Zyeremii 3:7 - Cebaara Bible 2010

⁷ Mii maa ni gi nyuu niyɛɛ ma níì jo: Wi ga kérigèle bee myɛ kpéʔele n kwɔ́ɔ wi a ní lúru pan mii ma. Kàjáa, wi ga lúru n pan í. Wi senyɛnjew Zyuda wi lè námarafɔw, woro n pye gi séera.

Zyeremii 3:7 Iomraidhean Croise

2 Cányi kèlē 17:4

Kolocɔlɔɔ wi lè wi tóow wóo, woro wi da ni caa, ní i táanri wi kajoogèle na, gee Isirayɛli ye da ni kpéʔele lè níì koro yaʔa.

Zyeremii 12:1

Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Zyeremii 33:24

«Mɔ ga gi nyaa gee syɛ́ɛnbèle naa nyuu lè ì? Pe i gi nyuu níì jo: ‹Narigbaayi siin Yawe da nyɛ́nɛ n wòlo lè, wi n yi cée.› Kánmi bee na pe mii syɛ́ɛnbèle faari, pe nyɛnɛ na pe ní caa o nyɛ syɛɛnfelege í.

Zyeremii 5:11

Kányɛʔɛ na Isirayɛli kpáagi ní Zyuda kpáagi wòolo n tɔ̀nɔ n mii jànváa,» Yawe wi jo nya.

Ezekyɛli 16:46

Mɔ yɛʔɛfɔw wi lè mɔ senyɛnjew, wi nyɛ lè wodɛ́ɛɔn ní mɔ kamɔnɔ ma, woro wi nyɛ Samarii, ní wi calipiigèle ní, mɔ cɔnɔw wi lè mɔ senyɛnjew, wi nyɛ lè wodɛ́ɛɔn ní mɔ kaliige ma, woro wi nyɛ Sodɔmi, ní wi calipíigèle ní.

Ezekyɛli 16:47

Mɔ ga tánʔa be kóloyi ni yagana í, ní wɔ́ɔ̀ be yanɔnʔɔyi yagana kpéʔele í, toro n pye kapiipiile. Mɔ n kálagi n sɔ̀lɔ poro na mɔ kóloyi myɛ ni.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 14:1

Samarii a córo kolomɔfɔlɔ, níì cán wi n céemɛ kpéʔele wi Kolocɔlɔw kánma na. Ŋɔséew a be kpóo cáan. Pe pìipiiri a tɔ́nʔɔnɔ, pe cébèle be nyɛ lè ficarigèle fɔ̀ɔlɔ, bele bee a purugu.

Amɔsi 4:8

Kèye siin wàlá kèye taanri syɛɛnnɛ n kári kègaa ma bi sa lɔ̀ʔɔ gbaa, kàjáa koro ga lǒgi láa láʔa be na í. Koro ní ki myɛ ní yele ga sèʔê lúru n pan mii ma í,» Yawe wi jo nya.

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.