Zyeremii 27:5 - Cebaara Bible 2010

⁵ Mii wi tári sámaga n fàra syɛ́ɛnbèle ní yaweeri na di nyɛ tári na lè, mii fàngbɔɔgi ní mii kɔ̂zánʔagi báriga ni, mii si i tári kaangi wee má ki ga mii dɛ́nɛ bi di kaan lè.

Zyeremii 27:5 Iomraidhean Croise

Sélimɛ 1:25

Kánmi bee na Kolocɔlɔɔ sìnbirigi yaweere sámaga n yɛlɛ ní di féleyi ní, ní wɔ́ɔ̀ kěgi yaweere sámaga n yɛlɛ ní di féleyi ní, n fàra yáriree na di fulolo lè. A Kolocɔlɔɔ gee bee nyaa a gi nyɔɔ.

Sélimɛ 9:6

Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

1 Fànʔafɔbèle 8:42

níì cán pe a ra mɔ mɛ́ɛkpɔɔgi kéele lúro si wɔ́ɔ ra mɔ séew kɔ́lɔ ní mɔ kɔ́gi sánʔana kéele lúro, wee bee fɔ́lɔ ga pan n baa nyɛ́ɛri kpáagi naa ni,

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Nehemii 9:22

Mɔ n fànya ní syɛɛnfeleye le be kɔ́yi ni, níì be taana tátɛɛyi lɛɛ be na. Pe n Sihɔn tári syɔɔ n taa, wi lè Hɛsyibɔn tári fànʔafɔlɔ, ní Ogi tári, wi lè Basyan fànʔafɔw.

Ŋúnuyi 102:25

Mii n jo: «Mii Kolocɔlɔw, mɔ a kɔ́ mii láa yirige mii sìíw canya nínge ni í, mɔ wee sìi yɛ̀ʔɛlɛ ke a kòro lè bàā syée nya yìrigèle myɛ syɛ̀ɛnnɛ ma!»

Ŋúnuyi 96:5

Níì cán syɛɛnfeleyi kolocɔlɔbèlē myɛ i nyɛ kolocɔlɔ-fáanabéle, kàjáa Yawe wi nyɛ̀ʔɛgèle faan.

Yirile 20:11

Níì cán canya kɔrɔni fúngo ni mii Yawe nyɛ̀ʔɛni ní tári, ní sólomi lɔ̀ʔɔ, ní di fúnyi yárira myɛ sámaga, níì ŋɔ́n n daa canya kɔrɔsiin wógi na. Gee bee na Yawe dùbaw taʔa can-kɔrɔsiin wógi na, níì gi sámaga n yaʔa kɔlɔ̀ na.

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Ezayi 42:5

Kolocɔlɔɔ wi lè Yawe, woro wee wi nyɛ̀ʔɛgèle sámaga lè níì ge càli, níì tári cariga n fàra yáriri na di yirigi di ni lè, ní i ŋɔ́ngari kaangi bele ma be nyɛ wodɛ́ɛnbéle ní di ni lè, ní i pìígèle nii bele ni be di fé ni forogi lè, woro wi jo:

Ezayi 44:24

Yawe wi syɛ́ɛnri naa joo, woro wee wi nyɛ lè mɔ Nyunzyɔɔw, woro wee wi da mɔ sámaga yaà sáni pe mɔ see lè, wi n jo: «Mii Yawe, mii wi yáriri myɛ kpéʔele. Mii nibin wi nyɛ̀ʔɛgèle càli ǹjogi ni, mii wi tári sámaga n yérige.

Ezayi 45:12

Mii wi tári kpéʔele, ní wɔ́ɔ̀ syɔɔn faan wi nyɛ di na lè. Mii wi nyɛ̀ʔɛgèle càli ǹjogi ni ní mii kɔ́yi ní, mii wi ge gbɛ̀ɛ́nmi yárira myɛ kàragí.»

Ezayi 48:13

Mii kɔ́gi gi tári kàpɔɔn le, mii kàliige kɔ́gi gi nyɛ̀ʔɛgèle càli ǹjogi ni, mii n di yeri, a di pínɛ n pye beè.

Ezayi 51:13

A mɔ si fɛ̀ʔɛ Yawe na woro wee wi mɔ sámaga lè, woro wee wi nyɛ̀ʔɛgèle càli ǹjogi ni lè, níì tári kàpɔɔn le! Mɔ si ga láʔa cɛ̀lɛli na syɛɛnwɔʔɔw fundanʔagbɔɔrɔ yɛ́ʔɛ ma í, àmɛɛ wi wiyɛɛ zámagi bi gàlagí kpéʔele lè! Koro na sán si syɛɛnwɔʔɔw fundanʔagbɔɔrɔ nyɛ tɔ́ɔliw ni?

Zyeremii 27:4

ní bele má mɔ a mii tundunri kaan, dee mii joo n gbàn mɔ ma lè, pe sa di joo be kàfɔbèle ma, si jo: ‹Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: Syɛ́ɛnri naa yele a sa joo yele kàfɔbèle ma si jo:

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Zyeremii 51:15

Wi n tári sámaga wi séew báriga ni, wi n dulunyanw kàpɔɔn le wi sícilimi báriga ni. Wi n nyɛ̀ʔɛgèle yérige ǹjogi ni wi cánni báriga ni.

Danyɛli 2:38

Tɛʔɛ o tɛʔɛ ni syɔɔn piibèle nyɛ wodɛ́ɛnbéle ní lè, wi n bele bee ní sìnbirigi yaweere, ní féjɛɛnri le mɔ kɔ́yi ni, níì mɔ télege toro myɛ nyúngo na. Mɔ wi nyɛ tɛ́ɛw nyúngo.

Danyɛli 4:14

Kajoo-mí-cerili naa i nyɛ nyɛ̀ʔɛni tundunbéle wólo koro ga pye niweebèle í gi cán wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ kùndigi, wi i gi kaangi ni yɛlɛgi ní wi nyɛnɛ kéeli ní, wi i nǎnbèle myɛ kàdotɔɔn télegi gi na.

Danyɛli 4:17

Tíigi mɔ nyaa lè a gi kpɔ́ʔɔ níì nìri, koro gee fínaʔa gi nan lè fwɔɔ nyɛ̀ʔɛni na, ki si i nyaagi tári myɛ ni,

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Danyɛli 4:25

A gee bee myɛ baa foro fànʔafɔw Nebukadinezari na.

Danyɛli 5:18

Ee fànʔafɔw, Kolocɔlɔɔ wi lè Pe Myɛ Nyúngo na, wi maa fǎngi, ní kpɔʔɔgbɔɔri, ní kpɔ́ɔmi, ní nìjanri kaan mɔ tóow Nebukadinezari ma.

Kapyegèle 14:15

níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na.

Kapyegèle 17:24

Kolocɔlɔwee wi dulunyanw ní wi fúngi yárira myɛ faan lè, wi lè nyɛ̀ʔɛni ní tári Kàfɔlɔ, wi o tɛ̀ɛ́n kpɔ̀ʔɔrɔlɔ kpáayi ni yee syɛ́ɛnbèle faanri lè ní be kɔ́yi ní í.

Kapyegèle 17:26

Wi n syɛɛnfeleyi myɛ yirige nàɔn nibin ni, níì be télege télege tári tɛ́ɛyɛ myɛ ni, níì gi kɔ̀rirɔ n be làrigèle ní be tɛɛ̀tɛ́nɛyi láʔagéle wòlo,

Làlwaw Kaanziin 2:19

Mɔ a nùuni Amɔn ye na, mɔ si a kɔ́ too be na í, mɔ a kɔ́ kapɛɛnnɛ kpúmɔn ní be ní í. Níì cán mii a tɛʔɛ̀ faala kaan mɔ ma gi pye mɔ wóʔo Amɔn ye tári ni í, Lɔti pìíbèle má mii di kaan di pye be worò.›

Làlwaw Kaanziin 2:21

Pe maa pye syɛɛnkpoloyo, níì nɛʔɛ, níì tɔnɔ àmɛɛ Anaki ye nyɛ lè. A Yawe be kálagi Amɔn ye yɛ́ʔɛ ma. Pe n be yirige yaà níì tɛ́ɛn pe sìndɛɛgi ni.

Làlwaw Kaanziin 2:7

Níì cán Yawe mɔ Kolocɔlɔw n dùbaw taʔa mɔ na mɔ kɔ́yi fáli myɛ ni. Wi n mɔ kpáaw wéle mɔ tánʔani làla ni fìimɛ tákpɔɔri naa ni. Ki yɛ̀ʔɛlɛ togoye siin wi wee Yawe mɔ Kolocɔlɔw i nyɛ ní mɔ ní, yarigaa faala ga mɔ fɔ̀n í.

Làlwaw Kaanziin 2:9

A Yawe mii pye: ‹Mɔ a kɔ́ too Mowabi na í, mɔ a kɔ́ yìri wi kurugo bi kapɛɛnnɛ kpúmɔn ní wi ní í, níì cán mii a tée wi táraa faala kaan mɔ ma di pye mɔ wóro í, Lɔti pìíbèle má mii Ari kaan, gi pye be woʔò.›

Làlwaw Kaanziin 32:8

Wee wi nyɛ Pe Myɛ Nyúngo na lè, lǎli ni wi kɔrigɔ kaan syɛɛnfeleyi ma lè, lǎli ni wi Adami pìíbèle wàli n láʔa peyɛɛ na lè. Wi n syɛɛnfeleyi láʔagoloyo wòlo, n yɛlɛ ní Isirayɛli pìíbèle nyɔ́ɔ ní.

Làlwaw Kaanziin 4:17

Wàlá yaweegaa niwirige í, dee di nyɛ lè tári na. Wàlá féjɛɛnri di yìrigí ǹjogi ni lè, koro kàa niwirige í.

Làlwaw Kaanziin 4:25

Lǎli ni mɔ ga baa pìibēle ní pìinyanbiiye taa lè, á yele tɛ́ɛn n mɔn tári bee ni, yele ga yeyɛɛ gálagi, níì yariyaa tan, yee yi yariyaa wíri lè, n kapeele pye Yawe mɔ Kolocɔlɔw yɛ́ʔɛ ma, n wi fúngi tanʔa gbanʔama,

Làlwaw Kaanziin 4:32

«Ki n yɛlɛ mi yíbege kpéʔele canzɔ̀lɔgwɔɔyi kéele na, yee yi sɔ̀lɔ sáni mɔ í pye beè lè, nlaa Kolocɔlɔɔ syɔɔn sámaga tári na lè, bi séli nyɛ̀ʔɛni láʔalee na bi sa nan lee na, a kakpɔɔgi naa felege kɔ́ɔ̀ kpéʔele lé? A gi felege kɔ́ɔ̀ lóʔo lé?

Làlwaw Kaanziin 4:35

Kérigèle bee n tɛ̀ɛn mɔ na koro ga pye mɔ í gi cán Yawe wi nyɛ Kolocɔlɔw, wàa nikwɔɔ ní o yaà ní woro ní í.

Làlwaw Kaanziin 5:16

Da mɔ tóow ní mɔ nɔ́ɔw kpɔ̀ʔɔrɔ́ àmɛɛ Yawe mɔ Kolocɔlɔw gi joo n gbàn mɔ ma lè koro ga pye mɔ siiw canya í nɛʔɛ, mɔ si wɔ́ɔ pye fundaanra na tári ni, dee Yawe mɔ Kolocɔlɔw a kaan mɔ ma lè.

Làlwaw Kaanziin 9:29

Bi si gi taa pe i nyɛ mɔ syɛɛnnɛ, ní mɔ kɔ́rigɔ, gee mɔ yirige lè mɔ séekpɔɔw, ní mɔ kɔ̂zánʔagi báriga ni.›

Kɔlɔsi ye 1:16

Níì cán woro bárigaw ni Kolocɔlɔɔ yáriri myɛ faan, nyɛ̀ʔɛni wóro, ní tári wóro yoo, yanyaari, ní dee di lè syɔɔn a gbǎn di nyaa í yoo, kàfɔbèle, ní kùndigibèle, ní fànʔafɔbèle, ní séekpɔɔw fɔ̀ɔlɔ yoo, woro bárigaw ni, ní woro kéeli na Kolocɔlɔɔ ti myɛ faan.

Heburubèle 1:2

kàjáa wi n baa joo wolo ma wi jáaw ni cányi naa ni yi lè canzanyi. Woro bárigaw ni Kolocɔlɔɔ dulunyanw kpéʔele, níì wi télege wi pye yáriri myɛ kɔriliio.

Tɛ̀ɛnnɛ 4:11

«Nìjangbɔɔri, ní kpɔ̀ʔɔrɔli, ní séew n yɛlɛ mɔ na, mɔ wi nyɛ lè wolo Kàfɔw ní wolo Kolocɔlɔw, níì cán mɔ wi yáriri myɛ faan, ki i nyɛ mɔ nyɛ́nɛ kéele di pye beè, mɔ n di faan n yɛlɛ ní mɔ nyɛ́nɛ kéeli ní.»