Zyeremii 3:9 - Cebaara Bible 2010

⁹ Isirayɛli n tári nɔ́nʔɔ ní wi fɛ̀ɛrɛ fun nàʔabeemi ní, wi n kanɔnʔɔri pye ní kàdɛnɛgi, ní tíigi ní.

Zyeremii 3:9 Iomraidhean Croise

Ezayi 57:3

«Yele si na, ye nùuni naa, dɛ̀ɛ́mi kèlē kpéʔelefɔjaa pìibēle, ní kanɔnʔɔbyecew, ní nànjaacew yòdaʔaya.

Ezayi 57:6

Lòcooloyi kàdɛnɛ-wɔlɔgɔyɔ wéle, yoro na mɔ sɔngumi nyɛ, yoro yi nyɛ mɔ lɛɛli, yoro ma mɔ sáriga-yólogow ŋuu, yoro má mɔ yakaanyi kaangi. A gee bee myɛ pyele a gbǎn mii fúngi nyíngi lé?

Zyeremii 10:8

Pe myɛ n pínɛ n pye nidoliyo, ní nilabalaya, gee ki gi tɛ̀ɛn lè pe i nyɛ gbanzan koro gi nyɛ tíigi.

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 2:27

Poro bele pe gi nyuu tíige ma lè si jo: ‹Mɔ wi nyɛ mii tóow!› Ní kàdɛnɛgɛ ma si jo: ‹Mɔ wi mii see!› Níì cán pe kàdoyi be wáa mii ma, pe yɛ́ɛyi ban í. Lǎlee si ni wɔʔɔlɔ ga nan be na lè, pe n ni gi nyuu si jo: ‹Yìri mi wolo syɔɔ.›

Zyeremii 2:7

Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Zyeremii 3:2

«Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Ezekyɛli 16:17

Mɔ n mɔ fereri yárira láa, dee di sámaga ní mii tɛ́ɛw, ní mii wálifiiw ní mii da kaan mɔ ma lè n nànbēle niwiriye sámaga, yoro yee ní mɔ nànjaari kpéʔele lè.

Ezekyɛli 23:10

Poro be wi níboriw múgu. Pe n wi nànbiigèle ní wi calipiigèle koli, pe n wi tiimaw kpóo ní ŋɔséew ní. Wi kéeli n pye fɛ̀ɛ cébèle ma. Pe n kútiiw kèlē kpéʔele n foro wi na.

Ezekyɛli 23:21

«Mɔ n sɔ̀ngi n taa mɔ cárimi nɔ́nʔɔrɔ kéele na, lǎli ni Ezyipiti ye da ni tángi mɔ fìcibigi na lè, bele mɔ cárimi yíregéle da ni kíle lè.

Ezekyɛli 23:3

Pe n nànjaari kpéʔele Ezyipiti ni, pe n peyɛɛ gbéʔele nànjaabéle pe cárimi làla ni. Nɛɛ bee pe da ni be yíregèle có, beè be tánga be nàngeele sinjánmi fìcibiye na.

Oze sɛ́bɛw 2:2

Zyuda ye, ní Isirayɛli ye a ba kpóʔoro si kùndigi nibin télege peyɛɛ nyúngi na, si yiri tári ni. Níì cán Zyizireyɛli cángi a tɔ̀nɔ́ pye cângbɔʔɔ.

Oze sɛ́bɛw 4:12

Mii syɛ́ɛnbèle i be tiige yasungi yíbe, pe kàgbeeli li nyuu be ma. Níì cán kanɔnʔɔrɔ pile i be pùuní, pe i kanɔnʔɔri kpéʔele n wàli n léeli be Kolocɔlɔw na.

Zyowɛli 1:19

Mɔ kurugo mii yákpoli wáa, Yawe! Níì cán náagi n fìími tára yaweenaʔa-tɛ́ɛyɛ sórigo, a naanyǐngi séyi tíire myɛ sórigo.

Habakuki 2:19

Wɔʔɔlɔ a pye syɔ́ɔnwee na wi gi nyuu tiige ma lè níì jo: «Ki n yɛlɛ mi yìri!» Ní kàdɛnɛgɛ ma ki lè ki o nyuu í, níì jo: «Yìri ŋúnɔmi na!» A ki a gbǎn syɔɔn tama lé? Wéle, pe n tɛ́ɛw ní wálifiiw tɛ́ʔɛ n gi tɔ́n, kàjáa ŋɔ́ngara o nyɛ gi ni nyáana í.

Matye 5:32

Mii si a gi joo yele ma, syɔɔn o syɔɔn wi wi cɔɔ̀ yaʔa lè, kapye kanɔnʔɔrɔ kéele na ban í, wee bee n wi kaan nànyuugi ma. Syɔ́ɔnwee wi ga cewaa pɔri, wee be yaʔa lè, wee bee fɔ́lɔ n ceyuugo kpéʔele.