Zyeremii 3:6 - Cebaara Bible 2010

⁶ A Yawe gi joo mii ma fànʔafɔw Zyozyasi lǎli ni níì jo: «Gee cêkalagigi Isirayɛli kpéʔele lè, a mɔ gi nyaa lé? Wi n kári nyanbe-nyundɔnɔyi myɛ ma, ní tiipiriyi myɛ láara ma, n sáà kanɔnʔɔri kpéʔele yaà beè.

Zyeremii 3:6 Iomraidhean Croise

1 Fànʔafɔbèle 14:23

A be wɔ́ɔ̀ sáriga-wòlo-tɛ́ɛyɛ sámaga peyɛɛ ma níì yafaanya, ní Asyera yasungaangéle sámaga nyanbe-nyundɔnɔyi myɛ ǹjoyo ni, ní tiipiriyi myɛ láara ni.

2 Cányi kèlē 34:1

Yɛ̀ʔɛlɛ kɔrɔtaanri Zyozyasi da taa lǎli ni wi baa pye lè fànʔafɔlɔ. Yɛ̀ʔɛlɛ toko ní kpɔrigɔ ní nibin wi kwɔ́ɔ fǎngi na Zyerusalɛmi ni.

Ŋúnuyi 106:39

Pe n peyɛɛ nɔ́nʔɔ ní be kapyegèle ní, pe n peyɛɛ kàriga kanɔnʔɔbyebèlē pe nàʔami báriga ni.

Ezayi 57:3

«Yele si na, ye nùuni naa, dɛ̀ɛ́mi kèlē kpéʔelefɔjaa pìibēle, ní kanɔnʔɔbyecew, ní nànjaacew yòdaʔaya.

Ezayi 57:7

Nyanbenyungee gi tɔnɔ n yìri ǹjoʔo ma lè, koro na mɔ mɔ yasinɛgi taʔa. Beè mɔ wɔ́ɔ i lúru ni sárigaw wóo yaà.

Zyeremii 1:2

Yawe syɛ́ɛnri n nan wi na, Amɔn jáaw Zyozyasi lǎli ni, wi lè Zyuda fànʔafɔw, woro fǎngi yɛ̀ʔɛlɛ kɛɛ ní taanri wóli na.

Zyeremii 11:10

Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 17:2

Kánmi bee na be pìíbèle a ra sɔ̀ngí da taagi pe sáriga-wòlo-yafaanyi, ní be Asyera tiikóriyi na, yi lè tiipiriyi taana, ní dǎndama-tɔ́nɔyi ǹjoyo ni.

Zyeremii 3:8

Alí àmɛɛ mii Isirayɛli yaʔa lè, wi lè cêkalagiga, wi kanɔnʔɔbyeri myɛ kéele na, níì wi ceyaʔa-sɛ́bɛw kaan wi ma, a mii gi nyaa wi senyɛnjew Zyuda wi lè námarafɔw, woro ga téè fyáa í, a woro wɔ́ɔ̀ kári n sáà kanɔnʔɔrɔ kpéʔele.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Zyeremii 5:11

Kányɛʔɛ na Isirayɛli kpáagi ní Zyuda kpáagi wòolo n tɔ̀nɔ n mii jànváa,» Yawe wi jo nya.

Zyeremii 7:24

Kàjáa pe ga lóʔo í, pe ga líiyi cáan í, fwɔɔ a be peyɛɛ daʔa láliiw, ní be funbeeyi kasɔngurɔ na. Pe n lúru kàdoʔo ma, pe ga kári yɛʔɛ ma í.

Ezekyɛli 16:31

Lǎli ni mɔ ga mɔ kpaapilaa faan lè kologo o kologo tɛɛ̀jeele na, níì mɔ sáriga-wòlo-tɛ́ɛgèle sámaga kadàlayi myɛ na, mɔ o gáā sàra syoo àmɛɛ nànjaacewaa nyɛ lè í.

Ezekyɛli 16:35

Awá, mɔ nànjaacɔɔ̀, ki n yɛlɛ mi Yawe syɛ́ɛnri lóʔo.›

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Ezekyɛli 23:11

«A wi cɔnɔw Oholiba gee bee nyaa, a woro ki laànitaagi pye cúromɔ n sɔ̀lɔ wi wógi na, wi nànjaari maa pee n sɔ̀lɔ wi yɛʔɛfɔw wóro na.

Ezekyɛli 23:4

Pe maa ni wolɛɛw yiri Ohola, ní i wi cɔnɔw yiri Oholiba. Pe maa pye mii wòolo, a be nànbiigéle ní calipiigèlē see. Gee gi be mɛ́ɛyi kéele kwɔ́ɔ lè: Ohola wi nyɛ Samarii, Oholiba si i nyɛ Zyerusalɛmi.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 4:13

Pe i sárigaw wóo nyanbeleyi ǹjoyo ni, pe i nùndaanni yáriga sórogi dǎndamayi na, ní syɛni tíiyi, ní pupiliye tíiyi, ní terebɛnti tíiyi láara ni, yoro yee nyínmɛ bi tɛ́nɛ lè! Koro na yele calipiigèle keyɛɛ gbéʔele nànjaacabala, á yele pìíbèle càbala si i kanɔnʔɔri kpéʔele.

Jàbɔbèle 2:17

Kàjáa koro ní ki myɛ ní pe da ni lúro pe jàbɔbèle ma í, níì cán pe maa ni kanɔnʔɔri kpéʔele ni kolocɔlɔbèle pèle nikwɔɔlɔ ní ní i tíri ni tuun be taana. Kólogee be toolɛɛbèle da ni táanri ní i Yawe kajoodɛɛngèle kpéʔele lè, a be fala n gee bee yaʔa ní i kanmaa nikwɔɔ kpéʔele.