Zyeremii 27:9 - Cebaara Bible 2010

⁹ Yele doò, yele a kɔ́ ra lúro yele kanyaajoobèle, ní yele kanyaabèle, ní yele tiimaa ŋúnɔyi, ní yele kacánbèle, ní yele cɛ́lɛfɔbèle ma í, poro bele pe gi nyuu yele ma lè níì jo: Yele a tée pɔ́rɔtɔɔrɔ kpéʔele Babilɔni fànʔafɔw ma í!

Zyeremii 27:9 Iomraidhean Croise

Yirile 22:18

Syɔ́ɔnwee faala wi ga sínɛ ní yaweʔe ní lè, pe a wi kpóo wii.

Yirile 7:11

A Faraɔnw Ezyipiti sícilibèle ní sàndoobèle yeri. A Ezyipiti nìnyɔʔɔnɔgi fɔ̀ɔlɔ wɔ́ɔ baa gee bee félege kpéʔele pe kacánmi báriga ni.

Kàseegèle 19:27

Ni pyà, tamani li a mɔ pùuní léeli cánni syɛ́ɛnrɛ na lè, li lóʔoli yaʔa.

Ezayi 8:19

Pe ga yele pye: «Ye sa kúyibebèle yíbe, ní bele be nyɛ̀ʔɛna kérigèle nyaagi ni nyuu lè, ní bele be nyɔ́ɔgi féfeegèlē wíi ní i syɛɛn-ŋúnuŋunuri nyuu lè,» ye be yari: «Syɛɛnfelege ga yɛlɛ bàā gi Kolocɔlɔw yíbe ì? Kúbèle lé gi yɛlɛ syɔɔn í yíbe niweebèle kéele na?

Zyeremii 14:14

A Yawe mii pye: «Jànvaaw kanyaajoobèle nyaagi ni nyuu mii mɛ́ɛgi na. Mii ga be tun í, mii ga syɛ́ɛnrɛ joo n gbàn be ma í, mii ga téè joo be ma í. Jànvaaw yanyaaya, ní jànvaaw kanyaajooro, ní yasunzunri, ní be funzɔnguri di syɔɔn fáana ni pùuní lè, toro be nyuu yele ma.

Zyeremii 23:16

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Kanyaajoobèle be kérigèle nyaagi ni nyuu yele ma lè, yele a kɔ́ ra be syɛ́ɛnri lúro í! Pe i yele pùuní, pe tiimaa fúnyi yanyaaya be nyuu ni tèé, Yawe nyɔ́ɔ wóʔo ban be nyuu í.

Zyeremii 23:25

«Mii n gi lóʔo gee kanyaajoobèle nyuu lè, poro bele be kérigèle nyaagi ni nyuu mii mɛ́ɛgi na lè, gele ge lè jànvaa níì jo: ‹Mii n ŋúnɔgɔ ŋúnɔ! Mii n ŋúnɔgɔ ŋúnɔ!›

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 29:8

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: ‹Yele kanyaajoobèle, ní yele kanyaabèle be nyɛ yele níngi ni lè, yele a kɔ́ be yaʔa be yele fáana pùuni í. Yele a kɔ́ yele yákirii yaʔa ŋúnɔyi na yele ŋúnɔ lè í!

Ezekyɛli 21:29

Awá, gee bee na Kàfɔw Yawe n jo: ‹Amɛɛ yele sɔ̀ngí ni taagi yele kolomi na lè, níì yele céemi kèlē múgu n yaʔa n yele kapeegèle tɛ̀ɛn yele kapyegèle myɛ báriga ni lè, àmɛɛ yele sɔ̀ngí ni taagi gee bee na lè, wi kɔ́gi a yele cò.

Danyɛli 4:7

N mii yaʔa mii yasinɛgi na, yanyaayi mii nyaa mii sɔ̀nguri ni lè, yoro yi nyɛ yee naa: Mii n tiige nyaa tári nínge ni, ki maa tɔnɔ gbanʔama.

Misye 3:7

Nyaafɔbèle a curugo, fɛ̀ɛrɛ a cɛ́lɛfɔbèle taa, pe myɛ a kɔ́yi tɔ́n pe nyɔ́ɔyi na. Níì cán Kolocɔlɔɔ a ra syɛɛnlurugoro kaangi í.

Zakarii 10:2

Níì cán ǹdebiigèle yele yíbe lè ke syɛɛnlurugori i nyɛ jànvaa, kanyaabèle i jànvaa yanyaayi kéele nyuu ni tèé, pe ŋúnɔyi joolo i nyɛ jànvaa syɛ́ɛnrɛ, pe kɛɛlɛli syɛ́ɛnrɛ si i nyɛ fúu. Koro na be curugu ni máari àmɛɛ yaweeyiligēle nyɛ lè, pe i nyɛ foomɔ wòolo ní, níì cán nàʔafɔlɔ o nyɛ be na í.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Kapyegèle 8:11

Pe maa ni lúro wi ma kányɛʔɛ ni, níì cán ki maa séli yaà làridɔɔnnɔ ni, a be i káama wi sícilimi kèlē na.

Efɛzi ye 5:6

Ki ga yɛlɛ syɔɔn faala í kɔ́ yele fáana pùuni ní gbanzan syɛ́ɛnrɛ ní í, níì cán kérigèle bee ge Kolocɔlɔɔ fundanʔari yaari ti i tuun wi syɛ́ɛnri céefɔɔlɔ na.

Làlwaw Kaanziin 13:2

«Kanyaajoowaa wàlá kanyaawaa ga yìri yele níngi ni n fɛ̀ɛwaa wàlá kakpɔɔgaa kéele joo mɔ ma,

Làlwaw Kaanziin 18:14

Níì cán syɛɛnfeleyi bee mɔ a sa nɛnɛ bi yirige yaà lè, yi i kanyaari fáli kpéʔelefɔɔlɔ, ní wélefɔbèle syɛ́ɛnrɛ lúro. Mɔ si na, Yawe mɔ Kolocɔlɔw ga fɔ̀lɔ mɔ ma gee bee na í.

Zyozuwe 13:22

Bele Isirayɛli ye da kpóo lè ní ŋɔséew ní, Beyɔɔri jáaw Balaami wi pye lè kanyaaw, woro maa wɔ́ɔ̀ pye bele bee wàa.

Tɛ̀ɛnnɛ 18:23

fètinnɛ gbɛ̀ɛnmɛ a ní pye mɔ ni nyáana í, pe a ní cefɔɔn fɔ́lɔ, wàlá cefɔɔn yákpolo lóʔo mɔ ni nyáana í. Níì cán mɔ jagiwáabèle maa pye dulunyanw syɛɛnkpolobéle, mɔ maa ni syɛɛnfeleyi myɛ fáana ni pùuní ní mɔ dɛɛgi ní.»

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.

Tɛ̀ɛnnɛ 9:21

Pe ga wɔ́ɔ̀ láʔa be syɛɛnkpoori na í, wàlá be dɛ̀ɛ́gi, wàlá be kanɔnʔɔri, wàlá be kàyuugi na í.