Zyeremii 24:7 - Cebaara Bible 2010

⁷ Mii a funyo kaan be ma jàngó pe gi cán bi cán mii wi nyɛ Yawe. Pe a pye mii syɛ́ɛnbèle, mii si pye be Kolocɔlɔw, níì cán pe a lúru pan mii ma ní be fúnyi myɛ ní.

Zyeremii 24:7 Iomraidhean Croise

2 Cányi kèlē 6:38

níì kàri mɔ ma ní be zɔ̌nbèle myɛ, ní be fúnyi myɛ ní, n be yaʔa be púlori tára ni, dee má pe be cò n kári lè pulobèlē, pe ga nyɛ́ɛri mɔ ma níì yɛ́ɛyi wáa tári ma, dee mɔ kaan be toolɛɛbèle ma lè, ní kěgi ma, gee mɔ nyɛ́nɛ n wòlo lè, ní kpáagi ma, gee mii faan mɔ mɛ́ɛgi na lè,

Ŋúnuyi 119:2

Bele be wi kajoogèle kɔn lè, ní i wi caa ní be fúnyi myɛ ní, bele bee i nyɛ dùba pìibēle!

Ezayi 51:16

Mii n mii syɛ́ɛnri le mɔ nyɔ́ɔgi ni, níì mii kɔ́gi nyínmɛ tɛ́ʔɛ n mɔ tɔ́n, níì nyɛ̀ʔɛni càli ǹjogi ni, níì tári kapɔɔn le, níì Siyɔn pye: «Yele i nyɛ mii syɛ̀ɛnnɛ!»

Zyeremii 11:4

toro dee mii sɛ́bɛ n kaan yele tóolɛɛbèle ma lè lǎli ni mii be yirige lè tunweeli ni, li lè Ezyipiti tári, níì be pye: Ye mii jóomi lóʔo, yáā gi kpéʔele bi yɛlɛ ní gee myɛ ní mii nyuu ni gbàngí yele ma lè.› Lǎli bee ni yele a pye mii syɛ́ɛnbèle, mii si pye yele Kolocɔlɔw.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Zyeremii 3:10

Koro ní ki myɛ ní wi senyɛnjew Zyuda wi lè námarafɔw, woro ga lúru n pan mii ma ní wi fúngi myɛ ní í, jànvaa wi kpéʔele.» Yawe wi jo nya.

Zyeremii 30:22

‹Yele a pye mii syɛ́ɛnbèle mii si pye yele Kolocɔlɔw.› »

Zyeremii 7:23

Kàjáa syɛ́ɛnree mii joo n gbàn be ma lè toro di nyɛ dee naa, mii n jo: Ye mii jóomi lóʔo, koro ga pye mii í pye yele Kolocɔlɔw, yele si pye mii syɛ́ɛnbèle. Kóloyee ni mii jo yele í da táanri lè, yaa táanri yee bee myɛ ni, jàngó yele í pye dùba pìibēle.

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Ezekyɛli 14:11

koro ga pye Isirayɛli kpáagi wòolo a ní kɔ́ pùuni bi léeli mii na í, pe a ní kɔ́ be kapeebyeri tɛ́ʔɛ bi peyɛɛ nɔ́nʔɔ í. Lǎli bee ni pe a pye mii syɛ́ɛnbèle, mii si pye be Kolocɔlɔw,» Kàfɔw Yawe wi jo nya.

Ezekyɛli 16:62

Mii a mii joogaanni kpéʔele ní mɔ ní, mɔ si gi cán bi cán mii wi nyɛ Yawe,

Ezekyɛli 37:23

Pe a ní da peyɛɛ nɔ́ɔnri ní be yasunyi, ní be yanɔnʔɔyi, ní be kapeebyeri féleye myɛ ní í. Mii a be syɔɔ bi yirige tɛ́ɛyi myɛ ni beè be sáà pye lè, ní beè be kapeegèle pye lè, mii a be jée mùnu, pe a pye mii syɛ́ɛnbèle, mii si pye be Kolocɔlɔw.

Ezekyɛli 37:27

Mii tɛɛkòrogi a pye be níngi ni. Mii a pye be Kolocɔlɔw, pé pye mii syɛ́ɛnbèle.

Ezekyɛli 39:22

Bi séli cángi bee na bàā syée yaà, Isirayɛli kpáagi wòolo a gi cán bi cán mii wi nyɛ Yawe poro Kolocɔlɔw.

Oze sɛ́bɛw 2:22

Mii a mɔ cò mii pìcaa ní tágala ní, mɔ si a Yawe cán.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Zakarii 8:8

Mii a be lúrugo pan, pe a ba tɛ́ɛn Zyerusalɛmi níngi ni. Pe a pye mii syɛ́ɛnbèle, mii si pye be Kolocɔlɔw kányɛɛgi, ní sínni na.»

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

Heburubèle 11:16

Kàjáa pe maa ni táraa caa, dee di nyɔɔ n sɔ̀lɔ lè, ti lè nyɛ̀ʔɛni wóro. Koro na àmɛɛ pe da ni Kolocɔlɔɔ yiri lè be Kolocɔlɔw, gee bee da pye wi na fɛ̀ɛrɛ í. Níì cán wi maa kèkpɔʔɔ sámaga be ma.

Heburubèle 8:10

Joogaanni naa mii a kpéʔele ní Isirayɛli kpáagi wòolo ní cányi bee kàdoʔo ma, mii a ra mii kajoodɛɛngèle nii be fúnyi ni, si wɔ́ɔ ra ge sɛ́bɛ be zɔ̌nbèle na. Mii a pye be Kolocɔlɔw, pé pye mii syɛ́ɛnbèle,

1 Samyