Zyeremii 26:16 - Cebaara Bible 2010

¹⁶ Lǎli bee ni a syɛɛnkpolobèle, ní syɛ́ɛnbèle myɛ binɛw gi joo sáriga-wòlobèle ní kanyaajoobèle ma níì jo: «Nǎnw naa ga tɔ̀nɔ n yɛlɛ ní kpóolo ní í! Níì cán wi n joo wolo ma Yawe wolo Kolocɔlɔw mɛ́ʔɛ na.»

Zyeremii 26:16 Iomraidhean Croise

Ɛsitɛri 4:14

Mɔ ga kòro pyèrio kéeli naa na, dɛ̀ɛmɛni ní syɔɔli a yìri kàbangaa na bi nan Zyefubèle na. Mɔ ní mɔ tóow kpaʔa wòolo ní, yele si a kùu. Wìí syɔ́ɔn wi gi cán kapye lǎli naa kéele na ban mɔ baa pye fànʔafɔjew í?»

Ŋúnuyi 94:16

Wìí wi a yìri mii ma syɛɛnpeebèle kurugo? Wìí wi a yìrí yére mii ma syɛɛnnaa-sìnzinbèle kánma na?

Kàseegèle 16:7

Syɔɔn tánʔaganmi ga Yawe dɛ́nɛ, àlí wi n wi nigoobèle yaʔa pe n pye bɛ̀ɛlɛ na ní wi ní.

Zyeremii 26:11

Lǎli bee ni a sáriga-wòlobèle ní kanyaajoobèle gi joo syɛɛnkpolobèle ní syɛ́ɛnbèle myɛ ma níì jo: «Nǎnw naa n yɛlɛ ní kpóolo ní! Níì cán wi n kérigèle nyaa n joo kěgi naa kánma na àmɛɛ yele gi lóʔo yele tiimaa líiweegèle ni lè.»

Zyeremii 34:10

Syɛɛnkpolobèle myɛ, ní syɛ́ɛnbèle myɛ pe da pínɛ joogaanni na lè, a be fɔ̀lɔ syɛ́ɛnri na syɔɔn o syɔɔn í wi pulonàɔn ní wi pulocaà yaʔa waa syée, jàngó poro a ní kɔ́ be cò bi yaʔa púlori fáli ni í. A be lóʔo níì be lúrugo n tórigo.

Zyeremii 36:19

A syɛɛnkpolobèle Baruki yari: «Da syée mi sa làra, mɔ ní Zyeremii ní, syɔɔn faala a kɔ́ gi cán beè yele nyɛ lè í.»

Zyeremii 36:25

Bi gi taa Elinatan, ní Delaya, ní Gemariya maa fànʔafɔw nyɛ́ɛri gbanʔama níì jo wi a kɔ́ sɛ́bɛmigiw sórigo í. Kàjáa wi ga lóʔo be ma í.

Zyeremii 37:15

A syɛɛnkpolobèle fúnyo tanʔa Zyeremii kurugo, a be wi kpúmɔn níì wi lè kàsow ni, sɛ́bɛkanw Zyonatan kpáagi ni. Níì cán pe maa gi sámaga kàsokpaʔa.

Matye 27:54

A sùlasiibèle dabata kàrigafɔlɔ ní bele pe da ni Zyezu kɔ̀rɔsíi ní wi ní lè, a pe ga gi nyaa àmɛɛ tári cúngo lè, ní wɔ́ɔ̀ kérigèle nyaa, gele ge kpéʔele lè, a be fyáa gbanʔama níì jo: «Nǎnw naa wi da tɔ̀nɔ n pye Kolocɔlɔɔ Jáaw kányɛʔɛ ni.»

Luki 23:41

Wolo na wɔʔɔgi naa yɛlɛ, níì cán wolo kapeegèle kéele na wolo wɔʔɔ. Kàjáa nǎnw naa ga kapeelaa faala kpéʔele í.»

Luki 23:47

Gee gi kpéʔele lè, a sùlasiibèle dabata kàrigafɔlɔ ga gee bee nyaa, a wi i Kolocɔlɔɔ kpɔ̀ʔɔrɔ́ níì jo: «Kányɛʔɛ gii, nǎnw naa maa pye syɛɛnsiɔn.»

Kapyegèle 23:29

A mii sáà gi nyaa pe làlwaw kéele na pe kàkabalagi kpéʔele ní wi ní, koro na be kútiiw kúunri wi na, kàjáa kapeelee li yɛlɛ lè ní kpóolo ní, wàlá ní kàso lele ní, wi ga loro làa faala kpéʔele í.

Kapyegèle 23:9

Lǎli bee ni a kàfulogi fala n kpɔ́ʔɔ be níngi ni. làlwaw sɛ́bɛwelebèle bele be pye lè Farisibèle, a poro pèle yìri n yére níì be kábala níì jo: «Wolo ga kapeelaa faala nyaa nǎnw naa na í. Kapye pìlaa li da joo ní wi ní koro ga jáa nyɛ̀ʔɛni tundunwaa yoo yele ga cán í.»

Kapyegèle 25:25

Kàjáa mii tiimaa ga gi nyaa a wi yarigaa kpéʔele gee gi yɛlɛ lè ní kùu ní í. Amɛɛ si wi jo lè fànʔafɔgbɔɔw í woro kútiiw kéele cɔɔnri, koro na mii jo mii a wi tórigo yaà.