Zyeremii 3:16 - Cebaara Bible 2010

¹⁶ Lǎli ni yele ga baa nɛʔɛ lè níì yasanra saʔa kpéʔele tári ni, cányi bee ni, pe a ní da nyuu Yawe joogaanna kásu kéele na í, Yawe wi jo nya, syɔɔn a ní da sɔ̀ngí da taagi wi kéeli na í, wi keele a ní da nyuu í, pe a ní da yákirii yaari wi fɔ̀nnɔ kéele na í, pe a ní wàa sámaga í.

Zyeremii 3:16 Iomraidhean Croise

Ezayi 60:22

Wobiipiili a ba ra córo saala nyɔ́ɔ na, wee wi cɛ́rɛ n sɔ̀lɔ lè wi a ba pye fànnɛʔɛgɛ syɛɛnfelege. Mii Yawe, mii a kɔlɔ̀ wári bi kérigèle bee foro ke lǎli ni.»

Ezayi 61:4

Pe a ní faan gurubɛɛlɛɛyi na, pe a ní booma kpaatooyi yìrige, pe a ní kèye faan, yee yi da jaa lè, yee yi da kòro lè kataya a gi yìrigēle saʔa kwɔ́ɔ.

Ezayi 65:17

«Níì cán mii a nyɛ̀ʔɛvɔngéle ní táfɔnrɔ sámaga. Syɔɔn a ní sɔ̀ngí taa sélimi kasɔ̀lɔgwɔɔgéle na í, ke sɔ̀ngurɔ a ní tìgi syɔɔn fúngo ni í.

Zyeremii 3:17

Lǎli bee ni pe a ra Zyerusalɛmi yiri «Yawe Fàngoli.» Syɛɛnfeleyi myɛ a ra kpóʔoro yaà Yawe mɛ́ɛgi na Zyerusalɛmi ma. Pe a ní peyɛɛ daʔa pe funbeeyi nàʔagbanma na í.

Zyeremii 30:19

Bariga kaanna ní fundaanra yákpolo a ra yìrigí be níngi ni. Mii a be nɛʔɛ pe a tée cɛ́rɛ í, mii a be kpɔ́ʔɔ, pe a pye yafaʔagéle í.

Zyeremii 31:27

«Wéle, canyaa i maa,» Yawe wi jo nya, «yee ni mii a lùguro lùgu Isirayɛli kpáagi, ní Zyuda kpáagi ni lè. Lùguri bee a pye syɛ̀ɛnnɛ ní yaweere.

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 7:4

Yele a kɔ́ yeyɛɛ daʔa jànvaa syɛ́ɛnrɛ na í si jo: Nɛɛ naa Yawe kpɔ̀ʔɔrɔli kpaʔa nyɛ, Yawe kpɔ̀ʔɔrɔli kpaʔa! Yawe kpɔ̀ʔɔrɔli kpaʔa!

Ezekyɛli 15:5

Alí n gi yaʔa wobogo ní, ki da pye bi gbǎn sámaga yarigaa í, n náa kɔ́ɔ̀ yére lǎli ni náagi gi líile lè, ki gbǎn sámaga lé yarigaa?»

Ezekyɛli 37:26

Mii a bɛ̀ɛlɛ joogaanna kpéʔele ní be ní, bàngwɔɔ joogaanna a pye yaà ní be ní. Mii a be télege, mii a be nɛʔɛ, si mii tɛɛcǎngi kpéʔele pe níngi ni ki kòro yaà làla o làla kwɔ́ɔmɔ fun.

Amɔsi 9:9

«Níì cán wéle mii a syɛ́ɛnri naa joo gbàn, mii a Isirayɛli kpáagi wòolo cúngo syɛɛnfeleyi myɛ nínge ni àmɛɛ be yarira cúngu lè tàmá ni, làa nibin si a too tári na í.

Sofonii 3:11

«Cángi bee na nàʔabeemi myɛ mɔ kpéʔele mii na lè, fɛ̀ɛrɛ a ní mɔ taa bi kéeli na í, níì cán lǎli bee ni bele be muguri ní nɛ̀ɛnyɛnɛgɛ ní lè mii a be cɔɔnri yirige mɔ níngi ni. Mɔ a láʔa nɛ̀ɛgbɔʔɔgi pyele na mii nyanbejǎngi na.

Matye 1:11

A Zyozyasi Yekonya ní wi senyɛnbèle see wojo-mí-káribèle làla ni Babilɔni ma.

Matye 3:9

Yele a kɔ́ ra gi sɔ̀ngí yele fúnyi ni bi jo, Abirahami wi nyɛ yele tóow í. Níì cán mii a gi joo yele ma, Kolocɔlɔɔ fánʔa i nyɛ bi gbǎn kàdɛnɛri naa kàriga taa pìibēle sii be pye Abirahami wòolo.