Zyeremii 3:12 - Cebaara Bible 2010

¹² Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 3:12 Iomraidhean Croise

Sélimɛ 4:7

Mɔ ga ni síngi mɔ a mɔ nyúngi yìrige. Mɔ si ga pye mɔ o síngi í, kapeeli li lee mɔ kpaaweeli na, li i caa bi tɛ́ɛn mɔ nyúngi na, mɔ má si gi nyɛ mɔ í pye li nyúngi na.»

2 Fànʔafɔbèle 15:29

Isirayɛli fànʔafɔw Peka lǎli ni Asirii fànʔafɔw Tigilati-Pilezɛɛri pan n baa Iyɔn, ní Abɛli-Bɛti-Maaka, ní Yanowa, ní Kedɛsyi, ní Hasɔɔri syɔɔ n pye wi woyò. Wi maa Galaadi, ní Galile syɔɔ, gee bee n joo Nɛfitalii tári myɛw níì yi syɛ́ɛnbèle cò n kári Asirii ma.

2 Fànʔafɔbèle 17:23

Fwɔɔ n taa a Yawe kɔ́ baa be nɛnɛ n núngo wiyɛɛ yɛ́ʔɛ ma n tórigo léelige, n yɛlɛ ní syɛ́ɛnri ni wi da joo wi falipyebèle myɛ ma a be joo lè pe lè kanyaajoobèle. Pe n Isirayɛli ye cò n yirige be tári ni n kári ní be ní Asirii ma, beè be yaà fwɔɔ n baa nan níjanʔa na.

2 Fànʔafɔbèle 17:6

Oze fǎngi yɛ̀ʔɛlɛ kpanjɛrɛ wóli na, Asirii fànʔafɔw fànʔa taa Samarii na, níì Isirayɛli ye cò n kári Asirii ma. A wi sáà pèle télege Hala ni, níì pèle télege Habɔɔri nyɔ́ɔgi na ki lè Gozan cábigi, ní wɔ́ɔ̀ pèle télege Medii ye kěyi ni.

2 Fànʔafɔbèle 18:1

Isirayɛli fànʔafɔw Ela jáaw Oze fǎngi yɛ̀ʔɛlɛ taanri wólo na Zyuda fànʔafɔw Akazi jáaw Ezekyasi tɛ́ɛn fǎngi na n pye Zyuda fànʔafɔw.

2 Cányi kèlē 29:10

Tɔ́ɔliw ni ki i nyɛ mii fúngi ni bi joogaanna kpéʔele ní Yawe ní, wi lè Isirayɛli ye Kolocɔlɔw, koro ga pye wi fundanʔari kafugbanga í kàri bi láʔa wolo na.

2 Cányi kèlē 30:9

Yele ga lúru Yawe ma, bele be yele senyɛnbèle ní yele jáabèle cò n kári lè, poro a nyinimɛ taa be na, pé ní lúru pan tári naa ma. Níì cán Yawe yele Kolocɔlɔw i nyɛ funjànga, ní nyinidaarafɔlɔ. Yele ga lúru wi ma wi a kàdoʔo wáa yele ma í.»

Ŋúnuyi 103:17

Kàjáa funjǎngi gi nyɛ Yawe ma wi yɛ́ɛgi fyáafɔɔlɔ kabaan na lè, nlaa yaà booma ni ki a tée kwɔ́ɔ í. Wi sínni si wɔ́ɔ i nyɛ be pìíbèle pìibēle ma,

Ŋúnuyi 103:8

Yawe i nyɛ funjànga, ní nyinimɛ fɔ́lɔ, wi fúngi o taanri kelekele í, wi nyínimi n tɔ̀nɔ n nɛʔɛ.

Ŋúnuyi 103:9

Wi o fúlo ni syée nya làla o làla í, wi o wi fundanʔari kɔngi ni yaari nya kwɔ́ɔmɔ fun í.

Ŋúnuyi 145:8

Nyinidaara fɔ́lɔ ní fûnnyinge fɔ́lɔ wi nyɛ Yawe, wi fúngi o taanri kelekele í, á wi wɔ́ɔ̀ nyìn funjǎngi na.

Ŋúnuyi 79:5

Làlìí ni mɔ fundanʔari a kwɔ́ɔ, ee Yawe? Mɔ a kòro lé fundanʔari na bàā syée nya làla o làla? Mɔ káyaagi si wɔ́ɔ kòro lé bàā nyín àmɛɛ naà nyɛ lè?

Ŋúnuyi 86:15

Kàjáa Kàfɔw, mɔ wi nyɛ fûnnyingi ní nyinidaari Kolocɔlɔɔ, mɔ fúngi o taanri kelekele í, mɔ nyínimi n nɛʔɛ, mɔ si wɔ́ɔ i nyɛ tágala syɔ́ɔn.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Kàseegèle 28:13

Wee wi wi kolomi kèlē làragí lè, wi kérigèle o nyɔɔgi í. Kàjáa wee wi ge nyuu ni tèé lè, ní i láari ge na, nyinimɛ i taagi wi na.

Ezayi 31:6

Isirayɛli pìíbèle, wee yele tɔ̀nɔ n cée lè, ye lúru yaa maa wi ma.

Ezayi 44:22

Mii n mɔ kapeegèle kurugo n láʔa àmɛɛ fàfaanwɔʔɔ nyɛ lè, ní mɔ kolomi kèlē, àmɛɛ fàfanʔa nyɛ lè. Ki n yɛlɛ mi lúru mi pan mii ma, níì cán mii n mɔ nyúngi syɔɔ.»

Zyeremii 11:6

A Yawe mii pye: «Yákpoli wáa ní syɛ́ɛnri bee myɛ ní, Zyuda kěyi ni, ní Zyerusalɛmi kàlari-kóloyi ni, mí jo: ‹Ye joogaanni naa syɛ́ɛnrɛ lóʔo, yáā gi kpéʔele àmɛɛ di jo lè.

