Zyeremii 3:3 - Cebaara Bible 2010

³ Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Zyeremii 3:3 Iomraidhean Croise

Sélimɛ 19:34

A ki ga pye nyǐndaligi na, a pìilɛɛw gi joo wi cɔnɔw ma níì jo: «Mii n taa n sínɛ ní wolo tóow ní pìlige ni. Ki n yɛlɛ wo ní wɔ́ɔ dùvɛɛnwaa kaan wi ma níjanʔa yébiligi ni, mɔ si sa sínɛ ní wi ní koro ga pye wolo í yòdaʔaya kaan wi ma.»

Nehemii 9:17

Pe ga fɔ̀lɔ bi lóʔo í, pe ga sɔ̀ngi n taa bìngaari kèlē na mɔ da kpéʔele be ma lè í, pe n be nyúnyi waʔa. Pe céemi fúngo ni, a be kùndigi télege peyɛɛ nyúngi na si lúru sa jée be púlori ni. Kàjáa mɔ i nyɛ Kolocɔlɔɔ, wee wi kùsulugi syoo lè, níì nyìn nyínimi, ní fûnnyingi na. Mɔ fúngi o taanri kelekele í, á mɔ nyìn funjǎngi na, mɔ ga be cée n yaʔa í.

Kàseegèle 21:29

Syɛɛnpeew n wi yɛ́ɛgi waʔa, kàjáa syɛɛnsinw i kàa fàrá wiyɛɛ kólogi na.

Ezayi 5:6

Mii a gi kálagi, gi káganbiigèle a ní nyáma í, pe a ní gi fála í. Wúuro tiipiire, ní wúuro a fìin yaà gi ni. Mii a gi joo bi gbàn fàfaanyi ma, koro ga pye yi a ní kɔ́ zàʔá cáan gi ni í.»

Zyeremii 14:1

Yawe syɛ́ɛnri di nan Zyeremii na lè wáami kéele na.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 14:3

Séew fɔ̀ɔlɔ i wobiigèle tórogi pe sa lɔ̀ʔɔ caa, a bele bee i syée lǒgi wéeye ma, pe si o lɔ̀ʔɔ taagi í, a pe i lúrugu ni maa ní be kasǎngèle ní wowaagéle ní. Amɛɛ be curugo lè ní i nyɛ fɛ̀ɛrɛ wòolo ní, a pe i be nyúnyi tɔ́ngi.

Zyeremii 14:4

Tári n laragi laragi, níì cán zàʔá ga níì too tári ni í, lǎli bee ni a fɛ̀ɛrɛ tèfalabèle taa, a pe i be nyúnyi tɔ́ngi.

Zyeremii 36:2

«Sɛ́bɛmigio láa, mí syɛ́ɛnri myɛ sɛ́bɛ wi ni, dee mii joo mɔ ma lè Isirayɛli, ní Zyuda, ní syɛɛnfeleyi myɛ kéele na n séli yaà cángee na mii joo ní mɔ ní lè Zyozyasi lǎli ni, fwɔɔ n baa nan níjanʔa na.

Zyeremii 5:24

Pe o gi nyuu peyɛɛ fúnyi ni kánmi naa na í si jo: ‹Ye tíi waa fɛ̀ɛgí Yawe na, wi lè wolo Kolocɔlɔw, woro wee wi zěgi kaangi lè ki lǎli ni, ki lè zěseligi, ní zěsangi, ní wɔ́ɔ̀ cégboogèle yaʔa wolo yaliilaari kéele na.›

Zyeremii 5:25

Yele kolomi kèlē ke gi myɛ nyáʔami, yele kapeegèle ge yele bɔ̀nɔ yacanri bee ni.

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Zyeremii 9:12

Yawe n jo: «Koro n taa àmɛɛ pe mii làlwaw cée lè, woro wee mii da tɛ́ʔɛ pe yɛʔɛ̀ ma lè, koro n wɔ́ɔ̀ taa àmɛɛ gi nyɛ lè pe ga mii jóomi lóʔo í, ní àmɛɛ gi nyɛ lè pe ga tánʔa n yɛlɛ ní mii jóomi ní í.

Ezekyɛli 3:7

Kàjáa Isirayɛli kpáagi wòolo a ra caa bi lóʔo mɔ ma í, ncan pe o caa bi lóʔo mii ma í. Níì cán Isirayɛli kpáagi wòolo myɛ nyúnyo n waʔa, a be zɔ̌nbèle gbàn.

Levii ye sáriga-wòlori 26:19

Mii a yele nɛ̀ɛnyɛnɛgi fànʔa tɔ́nʔɔnɔ. Mii a yele nyɛ̀ʔɛni pye àmɛɛ tunmɔrɔ nyɛ lè, si yele tári pye àmɛɛ kanyɛɛnrɛ nyɛ lè.

Amɔsi 4:7

«Mii wi cée yele ma zěgi na lǎli ni gi kòro lè yeye taanri yaliiri làrilaala si náa nan. Mii n zěgi kaan kègaa wòolo ma níì kègaa wòolo yaʔa. Segaa n zěgi taa, á kàa fɔ̀n zěgi ni a koro yaliiri waʔa.

Amɔsi 4:8

Kèye siin wàlá kèye taanri syɛɛnnɛ n kári kègaa ma bi sa lɔ̀ʔɔ gbaa, kàjáa koro ga lǒgi láa láʔa be na í. Koro ní ki myɛ ní yele ga sèʔê lúru n pan mii ma í,» Yawe wi jo nya.

Sofonii 2:1

Ye yeyɛɛ gbóʔoro yé sɔ̀ngi ye wéle, fɛ̀ɛfɔn-syɛɛnfelege,

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Agizye 1:11

Mii n wáami yeri n cáan tári na, ní nyanbeleyi na, ní bilew, ní dùvɛɛnfɔnw, ní sǐnmi, ní tári yaliire na, ní syɛ́ɛnbèle, ní yaweeri, ní kɔ́yi fáli myɛ na.»

Làlwaw Kaanziin 28:23

Nyɛ̀ʔɛni li nyɛ mɔ nyúngi ǹjoʔo ma lè, li a pye kanyɛɛnrɛ, tári di nyɛ mɔ láari ni lè, ti a pye tunmɔrɔ.

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?