Zyeremii 32:2 - Cebaara Bible 2010

² Babilɔni fànʔafɔw kapɛɛnkpumɔnbéle maa pye wodɛ́ɛnbéle ní lǎli bee ni Zyerusalɛmi taana kapɛɛnni kánma na, á kanyaajoow Zyeremii si i nyɛ wodɔɔn ní kàsokpaagi kàcoolo ni gi nyɛ lè Zyuda fànʔafɔw kpaʔa ni.

Zyeremii 32:2 Iomraidhean Croise

2 Fànʔafɔbèle 25:1

Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo ki canya kɛɛ wógi na, a Babilɔni fànʔafɔw Nebukadinezari ní wi kapɛɛnkpumɔnbèle myɛ pan Zyerusalɛmi kánmi na ní baa tɛ́ɛn gi taana níì tɛɛ̀lúgugéle sámaga gi kánmi na.

Nehemii 3:25

A Uzayi jáaw Palali báara sinjuuli, ní kpaataʔa-tɔ́nɔgi zìnmɛ na gi nyɛ lè fànʔafɔw ǹjoʔo ma kpáagi màʔama na, kàsokpaagi kàcoolo taana, á Pareyɔsyi jáaw Pedaya báara n taʔa woro na.

Ŋúnuyi 88:8

Mɔ fundanʔari túgoro n líbe mii na n baa sɔ̀lɔ. Mɔ i mii wɔʔɔ ní mɔ lógi kùnguruyo myɛ ní. Ŋɔ́ndaala

Zyeremii 32:3

Zyuda fànʔafɔw Sedesyasi maa be pye a pe wi cò n tɔ́n níì jo: «Nyàʔá na mɔ kérigèle nyaagi ni nyuu kánmi naa na níì jo: ‹Yawe wi syɛ́ɛnri naa joo níì jo: Wéle, mii a kěgi naa le Babilɔni fànʔafɔw kɔ́yɔ ni, wi a gi syɔɔ taa.

Zyeremii 32:8

A mii tóow senyɛnnɛ jáa Hanameyɛli pan mii ma kàsokpaagi kàcoolo ma n yɛlɛ ní Yawe syɛ́ɛnri ní, n baa mii pye: ‹Mii ségi syɔɔ, ki nyɛ lè Anatɔti ma, Bɛnzyamɛ tári ni, níì cán mɔ na gi kàfaligi ní gi syɔɔli yɛlɛ, ki syɔɔ!› A mii gi cán ncan Yawe syɛ́ɛnri dii.

Zyeremii 33:1

A Yawe syɛ́ɛnri nan Zyeremii na tɔziin wógi na, lǎli ni wi sèʔê pye yaà lè kpaàwele-tɛ́ɛgi kàcoolo ni, ti n jo:

Zyeremii 34:1

Yawe syɛ́ɛnri di nan Zyeremii na lè, lǎli ni Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní lè, ní si i nyɛ tátɛɛyi fànya myɛ nyúngo na, á syɛɛnfeleyi myɛ si i kapɛɛnni kpúmɔn ní Zyerusalɛmi, ní gi tɛ́nɛmi kèye myɛ ní lè, toro di dee naa:

Zyeremii 36:5

A Zyeremii syɛ́ɛnri naa joo n gbàn Baruki ma níì wi pye: «Pe n mii cò n yérige nɛɛ naa, mii a gbǎn kári Yawe kpáagi ma í.

Zyeremii 37:15

A syɛɛnkpolobèle fúnyo tanʔa Zyeremii kurugo, a be wi kpúmɔn níì wi lè kàsow ni, sɛ́bɛkanw Zyonatan kpáagi ni. Níì cán pe maa gi sámaga kàsokpaʔa.

Zyeremii 37:21

Lǎli bee ni a fànʔafɔw Sedesyasi gi joo n gbàn níì jo pe Zyeremii yaʔa wi pye kàsokpaagi kàcoolo ni, páā búru nibin kaangi wi ma canʔa o canʔa, wee wi a yìri búrukpumɔnbèle kàlari-kólogo ma lè, fwɔɔ bi taa búruw myɛ í ba kwɔ́ɔ kěgi ni. Kánmi bee na Zyeremii kòro kàsokpaagi kàcoolo ni.

Zyeremii 37:4

Zyeremii si maa ni syée ní i lúrugu ni maa syɛ́ɛnbèle nínge ni. Pe da kɔ́ɔ̀ wi le kàsow ni í.

Zyeremii 38:13

A be Zyeremii kíle n lúrugo n yirige ní mɛ́ɛngèle ní lǒgi wéʔe ni. A Zyeremii kòro kàsokpaagi kàcoolo ni.

Zyeremii 38:6

Lǎli bee ni a be Zyeremii cò n sáà cáan Malikiyahu lǒgi wéʔe ni, Malikiyahu wi lè fànʔafɔw jáa, koro gee gi pye lè kàsokpaagi kàcoolo ni. Mɛɛngéle pe da tɛ́ʔɛ n Zyeremii tìrige gi ni, lɔ̀ʔɔ si da pye wéegi ni í, kàjáa fárigi ki da pye yaà. A Zyeremii cɔ̀ɔnri n yére fárigi ni.

Matye 5:12

Ki n yɛlɛ yaa fundaanra kpéʔele yáā muguri, ncan tɔ̀nɔkpɔɔɔ i nyɛ yele ma nyɛ̀ʔɛni na, níì cán ànbée pe da ni kanyaajoobèle wɔʔɔ naa yele yɛ́ʔɛ ma.