Zyeremii 26:22 - Cebaara Bible 2010

²² A fànʔafɔw Yehoyakimi syɛ̀ɛnnɛ tun Ezyipiti ma, poro be pye Akibɔɔri jáaw Elinatan, ní syɛ́ɛnbèle pèle, bele wi tórigo ní wi ní lè Ezyipiti ma.

Zyeremii 26:22 Iomraidhean Croise

Sélimɛ 36:38

A Sawuli ga kùu, a Akibɔɔri jáaw Baali-Hanan tɛ́ɛn fǎngi na wi sìndɛɛgi ni.

2 Fànʔafɔbèle 22:12

níì syɛ́ɛnri naa joo n gbàn sáriga-wòlow Hilikiya ma, ní Ahikami ma wi lè Syafan jáaw, ní Akibɔɔri ma wi lè Misye jáaw, ní sɛ́bɛkanw Syafan ma, n fàra Asaya na wi da pye lè fànʔafɔw falipyewaa, níì be pye:

2 Fànʔafɔbèle 22:14

A sáriga-wòlow Hilikiya, ní Ahikami, ní Akibɔɔri, ní Syafan, ní Asaya kári kanyaajoocew Hulida ma wi pye lè búroyi tɛ́ʔɛfɔlɔ Syalumi céw, Syalumi wi pye lè Tikiva jáaw, Tikiva wi pye lè Harasi jáaw. Hulida maa pye wodɛ́ɛɔn ní Zyerusalɛmi kèyabifɔngi ni. A pe ga sáà joo n kwɔ́ɔ wi ma,

Ŋúnuyi 12:8

Mɔ tɔ̀nɔgēle Yawe, mɔ i mɔ syɛ́ɛnri forogi, ní i wolo syoo làrigèle myɛ ni, lǎli naa syɛ̀ɛnnɛ ma.

Kàseegèle 29:12

Kùndigi ga ni jànvaaw syɛ́ɛnrɛ lúro, wi cɛɛngbaabèle myɛ n pye syɛɛnpeebéle.

Zyeremii 29:3

Wi n sɛ́bɛw bee le Syafan jáaw Eleyasa, ní Hilikiya jáaw Gemariya kɔ́yi ni, bele Zyuda fànʔafɔw Sedesyasi da tun Babilɔni ma, Babilɔni fànʔafɔw Nebukadinezari ma lè, sɛ́bɛw bee syɛ́ɛnrɛ maa jo:

Zyeremii 36:12

A wi tìgi n jée fànʔafɔw kpaʔa ni n kári sɛ́bɛkanw kpaafungo ma, beè syɛɛnkpolobèle myɛ da pye lè wogboʔorobéle ní, pe lè sɛ́bɛkanw Elisyama, ní Delaya wi lè Syemaya jáaw, ní Elinatan wi lè Akibɔɔri jáaw, ní Gemariya wi lè Syafan jáaw, ní Sidekya wi lè Ananya jáaw, ní syɛɛnkpolobèle wozanbèlē myɛw.

Zyeremii 36:25

Bi gi taa Elinatan, ní Delaya, ní Gemariya maa fànʔafɔw nyɛ́ɛri gbanʔama níì jo wi a kɔ́ sɛ́bɛmigiw sórigo í. Kàjáa wi ga lóʔo be ma í.

Zyeremii 39:14

a poro tun a be sáà Zyeremii láa yaà kàsokpaagi kàcoolo ni, ní baa wi kaan Gedaliya ma wi lè Ahikami jáaw, Ahikami wi lè Syafan jáaw, jàngó wi kári ní wi ní wi kpaʔa ma. A wi kòro syɛ́ɛnbèle nínge ni.

Ezekyɛli 8:11

Isirayɛli kpáagi wolɛɛbèle pèle togoye taanri ní kpɔrigɔ, poro bele nínge ni Syafan jáaw Yaazanya da pye lè, pe maa pye woyérebéle ní yasunyi bee yɛ́ʔɛ ma, pe myɛ nibin nibin si i nyɛ ní nùndaanni yasorigogo yalegéle ní kɔ́yi ni, á nùndanʔa yasorigogo fafaankpɔʔɔ si i yìrigí.