Zyeremii 27:6 - Cebaara Bible 2010

⁶ Tɔ́ɔliw ni, mii a tátɛɛyi bee myɛ le Nebukadinezari kɔ́yi ni, wi lè Babilɔni fànʔafɔw, ní i nyɛ mii falipyeo. Mii n wɔ́ɔ̀ sìnbirigi yaweere kaan wi ma jàngó taa báara wi ma.

Zyeremii 27:6 Iomraidhean Croise

2 Fànʔafɔbèle 25:28

A wi i nyuu ní wi ní ní funjànga ní. Fànʔafɔbèle bele pe da pye yaà ní wi ní Babilɔni ni lè, a wi wi kpɔ́ʔɔ n sɔ̀lɔ poro na.

2 Cányi kèlē 36:23

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ma, Zyuda ni. Wee wi ga pye lè yele níngi ni wi syɔɔnwaa, ki n yɛlɛ wi Kolocɔlɔw í pye ní wi ní, waa syée.› »

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 22:25

Mii a mɔ le bele kɔ́yɔ ni pe mɔ siikwɔɔri caa lè, bele kɔ́yɔ ni, bele yɛ́ʔɛ ma mɔ cɛ̀lɛ́ lè, Nebukadinezari kɔ́yi ni, wi lè Babilɔni fànʔafɔw, ní Kalide ye kɔ́yi ni.

Zyeremii 24:1

A Yawe děsyanʔa sɛʔɛgéle siin tɛ̀ɛn mii na, gele ge pye lè wodɛʔɛgéle ní Yawe kpɔ̀ʔɔrɔli kpaʔa yɛ́ʔɛ ma. Koro n gi taa Babilɔni fànʔafɔw Nebukadinezari maa baa Yehoyakimi jáaw Yekonyahu cò Zyerusalɛmi ni, wi pye lè Zyuda fànʔafɔw n kári Babilɔni ma n fàra Zyuda syɛɛnkpolobèle na, ní minizyebèle, ní fɔ̀nɔbèle.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 28:14

Níì cán Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, wi n jo: Tunmɔrɔ zúu mii a taʔa syɛɛnfeleyi bee myɛ yátiiye na, jàngó yaa báara Nebukadinezari ma, wi lè Babilɔni fànʔafɔw, yi a ra báara wi ma, àlí mii a ségi yaweere le wi kɔ́gi ni.› »

Zyeremii 43:10

Mɔ a be pye: ‹Yawe wi lè Nyɛ̀ʔɛni Sùlasiibéle Kafɔlɔ woro wi syɛ́ɛnri naa joo wi lè Isirayɛli Kolocɔlɔw, níì jo: Wéle, mii n tun be sa Babilɔni fànʔafɔw Nebukadinezari caa bi pan wi lè mii falipyew. Mii a ba wi fàngoli taʔa kàdɛnɛyi naa na mii làriga lè, wi a ba wi fànigi sánʔa cáan yi na.

Zyeremii 49:30

Yaa fé! Yaa syée kelekele, ye sa tɛ́ɛn nyanbeweeyi fúnyo ni, Hasɔɔri ye!» Yawe wi jo nya. «Níì cán Babilɔni fànʔafɔw Nebukadinezari n keelaa tímana yele kánmi na, wi n kérigèle kèle tímana yele kánmi na.

Ezekyɛli 29:12

Mii a Ezyipiti tári pye tɛɛ̀kalagiga tátɛɛyee nínge ni yi kálagi lè, di kěyi a kálagi kěyee nínge ni yi nyɛ lè kataya, bi taa yɛ̀ʔɛlɛ togoye siin. Mii a Ezyipiti ye cariga bi lége syɛɛnfeleyi nínge ni, mii a be cariga bi tórigo tátɛɛyɛ saʔa ma.

Ezekyɛli 30:24

Mii a fànʔa le Babilɔni fànʔafɔw kɔ́yɔ ni, si mii ŋɔséew le wi kɔ́gi ni. Mii a Faraɔnw kɔ́yɔ kabagi, wi a ra cɛ́ɛn wi yɛʔɛ̀ ma àmɛɛ wàa nyɛ, wee wi nyɛ kúkoliw na lè.

Danyɛli 4:12

Kàjáa ye gi tiinyungi, ní gi nǐnri yaʔa tári ni, ní túnmɔri, ní kanyɛɛnri yapwɔɔrɔ ní, sìnbirigi nyàā nínge ni. Ki n yɛlɛ nyɛ̀ʔɛni kásaga í da gi nyíngi, ki pínɛ da tári nyàā káa ní sìnbirigi yaweere ní.

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.