Zyeremii 26:18 - Cebaara Bible 2010

¹⁸ «Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 26:18 Iomraidhean Croise

2 Fànʔafɔbèle 19:25

Mɔ ga tɔ̀ʔɔ̂ gi lóʔo mii wi kérigèle bee kɔ̀rirɔ n kpéʔele yaà booma ni ì, mii maa ge sámaga n yaʔa yaà booma cányi ni ì? Tɔ́ɔliw ni mii n ge yaʔa a ke baa foro, kèniriyi si kàri bi pye gurubɛɛtooro.

2 Cányi kèlē 32:26

Lǎli bee ni a Ezekyasi kàdoʔo wáa wi kpɔ́ɔmi ma, níì wiyɛɛ jɛ́rɛ, woro ní Zyerusalɛmi ye ní, Yawe fundanʔari ga níì too be na Ezekyasi sìíw làla ni í.

Nehemii 4:2

A be myɛ pínɛ n bɛ̀ɛ nibin na bi ba too Zyerusalɛmi na bi wi nyáʔami.

Ŋúnuyi 79:1

Azafi ŋúnugi. Ee Kolocɔlɔɔ! Syɛɛnfeleyi n mɔ kɔ́rigi kálagi, pe n mɔ kpɔʔɔrɔli kpaacanga nɔ́nʔɔ, pe n Zyerusalɛmi kàriga gurubɛɛtooro.

Zyeremii 17:3

Mii sìnbirigi nyanbelege, mii i mɔ kɔ́lɔ yáriri, ní mɔ lɔ́ri tɛɛkɔnyɔ myɛ kaangi a be i fuguri ni lée n fàra mɔ sáriga-wòlo-tɛ́ɛyi na, mɔ kapeeli kéele na mɔ kpéʔele mɔ tásaligi myɛ na lè.

Zyeremii 51:37

Babilɔni a pye kàdɛnɛgboʔo, ní gbàáyi tɛɛkòrogo, ní funwɔɔrɔ yáriga, ní kataanra yáriga. Syɛ̀ɛnnɛ a ní pye yaà í.

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Misye 1:1

Yawe syɛ́ɛnri di nan Misye na lè wi lè Moresyɛti ye wów, Zyuda fànʔafɔbèle be lè Yotami, ní Akazi, ní Ezekyasi, poro lǎli ni. Yanyaʔa, Samarii ní Zyerusalɛmi kéeli na.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Misye 4:1

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi a kabi da syée yaà.

Zakarii 8:3

Yawe n syɛ́ɛnri naa joo níì jo: «Mii a lúru pan Siyɔn ma, mii a ba tɛ́ɛn Zyerusalɛmi níngi ni. Zyerusalɛmi a ba ra yiri kányɛɛgi kàʔa, Nyɛ̀ʔɛni Sùlasiibéle Kafɔlɔ Yawe nyanbelegi a ba ra yiri nyanbelegi gi yaʔa Kolocɔlɔɔ ma lè.»