Zyeremii 30:3 - Cebaara Bible 2010

³ Wéle, canyaa i maa,› Yawe wi jo nya, ‹yee ni mii a mii syɛ́ɛnbèle yaʔa pe lúru pan lè, bele be cò n kári lè, pe lè Isirayɛli ní Zyuda wóbèle,› Yawe wi jo nya. ‹Mii a be lúrugo ba lége tári ni, dee mii kaan be toolɛɛbèle ma lè, pe a ba di taa di pye be worò.› »

Zyeremii 30:3 Iomraidhean Croise

Ɛsidirasi 3:1

A yeye kɔrɔsiin wógi baa nan n Isirayɛli ye yaʔa wodɛ́ɛnbéle ní be kěyi ni. Lǎli bee ni a syɛ́ɛnbèle myɛ peyɛɛ gbóʔoro Zyerusalɛmi ni àmɛɛ nàɔn nibin nyɛ lè.

Ɛsidirasi 3:12

Kàjáa saʔa maa pye sáriga-wòlobèle, ní Levii ye, ní narigbaayi kùndigibéle ni, bele be lɛɛ lè, ní da kpaaseligi nyaa, a poro i nyaan ni yákpogèle wáa lǎli ni pe da ni kpáagi bee kàpɔɔn nii pe nyɛnɛ na lè, a syɛɛnnɛʔɛmɛ wɔ́ɔ i fundaanra yákpogéle wáa,

Ɛsidirasi 3:8

Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Ŋúnuyi 126:4

Yawe, wolo wóbèle be nyɛ lè púlori ni, pe lúrugo be pan àmɛɛ lòcoologo nyɛ lè tɛɛwaʔa ni.

Ŋúnuyi 53:6

Fyáara n be cò yaà, a be i cɛ̀lɛ́, bi gi taa fyáara yáriga da pye yaà í, níì cán wee wi tɛ́ɛn mɔ taana kapɛɛnni kánma na lè, Kolocɔlɔɔ n wee bee fɔ́lɔ kacere cariga, mɔ n fɛ̀ɛrɛ wáa be na, níì cán Kolocɔlɔɔ n be cée.

Zyeremii 16:15

Kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli ye yirige yaà solomɔkulo kàbangi tára ni lè, ní tátɛɛyi myɛ ni, yee má wi da be nɛnɛ n tórigo lè.› Níì cán mii a be lúrugo be pan be tári ma, dee mii da kaan be toolɛɛbèle ma lè.

Zyeremii 23:5

«Wéle, canyaa i maa,» Yawe wi jo nya, «yee ni mii a wàa yirige Davidi ni, wee wi sín lè, wi a tɛ́ɛn fǎngi na bi pye fànʔafɔlɔ, wee wi cìlige lè. Wi a ra kérigèle kpéʔele kányɛɛgi ní sínni na tári ni.

Zyeremii 27:11

Syɛɛnfelegee si ga gi yátiigi kaan Babilɔni fànʔafɔw zúu ma, ni báara wi ma lè, mii a gi yaʔa gi tiimaa tári ni, koro ga pye kaa di fála si tɛ́ɛn di ni,› » Yawe wi jo nya.

Zyeremii 27:22

‹Ti a láa bi kári Babilɔni ma, ti a kòro yaà bi taa cángee na mii a yìri di kéeli na lè, bi di lúrugo di pan, ti ní ba pye tɛ́ɛgi naa ni.› Yawe wi jo nya.»

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Zyeremii 29:14

Mii a niyɛɛ yaʔa yele í mii nyaa,› Yawe wi jo nya, ‹mii si ní yele púlobèle lúrugo pan nɛɛ naa, mii a yele yirige syɛɛnfeleyi myɛ, ní tɛ́ɛyi myɛ ni, beè mii yele nɛnɛ n tórigo lè bi yele kpóʔoro,› Yawe wi jo nya. ‹Mii a ní yele lúrugo pan tɛ́ɛgi ma, gee ni mii da yele cò n yirige n tórigo lè.›

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Zyeremii 30:18

Yawe n syɛ́ɛnri naa joo níì jo: ‹Wéle, mii a Zyakɔbi fànikpaayi wojo-mí-káribéle lúrugo bi pan, wi tɛɛkòroyi nyínimɛ i nyɛ mii na. Kěgi a ní faan ki gurubɛɛlɛɛri na, kpaakpɔɔgi a ní faan gi tɛ́ɛgi ni.

Zyeremii 30:4

Syɛ́ɛnri naa si Yawe joo Isirayɛli ní Zyuda kéeli na:

Zyeremii 31:16

Yawe wi syɛ́ɛnri naa joo níì jo: «Mɔ supiiwáari nyɛnigɛ yaʔa, mɔ nyatinmi tùuni mɔ nyapiigèle na. Níì cán sàra a kaan mɔ kapyegèle kéele na,» Yawe wi jo nya. «Nigoow tára má pe a yìri bi lúru pan.

Zyeremii 31:23

Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo níì jo: «Dee pe a ní da nyuu lè Zyuda tári, ní wi kěyi ni lè, lǎli ni mii ga pe wojo-mí-káribèle lúrugo n pan lè, toro di nyɛ dee naa, pe a ra gi nyuu si jo: ‹Ki n yɛlɛ Yawe í dùbaw taʔa mɔ na, sínni tɛɛkòrogo, ní cǎnmi nyanbelege!›

Zyeremii 31:27

«Wéle, canyaa i maa,» Yawe wi jo nya, «yee ni mii a lùguro lùgu Isirayɛli kpáagi, ní Zyuda kpáagi ni lè. Lùguri bee a pye syɛ̀ɛnnɛ ní yaweere.

Zyeremii 31:31

Wéle, canyaa i maa, Yawe wi jo nya, yee ni mii a joogaanvɔnnɔ kpéʔele lè ní Isirayɛli kpáagi, ní Zyuda kpáagi wòolo ní.

Zyeremii 31:38

«Wéle, canyaa i maa,» Yawe wi jo nya, «yee ni kěgi a ní faan Yawe ma lè, bi séli yaà Hananeyɛli kpaataʔa-tɔ́nɔgi na bi sa nan Jɛ̀ɛ́nni kpàánweele na.

Zyeremii 32:37

wéle, mii a be yirige yaà tátɛɛyi myɛ ni bi ba kpóʔoro peyɛɛ na, beè mii be nɛnɛ n tórigo lè n mii yaʔa mii fundanʔari, ní mii fundanʔagbɔɔri, ní mii fúngi yìrile ni. Mii a ní be lúrugo pan ba lége tɛ́ɛgi naa ni si be yaʔa be tɛ́ɛn gi ni yɛɛ̀nyinge na.

Zyeremii 32:44

Pe a ra seye syoo wáli na, pe a ra yi syɔɔli sɛ́bɛbéle sámagi, pe a ra fɛ̀ɛbēle taari be na. Pe a ra séerafɔɔlɔ lée Bɛnzyamɛ tári ni, ní tɛ́ɛyee ni yi Zyerusalɛmi màʔa lè, ní Zyuda kěyi ni, ní nyanbeleyi kèye ni, ní tìgimi tára keye ni, ní wòrogulo kàbangi kèye ni. Níì cán mii a be wojo-mí-káribèle lúrugo pan,› » Yawe wi jo nya.

Zyeremii 33:26

lǎli bee ni mii a dée gbǎn Zyakɔbi yòdaʔayi ní mii falipyew Davidi yòdaʔayi cée, si láʔa mii a ní dée ra pèle yirigi be ni bele pe a ra tɛ̀ɛ́n Abirahami, ní Izaaki, ní Zyakɔbi yòdaʔayi nyúngo na lè í. Níì cán mii a pe wojo-mí-káribèle lúrugo pan, si ba nyinimɛ taa be na.› »

Zyeremii 51:60

A Zyeremii wɔʔɔyi myɛ sɛ́bɛ sɛ́bɛ ni, yee yi a nan Babilɔni na lè, syɛ́ɛnri bee myɛ di sɛ́bɛ Babilɔni kéeli na.

Ezekyɛli 20:42

Yele a gi cán bi cán mii wi nyɛ Yawe lǎli ni mii ga yele lúrugo n baa lége Isirayɛli tásaligi ni lè, tári ni, dee kéele na mii da mii kɔ́gi yìrige níì kàli níì jo mii a di kaan yele tóolɛɛbèle ma lè.

Ezekyɛli 34:13

Mii a be yirige yaà syɛɛnfeleyi ni, beè be nyɛ lè, mii a be kpóʔoro bi yirige yaà tátɛɛyɛ saʔa ni, bi be lúrugo pan pe tásaligi ma. Mii a ra be nàʔá Isirayɛli nyanbeleyi na, ní lònyɔɔw, ní tári tɛ́ɛyɛ myɛ ni, beè syɛ̀ɛnnɛ a gbǎn kòro lè.

Ezekyɛli 36:24

Mii a yele kíle bi yirige syɛɛnfeleyi nínge ni, mii a yele kpóʔoro bi yirige tátɛɛyi myɛ ni, mii a yele lúrugo pan yele tiimaa tásaligi ma.

Ezekyɛli 47:14

Yele myɛ kɔ́riyi lɛɛgéle a pye sèjira, níì cán mii n mii kɔ́gi yìrige níì kàli yele tóolɛɛbèle ma níì jo mii a di kaan be ma. Koro na tári bee a ba lɛɛ yele na kɔrigɔ.

Zyowɛli 3:1

«Gee bee kàdoʔo ma, mii a mii Pǐli yàli syɛ́ɛnbèle myɛ na. Yele nànbiigèle, ní yele calipiigèle a ba ra kérigèle nyaagi da nyuu, yele wólɛɛbèle a ba ra ŋúnɔyi ŋúnɔ, yele wojáribèle sáā yanyaayi nyaagi.

Sofonii 2:7

Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Sofonii 3:20

Lǎli bee ni mii a yele lúrugo pan, loro lǎli ni mii a ní yele kpóʔoro. Níì cán mii a yele kpéʔele mɛ́ɛyɛ fɔɔlɔ ní sòololo yárigéle tári syɛɛnfeleye myɛ nínge ni, koro a pye yele wóbèle be cò n kári lè lǎli ni mii ga be lúrugo n pan yele nyɛ́nɛ na lè,» Yawe wi jo nya.

Luki 17:22

A wi gi joo pìitamabèle ma níì jo: «Canyaa a kɔ́ ba pye, yee ni yele a tɔ̀nɔ́ da caa bi Syɔɔn-pya cángaa nibin nyaa lè, yele si a gi nyaa í.

Luki 19:43

Làlaa i maa mɔ nigoobèle a ba yafanʔa faan bi mɔ màʔá kpàra bi mɔ tɛɛyiriyi myɛ syɔɔ mɔ na, si mɔ kpɛnʔɛri kàbanyi myɛ na.

Luki 21:6

«Yáriri naa yele wéle lè, canyaa i maa yee ni kàdɛnɛgaa faala a ba kòro kàa na lè í, pe a yi myɛ cáan.»

Làlwaw Kaanziin 30:3

lǎli bee ni Yawe a nyinimɛ taa mɔ na si ní mɔ wóbèle lúrugo be pan, poro bele pe a cò bi kári lè. Syɛɛnfeleyee nínge ni wi a yele cariga bi tórigo lè, wi a ní yele yirige yaà, yee bee myɛ nínge ni bi kpóʔoro.

Làlwaw Kaanziin 30:5

Táree mɔ tóolɛɛbèle da taa lè, Yawe mɔ Kolocɔlɔw a lúru pan ní mɔ ní di ma, mɔ a ní ba di taa di pye mɔ wóro. Wi a kacànna kpéʔele yele na, si yele yaʔa yele í nɛʔɛ bi sɔ̀lɔ yele tóolɛɛbèle na.

Heburubèle 8:8

Kàjáa àmɛɛ Kàfɔw syɛ́ɛnbèle nyaa a be kolo lè, koro na wi gi joo níì jo: «Ye wéle, canyaa i maa, yee ni mii a joogaanvɔnnɔ kpéʔele lè ní Isirayɛli narigbaagi ní, n fàra Zyuda wógi na.