Zyeremii 3:10 - Cebaara Bible 2010

¹⁰ Koro ní ki myɛ ní wi senyɛnjew Zyuda wi lè námarafɔw, woro ga lúru n pan mii ma ní wi fúngi myɛ ní í, jànvaa wi kpéʔele.» Yawe wi jo nya.

Zyeremii 3:10 Iomraidhean Croise

2 Cányi kèlē 34:33

A Zyozyasi yanɔnʔɔyi myɛ yirige Isirayɛli ye tátɛɛyi myɛ ni. Wi sìíw làla myɛ ni, bele myɛ be pye lè Isirayɛli ni, a wi be kɔ́ri pe i báara Yawe be Kolocɔlɔw ma. Pe ga wàli n láʔa Yawe be toolɛɛbèle Kolocɔlɔɔ na í.

Ŋúnuyi 18:44

Mɔ i mii syoo syɛ́ɛnbèle kàsii ma. Mɔ n mii télege syɛɛnfeleyi nyúngo na. Syɛ́ɛnbèle bele be lè mii da be cán í, bele bee n ba ni báara mii ma.

Ŋúnuyi 66:3

Yaa gi nyuu Kolocɔlɔɔ ma ye wi pye: «Mɔ kapyegèle i nyɛ bìngaara kele! Mɔ nigoobèle i peyɛɛ gaangi mɔ ma pe nyɔ́ɔyi ni, mɔ séekpɔɔw kapyegèlē báriga ni.

Ezayi 10:6

Mii n wi tórigo Kolocɔlɔɔ yɛ́ʔɛnaa-sìnvyaa syɛɛnfelege kánma na, syɛ́ɛnbèle be mii fúngi taanri lè, mii n wi súguru n wáa bele bee na, wi sa yáriri fuguri si lɔ́ri koli, si syɛ́ɛnbèle tánʔana àmɛɛ kàlari-kóloyi fáriga nyɛ lè.

Ezayi 29:13

Kàfɔw n jo: «A syɛ́ɛnbèle naa nùuní mii na ní syɛɛnjóoro ní wii yagana, a be mii kpɔ̀ʔɔrɔ́ nyɔɔwara na wii yagana. Kàjáa be fúnyi n léeli mii na, mii yɛ́ɛgi fyáara di nyɛ be ma lè, ti i nyɛ syɔɔn ye kalɛɛgéle gele be tama n cò lè.

Ezayi 31:6

Isirayɛli pìíbèle, wee yele tɔ̀nɔ n cée lè, ye lúru yaa maa wi ma.

Zyeremii 11:10

Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 12:2

Mɔ n be cɔ́rɔ, a be caà nìnre wáa, kàa i taari be na, pe i sangi. Mɔ kéeli i nyɛ be nyɔ́ɔyi na, á be fúnyi si léeli mɔ na.

Zyeremii 9:1

Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Oze sɛ́bɛw 7:14

Pe o yákpogèle wáa mii kurugo ní be fúnyi myɛ ní í. Kàjáa a pe i nyaan ni peele n be yaʔa be yasinɛyi na, pe i peyɛɛ gbóʔoro bilew ní dùvɛɛnfɔnw kéele na, kàjáa ní i céemi kpéʔele mii kánmi na.

Amɔsi 4:9

«Mii n yele kpúmɔn ní wáami, ní yaliifɔnʔɔri wɔʔɔgɔ ní. Múndɔɔw n yele nángwɔɔbèle saʔa lìi, n fàra yele ɛrɛzɛn séyi, ní yele dèsyaantiiri, ní yele olivye tíiri na. Koro ní ki myɛ ní yele ga sèʔê lúru n pan mii ma í,» Yawe wi jo nya.

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.