Zyeremii 3:1 - Cebaara Bible 2010

¹ Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:1 Iomraidhean Croise

Ŋúnuyi 106:38

Pe n tɛɛlɛ fun sìsyaanw wo, wi lè pe nanbiigèle ní be calipiigèle sìsyaan, pe n ge wòlo sáriga Kanaan syɛ́ɛnbèle yasunyo ma, a sìsyaanw tári nɔ́nʔɔ.

Ezayi 24:5

Tári n nɔ́nʔɔ di tɛ́ɛnfɔbèle báriga ni, níì cán pe n làlwaw kèlē kálagi, níì kajoogèle kàriga, níì bàngwɔɔ joogaanni sàa.

Zyeremii 2:20

«Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 2:23

«Mɛ̀ɛ́ mɔ a gbǎn gi joo si jo: ‹Mii ga niyɛɛ nɔ́nʔɔ í. Mii ga niyɛɛ bwɔɔ Baalibèle kpɔ̀ʔɔrɔlɔ na í.› Mɔ nyɔngèle wéle jǐnlɔgi ni. Ki cán gee mɔ kpéʔele lè fàlibaacaa-faʔala, lee li nyaari ni máari lè.

Zyeremii 2:7

Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Zyeremii 22:20

«Lúgu Liban na, mí yákpoli wáa! Yákpoli wáa gbanʔama Basyan na! Yákpoli wáa Abarimi ǹjogi ni! Níì cán bele myɛ mɔ kéeli da dɛ́nɛ lè, pe n tɔ́nʔɔnɔ.

Zyeremii 3:22

«Ye lúru yaa maa jaafɔ-niceeye, mii a yele kálagimi kèlē yáama láʔa yele na.» «Wolo wéle bele, wolo i syée mɔ ma, níì cán Yawe, mɔ wi nyɛ wolo Kolocɔlɔw.

Zyeremii 3:9

Isirayɛli n tári nɔ́nʔɔ ní wi fɛ̀ɛrɛ fun nàʔabeemi ní, wi n kanɔnʔɔri pye ní kàdɛnɛgi, ní tíigi ní.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Zyeremii 4:14

Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Kayaagi Nyɛnigɛ 1:2

Ki i nyaan yébiligi ni, ki nyatinmi i fóo ni tíri ki bɛ̀ɛ́nyi na. Bele myɛ ki kéeli da dɛ́nɛ lè, pe wàa faala o gi kpɛʔɛlɛ í. Ki tàannyɛnbèle myɛ n gi jànváa, pe n baa kàri n pye ki nigoolo.

Ezekyɛli 16:26

Mɔ n miyɛɛ gbéʔele nànjaaɔ ní Ezyipiti nǎnbèle ní, pe lè mɔ tɛ́ɛnnyɛnbèle, pe lè fànnɛʔɛgi fɔ̀ɔlɔ, mɔ n kàa fàra mɔ nanjaari na jàngó bi mii fúngi tanʔa.

Ezekyɛli 16:30

Mɔ fúngi fànʔa wéle àmɛɛ gi tɔ̀nɔ n cɛ́rɛ lè› Kàfɔw Yawe wi jo nya, ‹àmɛɛ mɔ kérigèle bee myɛ kpéʔele lè n yɛlɛ ní nànjaa-sanbali kapyele ní!

Ezekyɛli 16:35

Awá, mɔ nànjaacɔɔ̀, ki n yɛlɛ mi Yawe syɛ́ɛnri lóʔo.›

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Oze sɛ́bɛw 1:2

Syɛ́ɛnri sélimɛ bi bee naa, dee Yawe joo Oze ma a wi joo lè, Yawe n Oze pye: «Da syée mi sa kanɔnʔɔbyecewaa láa mi kanɔnʔɔrɔ piibéle see. Níì cán tári n Yawe yaʔa níì kòro kanɔnʔɔbyeri na!»

Oze sɛ́bɛw 2:2

Zyuda ye, ní Isirayɛli ye a ba kpóʔoro si kùndigi nibin télege peyɛɛ nyúngi na, si yiri tári ni. Níì cán Zyizireyɛli cángi a tɔ̀nɔ́ pye cângbɔʔɔ.

Misye 2:10

Ye yìri, yaa syée! Níì cán tári naa o nyɛ ŋɔ́ndaala tɛ́ʔɛ í. Ti nɔ́nʔɔri kéele na ti a pan ní wɔʔɔyɔ ní, yi a pye wɔʔɔbeeye.

Zakarii 1:3

Ki joo be ma mi be pye: ‹Yawe wi lè Nyɛ̀ʔɛni Sùlasiibéle Kafɔlɔ wi n jo: Ye lúru mii ma, mii a wɔ́ɔ lúru yele ma.› Yawe wi lè Nyɛ̀ʔɛni Sùlasiibéle Kafɔlɔ woro wi jo nya.

Matye 5:31

A gi níì jo: ‹Syɔ́ɔnwee ga wi cɔɔ̀ yaʔa lè, ki n yɛlɛ wi ceyaʔa-sɛ́bɛ kaan wi ma.›

Làlwaw Kaanziin 22:21

pe a wi cò bi yirige wi tóow kpaʔa kpaaweele ni, wi kěgi syɛ̀ɛnnɛ a sa wi wábagi ní kàdɛnɛri ní. Wi a kùu, níì cán wi n nɔ́nʔɔrɔ kéele kpéʔele Isirayɛli ni àmɛɛ wi kanɔnʔɔri bee pye wi tóow kpaʔa ni lè. Kánmi bee na mɔ a kapeegi kwɔ́ɔ bi yirige yele níngi ni.

Jàbɔbèle 19:2

A wi céw si kɔ́ɔ̀ wi jànváa níì núngo wi taana n kári wi tóow kpaʔa ma n sáà kòro yaà Bɛtilehɛmi ni, Zyuda tári ni n taa yeboyo sicɛrɛ.