Zyeremii 3:13 - Cebaara Bible 2010

¹³ Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Zyeremii 3:13 Iomraidhean Croise

Nehemii 9:2

Bele pe da pye lè Isirayɛli yòdaʔayi wòolo, a poro wàli n láʔa nibɔnbèle myɛ na, níì peyɛɛ gbóʔoro n baa yére be kapeegèle, ní be toolɛɛbèle kolomɔ ni.

Kàseegèle 28:13

Wee wi wi kolomi kèlē làragí lè, wi kérigèle o nyɔɔgi í. Kàjáa wee wi ge nyuu ni tèé lè, ní i láari ge na, nyinimɛ i taagi wi na.

Ezayi 57:5

Yele fúnyi n wári terebɛnti tíiyi, ní wabiriri tíiye myɛ láara ni, a yele i pìíbèle kɔnɔgi lòcooloyi nyɔ́ɔ, ní fálakɔriyi láara ni.

Zyeremii 14:10

Yawe n syɛ́ɛnri naa joo syɛ́ɛnbèle naa kéele na, wi n jo: «Ki n tɔ̀nɔ n be dɛ́nɛ bàā nyaari da máari sìnyére ni. Koro na Yawe ga fɔ̀lɔ be na í, wi i sɔ̀ngi ni taagi tɔ́ɔliw ni pe kakoloyi na, ní i be kpúmɔn be kapeegèle kéele na.»

Zyeremii 14:20

Yawe, wolo n wolo péemi kéele cán, ní wolo tóolɛɛbèle kolomɔ kéele. Níì cán wolo n kapeele pye mɔ na.

Zyeremii 2:20

«Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 2:25

Da miyɛɛ kɔ̀rɔsíi, mɔ tɔ́lɔyi a kɔ́ kòro wowaaya ní í, mɔ a kɔ́ mɔ yákpodirigi yaʔa ki waʔa í dɛ! Kàjáa mɔ n jo: ‹Eʔe! Koro o nyɛ yafyɛn í. Níì cán nibɔnbèle kéele n mii dɛ́nɛ. Mii i caa bi niyɛɛ bwɔɔ be na.›

Zyeremii 3:2

«Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 3:6

A Yawe gi joo mii ma fànʔafɔw Zyozyasi lǎli ni níì jo: «Gee cêkalagigi Isirayɛli kpéʔele lè, a mɔ gi nyaa lé? Wi n kári nyanbe-nyundɔnɔyi myɛ ma, ní tiipiriyi myɛ láara ma, n sáà kanɔnʔɔri kpéʔele yaà beè.

Zyeremii 7:24

Kàjáa pe ga lóʔo í, pe ga líiyi cáan í, fwɔɔ a be peyɛɛ daʔa láliiw, ní be funbeeyi kasɔngurɔ na. Pe n lúru kàdoʔo ma, pe ga kári yɛʔɛ ma í.

Zyeremii 7:26

Kàjáa pe ga lóʔo mii ma í, pe ga líiyi cáan í, pe n be nyùngbaabèle kpee, pe n kapeele pye n sɔ̀lɔ pe toolɛɛbèle na.›

Ezekyɛli 16:15

« ‹Kàjáa a mɔ miyɛɛ gaan mɔ nijanri ma, níì miyɛɛ gbéʔele nànjaaɔ mɔ mɛ́ɛgi yirile báriga ni. Mɔ n miyɛɛ gaan nànjaari ma, kozɔ̀lɔɔ o kozɔ̀lɔɔ, mɔ n miyɛɛ bye wi woò.

Oze sɛ́bɛw 5:15

«Mii a kári, mii a lúru kári mii tɛɛkòrogi ma fwɔɔ bi taa pe ba be kolomi nyaa si lúru bàā mii yɛ́ɛgi caa. Pe ga pye wɔʔɔli ni, pe a ra mii caa kányɛʔɛ na.»

Làlwaw Kaanziin 12:2

«Syɛɛnfeleyee tára yele a syɔɔ taa lè, tɛ́ɛyee ni yi kpɔ̀ʔɔrɔli kpéʔele lè yi kolocɔlɔbèle ma, nyanbe-nyundɔnɔyi, ní dǎndamayi, ní tiipiriyi myɛ láara ni lè, yele a tɛ́ɛyi bee myɛ kálagi péw.