Zyeremii 27:7 - Cebaara Bible 2010

⁷ Syɛɛnfeleyi myɛ a ra báara woro, ní wi jáaw, ní wi pìinyanbiigi ma, fwɔɔ bi taa wi tári làla í wɔ́ɔ ba nan, fànnɛʔɛgɛ syɛɛnfelege, ní fànʔafɔ-gbólobéle si wi kɔ́ri waa báara poro ma.

Zyeremii 27:7 Iomraidhean Croise

Ŋúnuyi 37:13

Kàfɔw i wi tɛ́ʔɛ níì cán wi n wi cángi nyaa ki i maa n kwɔ́ɔ.

Ezayi 13:1

Joogbanna Babilɔni kéeli na, yanyaagee Amɔsi jáaw Ezayi nyaa lè.

Ezayi 21:9

Wéle, syɔɔnyɔ yi maa yee siin-ziin, syɔɔnfànbēle nibin nibin si i nyɛ yi na peyɛɛ daana!» A kpaàwelew níì gi joo níì jo: «Ki n too, ki n too, Babilɔni n too, gi kolocɔlɔbèle niwiriye myɛ n cɛnɛ n cáan tári na.»

Zyeremii 27:22

‹Ti a láa bi kári Babilɔni ma, ti a kòro yaà bi taa cángee na mii a yìri di kéeli na lè, bi di lúrugo di pan, ti ní ba pye tɛ́ɛgi naa ni.› Yawe wi jo nya.»

Zyeremii 34:1

Yawe syɛ́ɛnri di nan Zyeremii na lè, lǎli ni Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní lè, ní si i nyɛ tátɛɛyi fànya myɛ nyúngo na, á syɛɛnfeleyi myɛ si i kapɛɛnni kpúmɔn ní Zyerusalɛmi, ní gi tɛ́nɛmi kèye myɛ ní lè, toro di dee naa:

Zyeremii 44:30

Yawe wi syɛ́ɛnri naa joo níì jo: «Wéle, mii a Faraɔnw Hofura le wi nigoobèle kɔ́yɔ ni, wi lè Ezyipiti fànʔafɔw, mii a wi le bele kɔ́yɔ ni pe wi sìikwɔɔri caa lè, àmɛɛ mii Zyuda fànʔafɔw Sedesyasi le lè Babilɔni fànʔafɔw Nebukadinezari kɔ́yi ni, wi nigoow wi da ni wi sìikwɔɔri caa lè.»

Zyeremii 46:13

Syɛ́ɛnri Yawe joo kanyaajoow Zyeremii ma lè Babilɔni fànʔafɔw Nebukadinezari panni kéele na, woro wee wi da ni maa ba Ezyipiti tári kpúmɔn lè, wi n jo:

Zyeremii 52:31

Zyuda fànʔafɔw Yehoyakɛn cò-mí-kárili yɛ̀ʔɛlɛ toko ní kpɔrigɔ ní kɔrɔsiin wóli yeye kɛɛ ní siin wóʔo canya toko ní kagunɔ wógi na, a koro pye Babilɔni fànʔafɔw Eviili-Merodaki fǎngi yɛɛzelile, a wi Zyuda fànʔafɔw Yehoyakɛn lúrugo n télege wi kpɔ́ʔɔri ni níì wi yirige kàsow ni.

Ezekyɛli 30:24

Mii a fànʔa le Babilɔni fànʔafɔw kɔ́yɔ ni, si mii ŋɔséew le wi kɔ́gi ni. Mii a Faraɔnw kɔ́yɔ kabagi, wi a ra cɛ́ɛn wi yɛʔɛ̀ ma àmɛɛ wàa nyɛ, wee wi nyɛ kúkoliw na lè.

Danyɛli 2:37

Ee fànʔafɔw, mɔ i nyɛ fànʔafɔbèle fànʔafɔlɔ, níì cán nyɛ̀ʔɛgèle Kolocɔlɔɔ n fǎngi fáliga, ní séew, ní fǎngi, ní nìjanri kaan mɔ ma.

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Habakuki 2:7

Bele fwɔ́ɔgéle ge nyɛ mɔ na lè, pe a yìri kelekele ì? Bele pe a mɔ nyàʔara lè, pe a cɛ̀lɛ́ nyán ì? Mɔ a ba pye pe yakoliro.

Habakuki 2:8

Amɛɛ mɔ syɛɛnfeleye saʔa yárira fuguri n láa lè, syɛɛnfeleyi wozanya myɛ a wɔ́ɔ mɔ yáriri fuguri bi láa, syɛ́ɛnbèle sìsyaan kéele na, ní péemi kéele na mɔ kpéʔele tári, ní kěgi, ní gi syɛ́ɛnbèle myɛ na lè.

Tɛ̀ɛnnɛ 14:8

A nyɛ̀ʔɛni tundun-ziin wóo taʔa wozeliw na ní i gi nyuu níì jo: «Ki n too, Babilɔni n too, ki lè kèkpɔɔgi, koro gee gi syɛɛnfeleyi myɛ kaan lè a yi gi kanɔnʔɔbeeri fundanʔara duvɛɛn gbaa.»

Tɛ̀ɛnnɛ 16:19

A kèkpɔɔgi fala n jaa tɛɛyɛ taanri, á syɛɛnfeleyi wozanya kèkpoloyo too. A Kolocɔlɔɔ sɔ̀ngi n taa kèkpɔɔgi kéele na, gi lè Babilɔni, níì wi fundanʔagbɔɔri dùvɛɛn kaan gi ma yagbaali ni ki gbaa.