Zyeremii 3:2 - Cebaara Bible 2010

² «Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Zyeremii 3:2 Iomraidhean Croise

Sélimɛ 38:14

lǎli bee ni a Tamari fala n wi lɔgu-búroyi wòlo, níì nyùndɔn-fàniwaa tɛ́ʔɛ n wi nyǔngi tɔ́n, woro wee wi tɛ́ʔɛ n wiyɛɛ mígi lè níì kári n sáà tɛ́ɛn Enayimi kpàánweeli na Timina kólogi nyɔ́ɔ na. Níì cán wi maa gi cán ncan Syela n lɛɛ n nan cɔlɔɔ láama na, pe si ga woro kaan wi ma í.

1 Fànʔafɔbèle 11:3

Cèpɔribéle saala taanri ní dabata maa pye Salomɔn ma, fànʔafɔɔlɔ jaala, n fàra cefàra-mí-láabéle sirakele ní dabata na. A wi cébèle wi fúngi kàriga.

2 Fànʔafɔbèle 23:13

Sáriga-wòlo-tɛ́ɛyee yi pye lè Zyerusalɛmi zǐnmi na kálagili nyanbelege worogulo kàbangi na, a fànʔafɔw yoro nɔ́nʔɔ. Yoro yee Isirayɛli fànʔafɔw Salomɔn da faan lè. Kàa maa pye Asitarite wóʔo gi lè Siidɔn ye yanɔnʔɔgi. Kàa si i nyɛ Kemɔsyi wóʔo, gi lè Mowabi ye yanɔnʔɔgi. Kàa si i nyɛ Milikɔmi wóʔo gi lè Amɔn ye yanɔnʔɔgi.

Ŋúnuyi 106:38

Pe n tɛɛlɛ fun sìsyaanw wo, wi lè pe nanbiigèle ní be calipiigèle sìsyaan, pe n ge wòlo sáriga Kanaan syɛ́ɛnbèle yasunyo ma, a sìsyaanw tári nɔ́nʔɔ.

Kàseegèle 23:28

Wi i làrá ni sige àmɛɛ kàyuu-fànʔafɔlɔ nyɛ lè, ní i syɛɛnco-mí-kaanbèle nɛʔɛgi syɔɔn ye níngi ni.

Kàseegèle 7:11

Wi n pye kangbanma syɔ́ɔn, ní fɛ̀ɛfɔnjaʔa, wi tɔ́lɔyi da ni kòró wi kpáagi ni í.

Zyeremii 12:12

Kálagifɔbèle i nangi fìími tára dǎndama-wɔlɔgɔyɔ myɛ na, níì cán Yawe ŋɔséew i tári líi n séli láʔalee na n sáà nan lee na. Syɔɔn faala o nyɛ yɛɛ̀nyinge na í.

Zyeremii 2:20

«Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 2:23

«Mɛ̀ɛ́ mɔ a gbǎn gi joo si jo: ‹Mii ga niyɛɛ nɔ́nʔɔ í. Mii ga niyɛɛ bwɔɔ Baalibèle kpɔ̀ʔɔrɔlɔ na í.› Mɔ nyɔngèle wéle jǐnlɔgi ni. Ki cán gee mɔ kpéʔele lè fàlibaacaa-faʔala, lee li nyaari ni máari lè.

Zyeremii 2:7

Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Zyeremii 3:21

Yákpolo i lúro dǎndamayi na. Isirayɛli yòdaʔayi wòolo nyɛnimɛ, ní be nyɛ́ɛrigboloyi yii. Níì cán pe n be kólogi ŋánga, pe n fɛ̀ʔɛ Yawe be Kolocɔlɔw na.

Zyeremii 3:9

Isirayɛli n tári nɔ́nʔɔ ní wi fɛ̀ɛrɛ fun nàʔabeemi ní, wi n kanɔnʔɔri pye ní kàdɛnɛgi, ní tíigi ní.

Zyeremii 7:29

«Mɔ njoori di yaʔa lè, di cɛnɛ, mí di wáa. Da funbɛɛnrɛ ŋúnugo ŋúu dǎndama-wɔlɔgɔyi ǹjoyo ni! Níì cán Yawe n lǎli naa syɛ̀ɛnnɛ faʔa, níì be ŋɔrigɔ n wáa, poro bele be wi fúngi kaan a gi tanʔa lè gbanʔama.

Ezekyɛli 16:16

Mɔ n yàa láa mɔ búroyi ni, mɔ n sáriga-wòlo-tɛ́ɛyɛ sámaga ní kulɛɛri-nɛʔɛbéle fani ní, níì miyɛɛ gbéʔele nànjaaɔ yi ǹjogi ni. Ki felege da kɔ́ɔ̀ kpéʔele í, ki si a ní wɔ́ɔ kpéʔele nyáana í.

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Oze sɛ́bɛw 2:5

Kapye koro ban í, mii a wi waragi péw, bi wi pye wi canzeegi cére na. Mii a wi kàriga àmɛɛ fìími tára nyɛ lè, bi wi pye àmɛɛ lɔ̀ʔɔ fun tára nyɛ lè, si lògbaalaagi yaʔa ki wi kpóo.

Luki 16:23

N wi yaʔa tɛɛwɔʔɔgi ni a wi kɔ́ɔ̀ wi nyǔngi yìrige n wéle n Abirahami nyaa tɛɛ̀leelige ni, ní wɔ́ɔ̀ Lazari nyaa wi taana.

Làlwaw Kaanziin 12:2

«Syɛɛnfeleyee tára yele a syɔɔ taa lè, tɛ́ɛyee ni yi kpɔ̀ʔɔrɔli kpéʔele lè yi kolocɔlɔbèle ma, nyanbe-nyundɔnɔyi, ní dǎndamayi, ní tiipiriyi myɛ láara ni lè, yele a tɛ́ɛyi bee myɛ kálagi péw.