Zyeremii 3:23 - Cebaara Bible 2010

²³ Kányɛʔɛ na, kàfulogi gi yìrigí dǎndamayi ní nyanbeleyi ma lè, ki i nyɛ jànvaa. Kányɛʔɛ na Yawe wolo Kolocɔlɔw má Isirayɛli syɔɔli nyɛ.

Zyeremii 3:23 Iomraidhean Croise

Ŋúnuyi 3:8

Yawe, ki n yɛlɛ mi yìri! Mii Kolocɔlɔɔ, ki n yɛlɛ mi mii syɔɔ! Níì cán mɔ i mii nígoobèle myɛ kpúmɔn bɛ̀ɛ́nyi na. Mɔ i syɛɛnpeebèle gànʔana kabagi.

Ŋúnuyi 62:7

Woro nibin wi nyɛ mii Fálagi, ní mii syɔɔli, woro wi nyɛ mii Kènirigi mii a tée cúngo í.

Kàseegèle 21:31

Syɔnʔɔ i pwoo kapɛɛnni canʔa kéele na, kàjáa Yawe má fàndaari nyɛ.

Ezayi 10:20

Cángi bee na, Isirayɛli wogorobèle, ní Zyakɔbi kpáagi wozyɔɔbéle a ní peyɛɛ daʔa pe kpúmɔnfɔw na í, pe a peyɛɛ daʔa Yawe na ní tágala ní, wi lè Isirayɛli ye Wojanw.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 43:11

Mii wii, mii wee wi nyɛ lè Yawe. Syɔɔfɔwaa nikwɔɔ ní o yaà n fàra mii na í.

Ezayi 44:9

Bele be yasunyi kpéʔele lè, pe myɛ i nyɛ fúu, pe yakpéʔeleri wojanra o yafyɛn nyɔɔgi í, pe i nyɛ yi séerabéle, yi o nyaagi í, cánna o yi ma í, koro na fɛ̀ɛrɛ a wɔ́ɔ ba be taa.

Ezayi 45:15

Kányɛʔɛ na, mɔ i nyɛ Kolocɔlɔɔ, wee wi wiyɛɛ làriga lè, Isirayɛli Kolocɔlɔw, mɔ wi lè Syɔɔfɔw.

Ezayi 45:17

Ki si ga yére Isirayɛli na, Yawe wi syɔɔli kaan wi ma, bàngwɔɔ syɔɔlɔ. Fɛ̀ɛrɛ a tée yele taa í, yele nyúnyi a tée jùngu nyáana í.

Ezayi 45:20

«Ye yeyɛɛ gbóʔoro yaa maa, ye pínɛ ye nùuni naa syɛɛnfeleyi wogorobéle! Bele pe be tíiyi ǹdebēle lée lè, ní i nyɛ́ɛri kolocɔlɔwaa ma, wee wi lè wi a gbǎn be syɔɔ í, cánna o nyɛ bele bee ma í.

Ezayi 63:1

Wìí si wi nyɛ wee, wi yìri Edɔmi ma ni maa lè, wee wi yìri Bosira kěgi ma, ní fàninyɛɛn-súruw búroyo ní, wee yalere ti daragi lè, a wi sámaga n yére ní kpɔɔmɔ ní, ní i táanri ní fànnɛʔɛgɛ ní? «Mii wii, mii wee wi nyuu ní sínnɛ ní lè, wee má fǎngi nyɛ bi gbǎn syɔɔn syɔɔ lè.»

Ezayi 63:16

Bi gi taa mɔ wi nyɛ wolo Tóow, Abirahami ga wolo cán í, Isirayɛli ní o sɔ̀ngí ni taagi wolo na í. Yawe, mɔ wi nyɛ wolo Tóow, n téè láa yaà kwɔ́ɔmɔ fun, mɔ i yiri wolo nyùnzyɔɔw.

Zyeremii 14:8

Mɔ wi lè Isirayɛli sɔ̀ngumi tɛɛtaʔaga, ní wi Syɔɔfɔw kálagili làla ni, nyàʔá na mɔ yɛlɛ bi pye móō nibɔɔn wii tári naa ni, móō kùsɛɛɔ wi tìrige bi yébilige nibin syɔ́ɔn?

Zyeremii 17:14

Yawe, mii pɔʔɔ, mii a pɔʔɔ, mii syɔɔ, mii a syɔɔ. Níì cán mɔ wi nyɛ mii sòololi!

Zyeremii 17:2

Kánmi bee na be pìíbèle a ra sɔ̀ngí da taagi pe sáriga-wòlo-yafaanyi, ní be Asyera tiikóriyi na, yi lè tiipiriyi taana, ní dǎndama-tɔ́nɔyi ǹjoyo ni.

Zyeremii 3:6

A Yawe gi joo mii ma fànʔafɔw Zyozyasi lǎli ni níì jo: «Gee cêkalagigi Isirayɛli kpéʔele lè, a mɔ gi nyaa lé? Wi n kári nyanbe-nyundɔnɔyi myɛ ma, ní tiipiriyi myɛ láara ma, n sáà kanɔnʔɔri kpéʔele yaà beè.

Zyeremii 31:7

Níì cán Yawe wi syɛ́ɛnri naa joo níì jo: ‹Yaa ŋúu gbanʔama Zyakɔbi kéeli na ní fundaanra ní. Yaa mugurumɔ yákpogéle wáa gbanʔama syɛɛnfeleyi wogbɔɔɔ kéele na! Ye yele yákpogèle yaʔa kaa lúro, yaa sòololi kpéʔele, ye jo: Yawe, mɔ syɛ́ɛnbèle syɔɔ, pe lè Isirayɛli wogorobèle!

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Oze sɛ́bɛw 1:7

Kàjáa mii a ba nyinimɛ taa Zyuda kpáagi wòolo na. Mii a be syɔɔ Yawe be Kolocɔlɔw báriga ni, mii a be syɔɔ sedegi báriga ni í, wàlá ŋɔséew, wàlá kapɛɛnni, wàlá syɔ́ɔnyi wàlá syɔɔnfanbèle báriga ni í.»

Zyan 4:22

Gee yele kpɔ̀ʔɔrɔ́ lè yele ga gi cán í. Gee si wolo kpɔ̀ʔɔrɔ́ lè wolo n gi cán, níì cán Zyefubèle má syɔɔli yìri.