Zyeremii 26:9 - Cebaara Bible 2010

⁹ Nyàʔá na mɔ kérigèle nyaagi ni nyuu Yawe mɛ́ɛgi na níì jo: Kpáagi naa a pye àmɛɛ Silo nyɛ lè, kěgi naa si jaa bi pye syɛ̀ɛnnɛ fun?» A syɛ́ɛnbèle myɛ tìn n kpóʔoro Zyeremii na n wi màʔa Yawe kpáagi ni.

Zyeremii 26:9 Iomraidhean Croise

2 Cányi kèlē 25:16

N wi yaʔa jooli na, a Amasya wi pye: «A wolo mɔ télege lé mɔ í pye fànʔafɔw yarifɔwaa? Ti yérige nya! Nyàʔá na mɔ caa wo kɔ mɔ kpúmɔn?» A kanyaajoow ti yérige nya níì jo: «Mii n gi cán Kolocɔlɔɔ n gi kɔ̀rirɔ n joo n ceri bi mɔ kálagi àmɛɛ mɔ gee naa kpéʔele lè, mɔ si ga fɔ̀lɔ n mii lálii syɛ́ɛnri lóʔo í.»

Ezayi 29:21

poro bele pe da ni kolomɔ kaangi syɔɔn ma kútiiw na lè, ní i karinyanya nii kútiiceriw na kpàánweeli na lè, ní i syɛɛnsinw láari lè nyùngo fun ni.

Zyeremii 32:3

Zyuda fànʔafɔw Sedesyasi maa be pye a pe wi cò n tɔ́n níì jo: «Nyàʔá na mɔ kérigèle nyaagi ni nyuu kánmi naa na níì jo: ‹Yawe wi syɛ́ɛnri naa joo níì jo: Wéle, mii a kěgi naa le Babilɔni fànʔafɔw kɔ́yɔ ni, wi a gi syɔɔ taa.

Zyeremii 33:10

Yawe wi syɛ́ɛnri naa joo níì jo: ‹Tɛ́ɛgee kéele na yele gi nyuu lè níì jo: Ki i nyɛ gurubɛɛrɛ syɛ̀ɛnnɛ ní o nyɛ gi ni í, yaweere ní o nyɛ gi ni í, Zyuda kěyi, ní Zyerusalɛmi kàlari-kóloyi ni, yi nyɛ lè wowaaya ní, nànbēle fun ni, syɛ̀ɛnnɛ ní yaweere ní o yaà í, pe a ní da gee naa lúro gi ni,

Zyeremii 36:29

Ki n yɛlɛ mi syɛ́ɛnri naa joo Zyuda fànʔafɔw Yehoyakimi kánmi na, mí jo: ‹Yawe wi syɛ́ɛnri naa joo níì jo: Mɔ wi sɛ́bɛmigiw naa sórigo, níì jo: Nyàʔá na mɔ syɛ́ɛnri naa sɛ́bɛ wi ni níì jo: Babilɔni fànʔafɔw a tɔ̀nɔ́ pan, wi a ba tári naa kálagi, si nǎnbèle ní yaweeri kwɔ́ɔ yirige di ni?

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Kayaagi Nyɛnigɛ 4:13

Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.

Amɔsi 5:10

Wee wi fúlo be na kpàánweeli na lè, wi kéeli n be bɛɛn. Wee wi fíligi ni nyuu lè, wi i nyɛ be ma yanɔnʔɔgɔ.

Misye 2:6

Pe i gi nyuu níì jo: «Ye joonɛʔɛgi yaʔa! Joonɛʔɛgɛ a kɔ́ ra nyuu kánmi bee na í! Tɛʔɛlɛyi a tée kwɔ́ɔ í!»

Matye 21:23

A Zyezu ga sáà jée kpɔ̀ʔɔrɔli kpaʔa ni ni syɛ́ɛnbèle tama, a sáriga-wòlobèle kàfɔɔlɔ ní Zyefubèle wólɛɛbéle pan wi ma n baa wi pye: «Wìí wi jo mɔ í ba ra kérigèle naa kpéʔele? Wìí wi fǎngi bee kaan mɔ ma?»

