Zyeremii 27:8 - Cebaara Bible 2010

⁸ Syɛɛnfelegaa, wàlá fàngaa ga pye ki ga kiyɛɛ gaan Nebukadinezari ma í, wi lè Babilɔni fànʔafɔw, n gi yátiigi kaan Babilɔni fànʔafɔw zúu ma í, mii a keele tɛ́ʔɛ syɛɛnfelegi bee na ní ŋɔséew, ní kateekpɔɔgi, ní káfalagi yáama ní, Yawe wi jo nya, fwɔɔ bi taa mii í gi kwɔ́ɔ yirige yaà ní wi kɔ́gi ní.

Zyeremii 27:8 Iomraidhean Croise

Zyeremii 24:10

Mii a ŋɔséew, ní kateekpɔɔgi, ní káfalagi yáama lége be níngi ni, bi taa be kwɔ́ɔ bi yiri tásaligi ni, gee mii da kaan be ma, ní be toolɛɛbèle ma lè.› »

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 27:11

Syɛɛnfelegee si ga gi yátiigi kaan Babilɔni fànʔafɔw zúu ma, ni báara wi ma lè, mii a gi yaʔa gi tiimaa tári ni, koro ga pye kaa di fála si tɛ́ɛn di ni,› » Yawe wi jo nya.

Zyeremii 27:13

Nyàʔá na gi yɛlɛ yele í kɔ́ kùu, mɔ ní mɔ syɛ́ɛnbèle, ŋɔséew, ní kateekpɔɔgi, ní káfalagi yáama báriga ni, àmɛɛ Yawe gi joo lè syɛɛnfelegi kéele na, gee ki ga pye lè ki ga kiyɛɛ gaan Babilɔni fànʔafɔw ma í?

Zyeremii 28:14

Níì cán Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, wi n jo: Tunmɔrɔ zúu mii a taʔa syɛɛnfeleyi bee myɛ yátiiye na, jàngó yaa báara Nebukadinezari ma, wi lè Babilɔni fànʔafɔw, yi a ra báara wi ma, àlí mii a ségi yaweere le wi kɔ́gi ni.› »

Zyeremii 28:4

Zyuda fànʔafɔw Yekonya wi lè Yehoyakimi jáaw, mii a ní wi lúrugo wi pan tɛ́ɛgi naa ma, woro ní Zyuda wóbèle bele myɛ be cò n kári Babilɔni ma lè. Níì cán mii a Babilɔni fànʔafɔw zúu kabi,› Yawe wi jo nya.»

Zyeremii 29:17

Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Wéle, mii i ŋɔséew, ní kateekpɔɔgi, ní káfalagi yáama wáa be na, mii a be pye àmɛɛ děsyanʔa nyɛ, gee gi fɔ́nʔɔ lè n pye ki a gbǎn lìi í, ki peejaanrimi kéele na.

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 40:9

Gedaliya wi lè Ahikami jáaw, Ahikami wi lè Syafan jáaw, a woro baa kàli be ma, ní nǎnbèle bele ma be pye ní be ní lè, níì jo: «Yele a kɔ́ fyáa fáliw pyele na Kalide ye ma í, ye kòro tári ni yaa báara Babilɔni fànʔafɔw ma, yele a gi nyaa ki pɔ́rɔ yele ma.

Ezekyɛli 14:21

A Kàfɔw Yawe si níì syɛ́ɛnri naa joo níì jo: «Alí mii ga wírè mii wɔʔɔbeeyi sicɛrɛ tórigo Zyerusalɛmi kánmi na, yi lè ŋɔséew, ní kateekpɔɔgi, ní yaweepeeyi, ní káfalagi yáama bi syɛ́ɛnbèle ní yaweeri kwɔ́ɔ yirige wi ni,