Zyeremii 3:4 - Cebaara Bible 2010

⁴ Tɔ́ɔliw ni, mɔ i yákpoli wáa mii kurugo ni gi nyuu níì jo: ‹Mii Tóow, mɔ wi nyɛ mii cárimi làla tàannyɛnnɛ.› Anbée ban gi nyɛ ì?

Zyeremii 3:4 Iomraidhean Croise

Ŋúnuyi 119:9

Mɛ̀ɛ́ nìgɔcariɔ a wi kólogi sámaga gi pye fɔɔnrɔ fun? Ki n yɛlɛ wi mɔ syɛ́ɛnri sámaga wi cò.

Ŋúnuyi 48:14

Ye gi tǒw kɔ̀rɔsíi, ye gi kpaakpoloyi sámaga ye wéle, koro ga pye yele í kɔ́ ba ra gee bee nyuu yele kàdoʔo ma wóbèle ma.

Ŋúnuyi 71:17

Ee Kolocɔlɔɔ! Mɔ n mii tama, nlaa yaà mii cárimi làla ni, mii i mɔ bingaari kèlē nyuu fwɔɔ n baa nan níjanʔa na.

Ŋúnuyi 71:5

Níì cán mɔ wi nyɛ mii sɔ̀ngumi tɛɛtaʔaga, Kàfɔw Yawe! Mɔ na mii mii sɔ̀ngumi taʔa nlaa yaà mii cárimi làla ni.

Kàseegèle 1:4

bi kɔ̀rɔsiile kaan kanaa-sìnjánbèle ma, bi cánna, ní keele sɔ̀ngurɔ kaan nìgɔcariɔ ma.

Kàseegèle 2:17

woro wee wi wi cárimi làla tàannyɛnnɛ cée lè, níì fɛ̀ʔɛ wi Kolocɔlɔw joogaanna na.

Zyeremii 2:2

«Da syée mi sa yákpoli wáa ní syɛ́ɛnri naa ní mi le Zyerusalɛmi syɛ́ɛnbèle líiweegéle ni mí jo: ‹Yawe n jo: Mii i sɔ̀ngí ni taagi mɔ picaagi làla tàmaga na, ki lè mɔ larijoli tàmaga, lǎli ni mɔ da taʔa mii na lè fìími tára ni, táraa ni, dee di pɛɛn lè.

Zyeremii 2:27

Poro bele pe gi nyuu tíige ma lè si jo: ‹Mɔ wi nyɛ mii tóow!› Ní kàdɛnɛgɛ ma si jo: ‹Mɔ wi mii see!› Níì cán pe kàdoyi be wáa mii ma, pe yɛ́ɛyi ban í. Lǎlee si ni wɔʔɔlɔ ga nan be na lè, pe n ni gi nyuu si jo: ‹Yìri mi wolo syɔɔ.›

Zyeremii 3:19

Mii na, mii maa ni gi nyuu niyɛɛ ma níì jo: Kanmìí na mii a mɔ lége mii jáabèle ni si fundaanra kèlē tára kaan mɔ ma di pye kɔrigɔ, gee gi lè syɛɛnfeleyi fèrecàn-dèlere? Mii maa ni gi nyuu niyɛɛ ma níì jo: Mɔ a ra mii yiri: «Mii tóo!» Mɔ a tée wàli bi lúru mii kurugo í.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Zyeremii 31:9

Pe i nyaan ni maa, mii si i maa ní be ní pe nyɛ́ɛrigboloyi nínge ni. Mii i syée ní be ní lǒyi ma yi fóo lè, kojànga ni, gee ni lè pe a gbǎn kpírige í. Níì cán mii i nyɛ Tofɔlɔ Isirayɛli ma, Efirayimi si i nyɛ mii pìiseliw.

Oze sɛ́bɛw 2:15

Cányee na wi da ni nùndaanni yáriga sórogi Baalibèle ma lè, ní i wiyɛɛ vèré ní vèʔebèle, ní kɔ́nɔtiriyi ní, ní i syée bele kurugo wi kéeli da dɛ́nɛ lè, níì fɛ̀ʔɛ mii na, mii a keele tɛ́ʔɛ wi na kérigèle bee na,» Yawe wi jo nya.

Malasyii 1:6

«Jaafɔlɔ i wi toò kpɔ́ʔɔgi, a falipyenàɔn i wi kàfɔlɔ kpɔ́ʔɔgi. Mii si ga pye Tofɔlɔ, kpɔ́ʔɔri di yɛlɛ mii na lè, sán di nyɛ? Mii ga pye Kàfɔlɔ, sán mii yɛ́ɛgi fyáara nyɛ?» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Yele sáriga-wòlobèle má mii nyuu, yele bele ye mii mɛ́ɛgi faari lè, yele i gi nyuu níì jo: ‹Nyàʔá wolo kpéʔele n mɔ mɛ́ɛgi faʔa?›

Malasyii 2:14

A yele si i gi nyuu níì jo: «Nyàʔá na?» Gee bee n taa, ncan Yawe maa pye séera mɔ ní mɔ cárima céw nínge ni, woro wee mɔ baa jànváa lè, àlí n gi yaʔa wi n pye mɔ pínɛnyɛnnɛ, ní mɔ joogaanni cɔ́ɔ.