Matye 27:20

Kàjáa a sáriga-wòlobèle kàfɔɔlɔ ní wolɛɛbèle syɛ́ɛnmi sɔ́ɔn jàngó be Barabasi nyɛ́ɛri si Zyezu yaʔa pe wi kpóo.

Mariki 15:11

A sáriga-wòlobèle kàfɔɔlɔ syɛ́ɛnmi sɔ́ɔn jàngó Pilati í Barabasi yirige yaʔa poro ma Zyezu sìndɛɛgi ni.

Zyan 8:20

Lǎli ni Zyezu da ni syɛ́ɛnbèle tama lè kpɔ̀ʔɔrɔli kpaʔa ni, tɛ́ɛgee ni be wáliw kaangi lè, nɛɛ bee wi da yére níì syɛ́ɛnri naa joo. Kàjáa syɔɔn faala ga wi cò lǎli bee ni í, níì cán wi lǎli da kɔ́ɔ̀ nan í.

Zyan 8:59

Lǎli bee ni a be fala n kàdɛnɛrɛ jóo níì jo bi Zyezu wábagi kpóo. A wi yiri kpɔ̀ʔɔrɔli kpaʔa kàcoolo ni be taana, pe ga wi làriyirile cán í.

Kapyegèle 13:50

Kàjáa mɛ́ɛkpoloyi càbala be pye lè Zyefubèle sérikologo ni n fàra kěgi bee syɛɛnkpolobéle na, a Zyefubèle bele bee sɔ́ɔn Pɔli ní Barinabasi na. A be wɔʔɔli yìrige be kurugo n be nɛnɛ n yirige be tari ni.

Kapyegèle 21:30

A kěgi syɛ̀ɛnnɛ myɛ fúnyo nyáʔami be na, a syɛ́ɛnbèle i yìrigí tɛ́ɛyi myɛ ma ni fé ni maa n baa Pɔli cò, níì wi fulolo n yirige kpɔ̀ʔɔrɔli kpaʔa ni, á be fala n kɔ̀riyi tɔ́n.

Kapyegèle 22:22

Syɛ́ɛnbèle maa ni Pɔli syɛ́ɛnri lúro n taa n baa nan syɛɛnfeleyi kéele na. Lǎli ni wi syɛɛnfeleyi kéele joo lè, a be i yákpogèle wáa níì jo: «Nǎnw naa félege n yɛlɛ pe wi yirige tári ni! Wi ga yɛlɛ wi ní kòro sìi na í!»

Kapyegèle 3:11

Amɛɛ wi da tan Pyɛri ní Zyan na lè, a syɛ́ɛnbèle myɛ i káama gi na, níì pínɛ ni fé ni syée be ma kpáali ma be yiri lè Salomɔn kpáali.

Kapyegèle 5:12

Pìitunbèle maa ni fɛ̀ɛ́bèle ní kakpoloyi saʔa kpéʔele syɛ́ɛnbèle nínge ni. Tágafɔbèle myɛ maa ni peyɛɛ gbóʔoro ní fungo nibin ní kpáali ma be yiri lè Salomɔn kpáali.

Kapyegèle 5:28

níì jo: «Wolo ga gi joo n gbàn yele ma níì jo: Yele a ní kɔ́ ra syɛ́ɛnbèle tama mɛ́ɛgi bee na í ì? A wolo si gi nyaa a yele Zyerusalɛmi nyìn ní yele tamani bee ní, ní wɔ́ɔ i caa bi nǎnw bee kpóolo kútii cáan wolo na.»

Kapyegèle 6:14

Níì cán wolo n gi lóʔo wi nyɔ́ɔgi na a wi jo, Zyezuw bee wi lè Nazarɛti ye wów, wi a ba tɛɛcǎngi naa kálagi si kalɛɛgèle kàriga, gele Mowizi da kaan wolo ma lè.»

Zyozuwe 18:1

A Isirayɛli syɛ́ɛnmi myɛ piyɛɛ gbóʔoro Silo ma n sáà Syɛ́ɛnmi Tɛɛfaraga fànikpaʔa kóri yaà beè. Tári maa pye be kɔlɔ̀ na n kwɔ́ɔ.