Zyeremii 3:18 - Cebaara Bible 2010

¹⁸ Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 3:18 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Ezayi 43:5

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mii a mɔ yodaʔayi yìrige yaà canʔafolomɔ ma bi pan, mii a mɔ wóbèle yìrige yaà canʔajeemɛ ma bi kpóʔoro.

Ezayi 43:6

Mii a gi joo solomɔkulo ma si jo: ‹Pe kaan naa!› Bi gi joo wòrogulo ma si jo: ‹Mɔ a kɔ́ be cò bi yérige í!› Mii jáabèle yìrige yaà léelige mi pan, pe lè nǎnbèle, ní mii jáabèle be lè cébèle, pe yìrige yaà tári láʔala ma mi pan,

Zyeremii 16:15

Kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli ye yirige yaà solomɔkulo kàbangi tára ni lè, ní tátɛɛyi myɛ ni, yee má wi da be nɛnɛ n tórigo lè.› Níì cán mii a be lúrugo be pan be tári ma, dee mii da kaan be toolɛɛbèle ma lè.

Zyeremii 23:8

kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli kpáagi yòdaʔaga yirige lè solomɔkulo, ní tátɛɛyi myɛ ni,› yee má wi da be nɛnɛ n tórigo lè, jàngó pe ba tɛ́ɛn be tári ni.»

Zyeremii 3:12

Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 30:3

Wéle, canyaa i maa,› Yawe wi jo nya, ‹yee ni mii a mii syɛ́ɛnbèle yaʔa pe lúru pan lè, bele be cò n kári lè, pe lè Isirayɛli ní Zyuda wóbèle,› Yawe wi jo nya. ‹Mii a be lúrugo ba lége tári ni, dee mii kaan be toolɛɛbèle ma lè, pe a ba di taa di pye be worò.› »

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 50:20

Cányi bee, ní lǎli bee ni,» Yawe wi jo nya, «pe a ra Isirayɛli kolomi tɛ́ɛlɛ caa, li si a ní nyaa í, ní Zyuda kapeeli, li si a ní nyaa í. Níì cán wozanbèle mii ga yaʔa lè, mii a be kùsulugi syɔɔ.

Zyeremii 50:4

Cányi bee, ní lǎli bee ni,» Yawe wi jo nya, «Isirayɛli pìíbèle ní Zyuda pìíbèle a lúru pínɛ pan. Pe a ra táanri sáā nyaan, pe a ra Yawe be Kolocɔlɔw caa.

Zyeremii 50:5

Pe a Siyɔn kéeli yíbe, pe a wàli bi fala kàbangi bee na, si jo: Yaa maa wo ba pwɔɔ Yawe na ní bàngwɔɔ joogaanna ní, lee li lè li a fɛ̀ʔɛ syɔɔn ni nyáana í.

Zyeremii 7:7

lǎli bee ni mii a yele yaʔa yele í kòro tɛ́ɛgi naa ni, tári ni, dee mii kaan yele tóolɛɛbèle ma lè di pye be worò làla o làla kwɔ́ɔmɔ fun.

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Oze sɛ́bɛw 2:2

Zyuda ye, ní Isirayɛli ye a ba kpóʔoro si kùndigi nibin télege peyɛɛ nyúngi na, si yiri tári ni. Níì cán Zyizireyɛli cángi a tɔ̀nɔ́ pye cângbɔʔɔ.

Amɔsi 9:15

Mii a be cɔ́rɔ be tári ni, pe a ní kɔ́n bi yirige be tári ni í, toro dee mii kaan be ma lè,» Yawe mɔ Kolocɔlɔw wi jo nya.

Zakarii 10:6

Mii a Zyuda kpáagi fànʔa kpɔ́ʔɔ, si Zyozɛfu kpáagi syɔɔ. Mii a ní be sámaga télege, níì cán pe nyínimi i nyɛ mii na, pe a pye mɔ a jo mii da be cée í. Níì cán mii wi nyɛ Yawe be Kolocɔlɔw, mii a lóʔo be ma.

Zakarii 2:6

A mii wi pye: «Sán mɔ syée?» A wi mii pye: «Mii i syée sa Zyerusalɛmi tímana jàngó bi gi cán gee gi nyɛ lè gi kpɔ́ʔɔganmi, ní gee gi nyɛ lè gi tɔnɔganmi.»