Zyeremii 24:9 - Cebaara Bible 2010

⁹ Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 24:9 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

2 Cányi kèlē 7:20

mii a yele kɔ́n bi yirige mii tásaligi ni, gee mii kaan yele ma lè. Kpáagi naa mii sámaga n yaʔa niyɛɛ mɛ́ɛgi na lè, mii a gi núngo niyɛɛ daana bi wáa léelige. Mii a gi pye kàseele yáriga, ní yafaʔala syɛɛnfeleyi myɛ ma.

Ŋúnuyi 69:11

Mii n súnw le, ní i nyaan ní mii fúngi myɛ ní, a koro pye mii faʔari nyúngaa.

Ezayi 43:28

Koro na mii tɛɛcǎngi kùndigibéle pye yanɔnʔɔyɔ, mii n Zyakɔbi kaan kálagili ma, n Isirayɛli kaan faʔari ma.

Ezayi 65:15

Yele a yele mɛ́ɛgi yaʔa gi pye dánga kpéʔele yáriga mii wonyɛnɛ-wòlobèle nínge ni.» Kàfɔw Yawe n yɛlɛ wi mɔ kpóo, si mɛ́ɛgaa nikwɔɔ taʔa wi falipyebèle na.

Zyeremii 15:4

Mii a be pye fyáakpɔɔrɔ yáriga tári fànya myɛ ma, Manase kéeli na, wi lè Ezekyasi jáaw, Ezekyasi wi pye lè Zyuda fànʔafɔw, gee myɛ kéele na wi kpéʔele lè Zyerusalɛmi ni.

Zyeremii 19:8

Mii a kěgi naa pye funwɔɔrɔ yáriga, ní kataanra yáriga, bele myɛ pe ga ni sɔ̀lɔ́ gi taana lè, ki a be fúnyi wɔ́ɔ, pe a ra gi tɛ́ʔɛ ki wɔʔɔyi myɛ kéele na.

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 26:6

lǎli bee ni mii a keele tɛ́ʔɛ kpáagi naa na àmɛɛ mii gi pye Silo na lè, si wɔ́ɔ kěgi naa pye dánga yáriga tári syɛɛnfeleye myɛ ma.› »

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 29:22

Zyuda wóbèle be cò n kári Babilɔni ma lè, pe a pye dánga kpéʔelele yáriga bele bee myɛ nínge ni, pe a ra gi nyuu si jo: Ki n yɛlɛ Yawe í mɔ pye àmɛɛ wi Sedesyasi pye lè, ní àmɛɛ wi Akabi pye lè, poro bele Babilɔni fànʔafɔw be pye a be fwɔ́ɔ náagi na lè.

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Zyeremii 42:18

Níì cán Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Kánmee na mii fundanʔari ní mii fundanʔagbɔɔri baa too Zyerusalɛmi ye na lè, kánmi bee na mii fundanʔagbɔɔri a wɔ́ɔ too yele na, yele ga tíi níì kári Ezyipiti ma. Yele a pye kàliga yáriga, ní funwɔɔrɔ yáriga, ní dánga yáriga, ní yafaʔaga, yele si a ní tɛ́ɛgi naa nyaa í.›

Zyeremii 44:12

Mii a Zyuda wogorobèle kɔ́ri, poro bele pe gi kɔ̀rirɔ n tímana bi kári Ezyipiti tári ma lè, jàngó bi sa tɛ́ɛn yaà, pe myɛ a kwɔ́ɔ yiri yaà Ezyipiti tári ni. Ŋɔséew ní kateekpɔɔgi a be cáan. Pe a kwɔ́ɔ, bi séli wobiigèle na bi sa nan wogbolobèle na. Ŋɔséew ní kateekpɔɔgi a be kpóo. Pe a pye kàliga yáriga, ní funwɔɔrɔ yáriga, ní dánga yáriga, ní yafaʔaga.

Zyeremii 44:13

Kánmee na mii keele tɛ́ʔɛ Zyerusalɛmi ye na ní ŋɔséew, ní kateekpɔɔgi, ní káfalagi yáama ní lè, kánmi bee na mii a keele tɛ́ʔɛ bele na be kári n sáà tɛ́ɛn Ezyipiti tári ni lè.

Zyeremii 44:22

Yawe ga níì pye bi gbǎn gi kpàraco í, yele péemi nàʔabeemɛ kéele na, ní yanɔnʔɔri kéele na yele kpéʔele lè, a yele tári si kàri gurubɛɛrɛ, ní funwɔɔrɔ yáriga, ní dánga yáriga, syɛ̀ɛnnɛ fun ni àmɛɛ gi nyɛ lè níjanʔa.

Ezekyɛli 23:46

Níì cán Kàfɔw Yawe wi syɛ́ɛnri naa joo níì jo: «Ki n yɛlɛ syɛɛnnɛʔɛmɛ í kpóʔoro pan be kánmi na, mii a be kaan fyáakpɔɔri ní fuguri-mí-láali ma.

Ezekyɛli 25:3

Mɔ a gi joo Amɔn ye ma si be pye: ‹Ki n yɛlɛ ye Kàfɔw Yawe syɛ́ɛnri lóʔo. Kàfɔw Yawe wi syɛ́ɛnri naa joo níì jo: Lǎli ni pe mii tɛɛcǎngi kálagi lè, ní lǎli ni be Isirayɛli tári kàriga wowaara ní lè, ní lǎli ni be Zyuda wóbèle cò n kári púlori na lè, yele maa jo: Ɔnhɔ́ɔ̀n!

Ezekyɛli 26:2

«Syɔɔn-pya, àmɛɛ Tiiri gi joo Zyerusalɛmi kéeli na lè níì jo: ‹Ɔnhɔ́ɔ̀n! Syɛɛnfeleyi kɔ̀rigɔ n tɔ́nʔɔnɔ. Ki i kàragí mii kàbangi na. Mii a niyɛɛ nyìn, ki i nyɛ tɛɛ̀kalagiga.›

Ezekyɛli 5:8

Gee bee na Kàfɔw Yawe jo: ‹Mii wɔ́ɔgēle! Ní mɔ ní mii cáan. Mii a mii kútiiw kèlē kpéʔele foro mɔ níngi ni tári syɛɛnfeleye nyɛ́nɛ na.

Làlwaw Kaanziin 28:25

Yawe a gi yaʔa mɔ nigoobèle í mɔ jáa. Mɔ a yiri be kánmi na kologo nibin ni, mɔ si a ba fàn be yɛ́ɛgi na koloyo kɔrɔsiin ni, mɔ a pye fyáara yáriga tári fànya myɛ ma.

Làlwaw Kaanziin 28:37

Syɛɛnfeleyee myɛ má Yawe a mɔ tórigo lè, mɔ a sa pye bìngaara yáriga, ní kàseele yáriga, ní yafaʔala yi ma.