɛ̀ɛnnɛ na, pe péemi kéele na.

Zyeremii 37:10

Alí yele ga Kalide ye kapɛɛnkpumɔnbèle myɛ kpúmɔn n cáan, poro bele be kapɛɛnni kpúmɔn ní yele ní lè, wàa ga pye wi ga níì kòro be ni, kapye nǎnbèle be kpàli lè poro ban í, pe a ní yìri pe myɛ nibin nibin bi yére be fànikpaayi ni bi kěgi naa sórigo ní naà ní.»

Zyeremii 39:4

Lǎli ni Zyuda fànʔafɔw Sedesyasi, ní kapɛɛnkpumɔn-nǎnbèle tɛ́nɛ̀ be nyaa lè, a be fàn n yiri kěgi ni yébiligi ni fànʔafɔw nángwɔɔ kólogo ni, kpàánweeli ni li nyɛ lè gúnyi siin lariga ni, a be sɔ̀lɔ n yiri jǐnlɔgi kólogo ni.

Zyeremii 39:5

Kàjáa Kalide ye kapɛɛnkpumɔnbèle maa taʔa be na ni nɛnɛ, ní sáà Sedesyasi nɛnɛ n taa Zyeriko tɛɛfiigi na. A be wi cò n lúgu n kári ní wi ní Iribila ma Babilɔni fànʔafɔw Nebukadinezari ma, Hamati tári ma. A woro sáà wi kútiiw joo yaà beè.

Zyeremii 39:7

Koro kàdoʔo ma a wi Sedesyasi nyapiigèle jabagi, níì kanyɛɛnrɛ nyɔ̀ʔɔmɔ le wi na bi kári ní wi ní Babilɔni ma.

Kayaagi Nyɛnigɛ 1:14

Wi kɔ́gi n mii kapeebyeri zúu pwɔɔ. Ti n pala pala tiyɛɛ na, ti n lúgu n mii cò yákpoli ni. Kàfɔw n mii bárigaw kwɔ́ɔ. Wi n mii le be kɔ́yi ni, bele be lè mii a gbǎn yafyɛn pye be na í.

Ezekyɛli 12:12

Fànʔafɔbili li nyɛ pe níngi ni lè, li a li túgori taʔa li pɔ́gi na yébilimi ni bi yiri. Pe a tǒw fùru si li yirige nɛɛ bee. Li a li yɛ́ɛgi tɔ́n koro ga pye li nyapiigèle a kɔ́ ra kǔli nyaagi í.

Ezekyɛli 12:13

Mii a mii cɔ̀ɔ́w cáan li na, li a cò mii karinyangi na. Mii a li kɔ́ri kári Babilɔni ma wi lè Kalide ye tári, kàjáa li a di nyaa í, li si a kùu yaà.

Ezekyɛli 17:15

Kàjáa a wi wi cée, níì tundunbéle tun Ezyipiti ma, jàngó wi syɔɔnyɔ ní sùlasiinɛʔɛmɛ kaan woro ma. Wee wi koro pye lè, a wi a báriga lé, a wi a syɔɔ lé? Wi n joogaanni kálagi, si gbǎn syɔɔ lé?

Córolo 14:41

A Mowizi jo: «Nyàʔá na yele Yawe tundunri cèʔé? Gee bee a gbǎn nyɔɔ í.