Zyeremii 24:8 - Cebaara Bible 2010

⁸ Gee si gi děsyaangi kéele kwɔ́ɔ lè, gee gi pee lè n pye ki a gbǎn lìi í ki peejaanrimi kéele na, gee naa Yawe joo níì jo: ‹Kánmi bee na mii a Sedesyasi pye wi lè Zyuda fànʔafɔw, woro ní wi syɛɛnkpolobèle, ní Zyerusalɛmi wogorobèle, poro bele be kòro tári naa ni lè, ní bele be nyɛ wodɛ́ɛnbéle ní Ezyipiti tári ni lè.

Zyeremii 24:8 Iomraidhean Croise

1 Cányi kèlē 3:15

Zyozyasi jáabèle be nyɛ: Yohanan wi lè wi pìiseliw, siin wów si i nyɛ Yehoyakimi, taanri wów si i nyɛ Sedesyasi, sicɛrɛ wów si i nyɛ Syalumi.

Zyeremii 13:7

A mii kári Ufurati ma n sáà sɛntiiriw fuguri n yirige tɛ́ɛgee ni mii da wi làriga lè. Kàjáa wéle, sɛntiiriw maa kálagi, wi da níì pye bi gbǎn yafyɛn nyɔɔ í.

Zyeremii 21:10

Níì cán mii a mii yɛ́ɛgi wáa kěgi naa ma bi kapeʔe pye gi na, kacànna ban mii a pye gi na í, Yawe wi jo nya. Ki a le Babilɔni fànʔafɔw kɔ́yɔ ni, wi a gi sórigo ní naà ní.›

Zyeremii 24:2

Děsyanʔa n pye sɛ̀ʔɛlaa nibin ni, gee gi nyɔɔ lè gbanʔama àmɛɛ děsyaan-wozelijɔʔɔ nyɛ lè, á sɛ̀ʔɛlee děsyanʔa si tɔ̀nɔ n pee gbanʔama, gee gi pye lè ki a gbǎn lìi í àmɛɛ di pee n sɔ̀lɔ lè.

Zyeremii 24:5

«Yawe wi syɛ́ɛnri naa joo, wi lè Isirayɛli Kolocɔlɔw, wi n jo: ‹Amɛɛ gi kpéʔele děsyaangi na, gee gi nyɔɔ lè, Zyuda syɛ́ɛnbèle bele mii nɛnɛ n yirige tɛ́ɛgi naa ni lè n tórigo Kalide ye tári ma, mii a wɔ́ɔ bele bee córo wojanbéle.

Zyeremii 37:10

Alí yele ga Kalide ye kapɛɛnkpumɔnbèle myɛ kpúmɔn n cáan, poro bele be kapɛɛnni kpúmɔn ní yele ní lè, wàa ga pye wi ga níì kòro be ni, kapye nǎnbèle be kpàli lè poro ban í, pe a ní yìri pe myɛ nibin nibin bi yére be fànikpaayi ni bi kěgi naa sórigo ní naà ní.»

Zyeremii 37:17

A fànʔafɔw Sedesyasi tun a be sáà wi yeri. A fànʔafɔw baa wi yíbe làrama ni wi fànʔafɔ-gbaagi ni, níì jo: «A Yawe syɛ́ɛnraa i yaà lé?» A Zyeremii wi yari: «Ɛɛn!» Ní níì jo: «Mɔ a le Babilɔni fànʔafɔw kɔ́yɔ ni.»

Zyeremii 43:1

Lǎli ni Zyeremii kwɔ́ɔ Yawe be Kolocɔlɔw syɛ́ɛnrɛ myɛ joolo na syɛ́ɛnbèle myɛ ma lè, syɛ́ɛnri bee myɛ Yawe be Kolocɔlɔw da wi tun wi ba joo be ma lè,

Zyeremii 44:1

Syɛ́ɛnri di nan Zyeremii na lè Zyuda ye myɛ kéeli na be pye wodɛ́ɛnbéle ní Ezyipiti tári ni lè, be pye lè Migidɔli, ní Takipanɛsi, ní Nɔfi ni, ní Paturɔsi tári ni lè, ti n jo: