Zyeremii 30:2 - Cebaara Bible 2010

² «Yawe wi lè Isirayɛli Kolocɔlɔw, wi n jo: ‹Syɛ́ɛnree myɛ mii joo mɔ ma lè, ti sɛ́bɛ sɛ́bɛ ni.

Zyeremii 30:2 Iomraidhean Croise

Yirile 17:14

A Yawe gi joo Mowizi ma níì wi pye: «Ki n yɛlɛ mi gee naa sɛ́bɛ sɛ́bɛw ni ki pye sɔ̀ngudaara kéele, mi gi joo mi tɛ̀ɛn Zyozuwe na, mí wi pye mii n jo mii a ba Amalɛki syɛɛnfelegi kwɔ́ɔ bi yirige péw dulunyanw ni, syɔɔn faala a ní be kéeli sɔ̀ngí taa í.»

Ezayi 30:8

Da maa tɔ́ɔliw ni mi ba kérigèle bee sɛ́bɛ pe nyɛnɛ̀ na kàlagolo na, mí ge sɛ́bɛ sɛ́bɛ ni, koro ga pye ge kòro beè nyɛ̀ʔɛnaw kéele na, làla o làla kwɔ́ɔmɔ fun.

Ezayi 8:1

A Yawe mii pye: «Ki n yɛlɛ mi kàlagori-kpɔ́ʔɔ láa mí sɛ́bɛcándaanra sɛ́bɛ gi na mi jo: ‹Ye wári kapɛɛnni yataara kurugo ye fùuri ye tɔ́n yáriri fuguri-mí-láala na.› »

Zyeremii 25:13

Syɛ́ɛnree myɛ mii joo n tɛ̀ɛn tári naa kánma na lè, mii a di kpéʔele foro di na, dee myɛ di sɛ́bɛ sɛ́bɛw naa ni lè, ní gee Zyeremii nyaa n joo syɛɛnfeleyi naa myɛ kánma na lè.

Zyeremii 30:1

Yawe syɛ́ɛnri di nan Zyeremii na lè, ti n jo:

Zyeremii 36:28

«Ki n yɛlɛ mi ní sɛ́bɛmigiwaa láa, mí syɛ́ɛnri myɛ sɛ́bɛ wi ni, dee ti da pye wozeliw ni lè, wee Zyuda fànʔafɔw Yehoyakimi sórigo lè.

Zyeremii 36:32

A Zyeremii sɛ́bɛmigiwaa nikwɔɔ láa n kaan Baruki ma, sɛ́bɛkanw Baruki wi lè Neriya jáaw, a woro sɛ́bɛseliw syɛ́ɛnrɛ myɛ sɛ́bɛ wi ni, dee Zyeremii níì joo wi ma lè, sɛ́bɛwee Zyuda fànʔafɔw Yehoyakimi da sórigo náagi ni lè. A syɛ́ɛnri bee félege saʔa níì fàra yaà.

Danyɛli 12:4

Mɔ si na Danyɛli, syɛ́ɛnri bee kɔn, mí fɛ̀ɛ taʔa sɛ́bɛw na fwɔɔ bi taa làrigwɔɔli í ba nan. Syɛ̀ɛnnɛ saʔa a ra wi wéle, cánni si kpɔ́ʔɔ.»

Wɔrɔmi ye 15:4

Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

1 Korɛnti ye 10:11

Kérigèle bee myɛ maa kpéʔele be na jàngó bi pye fɛ̀ɛ wolo ma ní wɔ́ɔ̀ sɛ́bɛ bi wolo sàmi, wolo bele na làrizanni nan lè.

Làlwaw Kaanziin 31:19

Tɔ́ɔliw ni ye ŋúnugi naa sɛ́bɛ, mí Isirayɛli ye tama gi na. Ki le be nyɔ́ɔyi ni, koro ga pye ŋúnugi naa í pye séera mii ma Isirayɛli ye kánmi na.

2 Pyɛri 1:21

Níì cán kanyaajooraa ga yìri syɔɔn ma làlaa faala ni í, kàjáa Pìicǎnni li da ni syɛ́ɛnbèle kàragí a be i Kolocɔlɔɔ syɛ́ɛnri nyuu, dee wi da ni kaangi be ma lè.

Tɛ̀ɛnnɛ 1:11

a li jo: «Gee mɔ nyaagi lè, ki sɛ́bɛ sɛ́bɛ ni mi tórigo Egilizibèle kɔrɔsiin ma be nyɛ lè Efɛzi, ní Simiirini, ní Pɛrigami, ní Tyatiiri, ní Saridi, ní Filadelifii ni n fàra Lawodise na.»

Tɛ̀ɛnnɛ 1:19

Koro na kérigèle gele mɔ nyaa n kwɔ́ɔ lè, ní gele ge nyɛ lè tɔ́ɔliw ni, n fàra gele na ke a ba pye lè gele naa kàdoʔo ma, ke sɛ́bɛ.