Zyeremii 26:2 - Cebaara Bible 2010

² Yawe n jo: «Yére Yawe kpáagi kadàala na, mí syɛ́ɛnri naa joo bele má be yìrigí Zyuda kěyi myɛ ma ni maa n ba ni tíri ni tuun Yawe kpáagi ni lè. Syɛ́ɛnree myɛ mii joo n gbàn mɔ ma níì jo mɔ í di joo be ma lè, mɔ a kɔ́ syɛɛnkanbilaa nibin fɔ̀n di ni í.

Zyeremii 26:2 Iomraidhean Croise

Zyeremii 1:17

Mɔ si na, sɛntiiri tɛ́ʔɛ mi miyɛɛ bwɔɔ sárigèle ni, mí yìri mi gi jo mi tɛ̀ɛn be na, gee myɛ mii a joo bi gbàn mɔ ma lè. Mɔ a kɔ́ ra cɛ̀lɛ́ be kéeli na í, jàngó mii a kɔ́ mɔ yaʔa mɔ í da cɛ̀lɛ́ pe yɛ́ʔɛ ma í.

Zyeremii 1:7

A Yawe mii pye: «Mɔ a kɔ́ gi joo si jo: ‹Mii i nyɛ nìgɔcaripiige í.› Mɔ n yɛlɛ bàā syée pe myɛ ma, bele má mii ga mɔ tun lè gee myɛ mii ga joo n gbàn mɔ ma lè, mi sa ra koro nyuu be ma.

Zyeremii 19:14

A Zyeremii ga yìri yaà Tofɛti ma n lúru n pan, beè Yawe da wi tórigo wi sa kérigèle nyaa-mí-joolo kpéʔele lè, a wi baa yére Yawe kpáagi kadàala na, níì gi joo syɛ́ɛnbèle myɛ ma níì jo:

Zyeremii 23:28

Kanyaajoowee wi ga ŋúnɔgɔ ŋúnɔ lè, ki n yɛlɛ wi ŋúnɔgi bee joo wi tɛ̀ɛn. Mii syɛ́ɛnri ga wɔ́ɔ̀ nan wee na lè, ki n yɛlɛ wi di joo wi tɛ̀ɛn kányɛɛgi na. Sìge ga nyáʔami yaliipyá ni, nyàʔá gee bee a nyɔɔ?» Yawe wi jo nya.

Zyeremii 25:2

Toro Zyeremii joo Zyuda syɛ́ɛnbèle myɛ kéele na, ní Zyerusalɛmi ye myɛ yɛ́ʔɛ ma níì jo:

Zyeremii 28:5

Lǎli bee ni a Zyeremii syɛɛnlurugori kaan kanyaajoow Hananya ma sáriga-wòlobèle nyɛ́nɛ na, ní syɛ́ɛnbèle myɛ nyɛ́nɛ na be pye yaà lè woyérebéle ní Yawe kpáagi ni.

Zyeremii 36:10

A Baruki Zyeremii syɛ́ɛnri wéle sɛ́bɛw ni n joo Yawe kpáagi ni syɛ́ɛnbèle myɛ yɛ́ʔɛ ma, Gemariya kpaafungi ni, wi lè sɛ́bɛkanw Syafan jáaw, ki pye lè ǹjoʔo ma kàcooli ni, Yawe kpáagi kpàánweefɔnnɔ na.

Zyeremii 42:4

A kanyaajoow Zyeremii be yari: «Mii n gi lóʔo, wéle, mii a sa Yawe yele Kolocɔlɔw nyɛ́ɛri bi yɛlɛ ní yele syɛ́ɛnri ní. Syɛ́ɛnree myɛ Yawe ga joo lè syɛɛnlurugori, mii a ba di tɛ̀ɛn yele na, mii a yafyɛn làriga í.»

Zyeremii 7:2

«Yére Yawe kpɔ̀ʔɔrɔli kpaʔa kpaaweele na, mí syɛ́ɛnri naa joo yaà mí jo: ‹Ye Yawe syɛ́ɛnri lóʔo, yele Zyuda ye myɛw ye sɔ̀lɔ́ ni jǐn kpaaweegèle naa ni bi sa ra tíri da tuun Yawe yɛ́ʔɛ ma lè!

Zyeremii 7:27

Mɔ a syɛ́ɛnri bee myɛ joo be ma, kàjáa pe a lóʔo mɔ ma í, mɔ a yákpoli wáa be kurugo, kàjáa pe a syɔɔ mɔ ma í.

Ezekyɛli 3:10

A wi níì mii pye: «Syɔɔn-pya, syɛ́ɛnree myɛ mii a joo mɔ ma lè, ki n yɛlɛ mi fɔ̀lɔ di na mɔ fúngi ni, mí di sámaga mi lóʔo mɔ líiweegèle ni.

Ezekyɛli 33:7

Mɔ na, syɔɔn-pya, mii n mɔ télege Isirayɛli kpáagi wòolo kɔrɔsiifɔlɔ. Lǎli ni mɔ ga syɛ́ɛnri lóʔo, dee di yirigi mii nyɔ́ɔgi ni lè, mi be sàmi mii ma.

Ezekyɛli 40:4

A nǎnw bee mii pye: «Syɔɔn-pya, da wéle ní mɔ nyapiigèle ní, da lúro ní mɔ líiweegèle ní! Mɔ yákiriw yaʔa gee myɛ na mii a tɛ̀ɛn mɔ na lè. Níì cán mɔ tórigoli nyúngo gi nyɛ nɛɛ naa jàngó mɔ í ba gi wéle, si gi fílige tɛ̀ɛn Isirayɛli kpáagi wòolo na, gee myɛ mɔ a nyaa lè.»

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Luki 19:47

Wi maa ni syɛ́ɛnbèle tama kpɔ̀ʔɔrɔli kpaʔa ni canʔa o canʔa. Kàjáa sáriga-wòlobèle kàfɔɔlɔ, ní làlwaw sɛ́bɛwelebéle maa ni kanmaa caa bi wi kpóo, a syɛɛnkpolobèle wɔ́ɔ̀ yére ní be ní.

Zyan 18:20

A Zyezu wi yari: «Mii maa ni mii syɛ́ɛnri nyuu syɛ́ɛnbèle myɛ nyɛ́nɛ na, ní i syɛ́ɛnbèle tama làla o làla sérikpaayi ni, ní kpɔ̀ʔɔrɔli kpaʔa ni, beè Zyefubèle myɛ peyɛɛ gbóʔoro lè. Mii da ni yarigaa nyuu làrama ni í.

Zyan 8:2

Ki nyǐndaligi nyɛ̀ʔɛ nyɔ́ɔ na pɛ́ɛn pɛ́ɛn, a wi lúru n pan kpɔ̀ʔɔrɔli kpaʔa ma. A syɛ́ɛnbèle myɛ kári wi ma, a wi sáà tɛ́ɛn ni be tama.

Kapyegèle 20:20

Syɛ́ɛnree ti a gbǎn yele dɛ̀ɛmɛ lè, mii da fyáa syɛ́ɛnri bee joolo na yele ma í, mii maa ni yele tama syɛ́ɛnbèle nyɛ́nɛ na, ní wɔ́ɔ i yele tama yele kpáayi ni nibin nibin.

Kapyegèle 20:27

Níì cán mii n Kolocɔlɔɔ nyɛ́nɛ kérigèle myɛ joo yele ma, mii ga li làa faala làriga yele na í.

Kapyegèle 5:25

A wàa pan n baa be pye: «Ye wéle, nǎnbèle yele le lè kàsow ni, pe i yaà n yére bele kpɔ̀ʔɔrɔli kpaʔa ni ni syɛ́ɛnbèle tama.»

Kapyegèle 5:42

Níì kòro ni syɛ́ɛnbèle tama canʔa o canʔa kpɔ̀ʔɔrɔli kpaʔa ni, ní kpáayi ni, ní i Kirisi Zyezu Syɛɛnjóocǎnri nyuu.

Làlwaw Kaanziin 12:5

Kàjáa tɛ́ɛgee Yawe yele Kolocɔlɔw ga nyɛ́nɛ n wòlo lè n pye wi tɛɛkòrogi yele syɛɛnfeleyi myɛ nínge ni, n wi mɛ́ɛgi yaʔa gi kòro beè, nɛɛ bee mɔ a ra syée.

Làlwaw Kaanziin 4:2

Syɛ́ɛnree mii nyuu ni gbàngí yele ma lè yele a kɔ́ tàa taʔa di na í, yele si a wɔ́ɔ kɔ́ tàa yirige di ni í. Ye Yawe yele Kolocɔlɔw tundunro sámaga ye cò bi yɛlɛ ní gi ní kánmee na mii di kaan yele ma lè.

Zyozuwe 8:35

Syɛ́ɛnri myɛ Mowizi sɛ́bɛ lè, a Zyozuwe ti myɛ wéle n joo Isirayɛli syɛ́ɛnmi myɛ ma. Wi ga di tàa faala yaʔa sìnwéle ni í. Lǎli ni wi da ni di wéle lè, cébèle ní pìíbèle n pye yaà, n fàra nibɔnbèle na be nyɛ be níngi ni lè.

Tɛ̀ɛnnɛ 22:19

Syɔ́ɔnwee si ga zǐn tàa yirige kanyaajoori naa sɛ́bɛ syɛɛnrɛ ni lè, Kolocɔlɔɔ a wɔ́ɔ wee bee lɛɛlɛ yirige sìíw tíige ni si wɔ́ɔ li yirige kècǎngi ni, dee kéele li sɛ́bɛ lè sɛ́bɛw naa ni.