Zyeremii 3:22 - Cebaara Bible 2010

²² «Ye lúru yaa maa jaafɔ-niceeye, mii a yele kálagimi kèlē yáama láʔa yele na.» «Wolo wéle bele, wolo i syée mɔ ma, níì cán Yawe, mɔ wi nyɛ wolo Kolocɔlɔw.

Zyeremii 3:22 Iomraidhean Croise

Ŋúnudaangi 1:4

Da mii kíle maa syée miyɛɛ kurugo! Waa fé! Fànʔafɔw n mii lége wi kpaafunyi ni. Wolo a ra muguri sáā fundaanra kpéʔele mɔ bárigaw ni. Wolo a ra mɔ tamagi kéele kpɔ́ʔɔgi bi sɔ̀lɔ dùvɛɛnw na. Tànʔa i be ma àmɛɛ mɔ kéeli be dɛ́nɛ lè.

Ezayi 1:2

Nyɛ̀ʔɛgèle, ye lóʔo! Tári, mɔ líiyi cáan! Níì cán Yawe i nyuu, wi n jo: «Mii n jaafɔɔlɔ gbóo a be lɛɛ, kàjáa pe n mii cée.

Ezayi 27:8

Ní tímanama ní mɔ be kútii kéeli cɔɔnri. Wi n be nɛnɛ ní wi nyɔ́ɔgi káfalakpɔʔɔ ní, àmɛɛ canʔafolomɔ káfalagi nyɛ lè.

Ezayi 31:6

Isirayɛli pìíbèle, wee yele tɔ̀nɔ n cée lè, ye lúru yaa maa wi ma.

Ezayi 57:17

Mii fúngi maa tanʔa Isirayɛli kurugo wi kanaa-sìnzinri kéele na, a mii wi kpúmɔn. Mii fundanʔaratɔw n niyɛɛ làriga. Wi si maa pye sìnloʔoo, wi maa ni syée wi tiimaa funzɔngumi kólogo ni.

Zyeremii 3:12

Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 30:17

Níì cán mii a ní mɔ céri kàriga wovɔnrɔ ní, mii a mɔ námiyi pɔʔɔ,› Yawe wi jo nya. ‹Níì cán pe i mɔ yiri céw be nɛnɛ lè, Siyɔn wii, wàa o caa wi na í.›

Zyeremii 31:18

Mii i Efirayimi nyɛni-mí-peeleli lúro: ‹Mɔ n mii wɔʔɔ, a mii wɔʔɔ àmɛɛ náapiige nyɛ, gee gi lè ki da kóro í. Ki yaʔa mii í lúru pan, mii a lúru pan. Níì cán mɔ Yawe wi nyɛ mii Kolocɔlɔw.

Zyeremii 33:6

Wéle, mii a gi yaʔa gi cólogo foro, mii a gi pɔʔɔ, mii a yɛɛ̀nyinge, ní ŋɔ́ndaala saʔa kaan gi ma.

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Ezekyɛli 18:30

Koro na mii a kútiiw kúun yele myɛ nibin nibin na bi yɛlɛ ní yele kóloyi ní, Isirayɛli kpáagi wòolo, Kàfɔw Yawe wi jo nya. Ye lúru ye pan, ye láʔa yele kapeeyi na, koro ga pye yele kolomi a kɔ́ pye kàdɛnɛ-gbírigege í.

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Oze sɛ́bɛw 13:4

«Mii si na, mii wi nyɛ Yawe mɔ Kolocɔlɔw, n séli yaà Ezyipiti tári ni. Mɔ ga kolocɔlɔwaa nikwɔɔ cán kapye mii ban í, syɔɔfɔwaa ní o yaà mii kàdoʔo ma í.

Oze sɛ́bɛw 14:1

Samarii a córo kolomɔfɔlɔ, níì cán wi n céemɛ kpéʔele wi Kolocɔlɔw kánma na. Ŋɔséew a be kpóo cáan. Pe pìipiiri a tɔ́nʔɔnɔ, pe cébèle be nyɛ lè ficarigèle fɔ̀ɔlɔ, bele bee a purugu.

Oze sɛ́bɛw 14:4

Asirii ye wów a wolo syɔɔ í. Wolo a ní lúgu kapɛɛnkpumɔn-syɔ́ɔnyɔ na í, wolo a ní gi joo wolo kɔ́yi fáli ma í si jo: ‹Wolo Kolocɔlɔw í!› Níì cán mɔ taana círiw ba ni nyinidaara nyaagi.

Oze sɛ́bɛw 14:5

Mii a be tágala funmi yáama pɔʔɔ, pe kéeli a mii dɛ́nɛ gbanʔama, níì cán mii fundanʔari n wàli n láʔa be na.

Oze sɛ́bɛw 14:8

Bele pe a lúru pan lè, pe a ba ra tɛ̀ɛ́n wi nyínmi ni, pe a ní da lìíli fála da taagi, pe a ra fyɛ́ɛnrɛ kpéʔele àmɛɛ ɛrɛzɛn tírige nyɛ lè. Pe mɛ́ɛgi a yiri àmɛɛ Liban dùvɛɛnw wóʔo nyɛ lè.

Oze sɛ́bɛw 3:5

Koro kàdoʔo ma Isirayɛli ye a lúru pan, pe a ba ra Yawe be Kolocɔlɔw, ní be fànʔafɔw Davidi caa. Pe a ra cɛ̀lɛ́ bàā maa Yawe ní wi funjǎngi ma làrigèle kwɔ́ɔmɔ na.

Zyowɛli 2:12

Yawe n jo: «Tɔ́ɔliw naa ni, ye lúru ye pan mii ma ní yele fúnyi myɛ ní, ní súnlere, ní nyatinmɛ, ní peelele ní!»

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »