Zyeremii 3:8 - Cebaara Bible 2010

⁸ Alí àmɛɛ mii Isirayɛli yaʔa lè, wi lè cêkalagiga, wi kanɔnʔɔbyeri myɛ kéele na, níì wi ceyaʔa-sɛ́bɛw kaan wi ma, a mii gi nyaa wi senyɛnjew Zyuda wi lè námarafɔw, woro ga téè fyáa í, a woro wɔ́ɔ̀ kári n sáà kanɔnʔɔrɔ kpéʔele.

Zyeremii 3:8 Iomraidhean Croise

2 Cányi kèlē 21:11

Alí Yorami maa sáriga-wòlo-tɛ́ɛyɛ sámaga Zyuda nyanbeleyi na, níì Zyerusalɛmi ye kɔ́ri n wáa kanɔnʔɔbyeri na, níì Zyuda ye pùuni.

Ezayi 50:1

Yawe n syɛ́ɛnri naa joo níì jo: «Sán ceyaʔa-sɛ́bɛw nyɛ, wee mii tɛ́ʔɛ n yele nɔ́ɔw yaʔa lè? Wàlá mii fwɔɔlɔfɔwìí má mii yele pára? Ye wéle, yele n pára yele kolomi kéele na. Yele sìnzinmi kéele na yele nɔ́ɔw yaʔa.

Zyeremii 2:19

Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 33:24

«Mɔ ga gi nyaa gee syɛ́ɛnbèle naa nyuu lè ì? Pe i gi nyuu níì jo: ‹Narigbaayi siin Yawe da nyɛ́nɛ n wòlo lè, wi n yi cée.› Kánmi bee na pe mii syɛ́ɛnbèle faari, pe nyɛnɛ na pe ní caa o nyɛ syɛɛnfelege í.

Zyeremii 5:7

«Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Ezekyɛli 16:46

Mɔ yɛʔɛfɔw wi lè mɔ senyɛnjew, wi nyɛ lè wodɛ́ɛɔn ní mɔ kamɔnɔ ma, woro wi nyɛ Samarii, ní wi calipiigèle ní, mɔ cɔnɔw wi lè mɔ senyɛnjew, wi nyɛ lè wodɛ́ɛɔn ní mɔ kaliige ma, woro wi nyɛ Sodɔmi, ní wi calipíigèle ní.

Ezekyɛli 16:47

Mɔ ga tánʔa be kóloyi ni yagana í, ní wɔ́ɔ̀ be yanɔnʔɔyi yagana kpéʔele í, toro n pye kapiipiile. Mɔ n kálagi n sɔ̀lɔ poro na mɔ kóloyi myɛ ni.

Ezekyɛli 16:51

Samarii na, wi ga mɔ kapeegèle félege tíla kpéʔele í. Mɔ kapeekpoloyi maa nɛʔɛ n sɔ̀lɔ wi wóyi na, á mɔ gi kaan a mɔ senyɛnjebèle sín kapeekpoloyi myɛ báriga ni, yee mɔ kpéʔele lè.

Ezekyɛli 23:44

Pe n pan wi ma, àmɛɛ be syée nànjaacɔɔ̀ ma lè. Kánmi bee na be kári Ohola ní Oholiba ma pe lè cêkalagiyi bee.

Ezekyɛli 23:9

Koro na mii wi le bele kɔ́yɔ ni pe da wi caa lè, Asirii yòdaʔayi wòolo kɔ́yɔ ni, poro bele láa ki da wári wi na lè.

Oze sɛ́bɛw 3:4

Níì cán Isirayɛli ye a kòro fànʔafɔlɔ ní fànʔafɔbile fun ni, ní sáriga ní yasungaanna fun ni, ní efɔdi, ní ǹdebiigéle fun ni, bi mɔn.

Làlwaw Kaanziin 24:1

«Nàɔn ga cɔlɔɔ láa n wi pɔri, ní baa gi nyaa wi kéeli ga níì woro dɛ́nɛ í, níì cán wi n yarigaa nyaa wi na, gee gi lè ki ga yɛlɛ woro ma í, wi a ceyaʔa-sɛ́bɛ sɛ́bɛ wi kéeli na, wi ga wi le wi kɔ́gi ni n kwɔ́ɔ, wi a wi yirige woro kpáagi ni bi tórigo.

Làlwaw Kaanziin 24:3

wi kéeli ga pye li ga ní baa nànziin wów bee dɛ́nɛ í, a wi ceyaʔa-sɛ́bɛ sɛ́bɛ n le wi kɔ́gi ni, níì wi yirige woro kpáagi ni n yaʔa, wàlá nànziin wów bee wi wi láa lè, woro ga kùu,