Zyeremii 12:15

Lǎlee ni si mii ga be kíle n yirige yaà lè, mii a ní nyinimɛ taa be na, si ní be lúrugo be pan pe myɛ nibin nibin be kɔriyɔ ma, pe myɛ nibin nibin be tára ma.

Zyeremii 23:8

kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli kpáagi yòdaʔaga yirige lè solomɔkulo, ní tátɛɛyi myɛ ni,› yee má wi da be nɛnɛ n tórigo lè, jàngó pe ba tɛ́ɛn be tári ni.»

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:14

Ye lúru yaa maa jaafɔ-niceeye, Yawe wi jo nya. Níì cán mii wi nyɛ yele Kàfɔw. Mii a yele láa nibin nibin kěyi ni, bi yele láa siin-ziin nariyi ni, bi yele lúrugo pan Siyɔn ma.

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 3:22

«Ye lúru yaa maa jaafɔ-niceeye, mii a yele kálagimi kèlē yáama láʔa yele na.» «Wolo wéle bele, wolo i syée mɔ ma, níì cán Yawe, mɔ wi nyɛ wolo Kolocɔlɔw.

Zyeremii 3:5

A wi a wi fundanʔari kɔn lé bi yaʔa nya? Wi a kòro lé nya di na làla o làla? Koro si mɔ da ni nyuu. Kàjáa kapeʔe mɔ kpéʔele, a gi fǎngi wɔ́ɔ̀ pye mɔ ni.»

Zyeremii 3:7

Mii maa ni gi nyuu niyɛɛ ma níì jo: Wi ga kérigèle bee myɛ kpéʔele n kwɔ́ɔ wi a ní lúru pan mii ma. Kàjáa, wi ga lúru n pan í. Wi senyɛnjew Zyuda wi lè námarafɔw, woro n pye gi séera.

Zyeremii 30:11

Níì cán mii i nyɛ ní mɔ ní, bàā mɔ syoo,› Yawe wi jo nya. ‹Mii a syɛɛnfeleyi myɛ kálagi kwɔ́ɔ, yee nínge ni mii mɔ nɛnɛ n tórigo lè, kàjáa mɔ na, mii a mɔ kálagi kwɔ́ɔ í. Mii a mɔ wɔʔɔ bi yɛlɛ ní gee ní gi sín lè, mii a gbǎn mɔ yaʔa sìnwɔʔɔ ni í.›

Zyeremii 31:20

A Efirayimi i nyɛ lé jaafɔwaa, wee kéele li kpɔ́ʔɔ mii ma lè, pìiwaa, wee kéele li mii dɛ́nɛ lè gbanʔama? Níì cán àmɛɛ mii nyuu wi kéeli na lè, ànbée wi kéeli sɔ̀ngurɔ kpɔ́ʔɔgi mii fúngi ni. Mii fúngi yárira i cɛ̀lɛ́ mii ni wi nyɔɔmi kéele na, mii a tɔ̀nɔ́ nyinimɛ taa wi na,» Yawe wi jo nya.

Zyeremii 31:21

«Mɔ fɛɛw yáriya yérige, mɔ tiikóriyi yérige, da kɔ̀rɔsíi kólogi na, kozɔ̀lɔgi na, gee ni mɔ táanri lè. Lúru maa maa, nàngeele sinján Isirayɛli, lúru maa maa kěyi naa ma yi nyɛ lè mɔ wóyi.

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 33:26

lǎli bee ni mii a dée gbǎn Zyakɔbi yòdaʔayi ní mii falipyew Davidi yòdaʔayi cée, si láʔa mii a ní dée ra pèle yirigi be ni bele pe a ra tɛ̀ɛ́n Abirahami, ní Izaaki, ní Zyakɔbi yòdaʔayi nyúngo na lè í. Níì cán mii a pe wojo-mí-káribèle lúrugo pan, si ba nyinimɛ taa be na.› »

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Kayaagi Nyɛnigɛ 3:22

Koro gi nyɛ àmɛɛ Yawe funjǎngi nyɛ lè ki ga kwɔ́ɔ í, wi nyinidaari si ga wɔ́ɔ̀ nan ti tɛɛ̀laʔali na í.

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Ezekyɛli 39:25

Awá, Kàfɔw Yawe wi syɛ́ɛnri naa joo níì jo: Tɔ́ɔliw ni, Zyakɔbi wóbèle be cò n kári lè, mii a be lúrugo pan, mii a nyinimɛ taa Isirayɛli kpáagi wòolo myɛ na, mii mɛ́ɛcǎngi yéjaʔa si pye mii ni.

Oze sɛ́bɛw 6:1

«Yaa maa, wo lúru wo pan Yawe ma! Wi n suluguli kpéʔele, kàjáa wi a wolo pɔʔɔ. Wi n kpúmɔnri kpéʔele, kàjáa wi a wolo námiyi pwɔɔ.

Levii ye sáriga-wòlori 26:40

« ‹Pe a ba yére be kolomi, ní be tóobèle kolomɔ ni, gee bee n jo sìnzinmi kèlē be kpéʔele mii na lè, ní àmɛɛ pe da ni cáan ní mii ní lè,

Zakarii 1:4

‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.

Làlwaw Kaanziin 30:2

mɔ ga lúru n pan Yawe mɔ Kolocɔlɔw ma, mɔ ga ni lúro wi ma ní mɔ zɔnw myɛ, ní mɔ fúngi myɛ ní, gee bee n jo mɔ ní mɔ jáabèle, n yɛlɛ ní gee myɛ ní mii nyuu ni gbàngí mɔ ma lè níjanʔa,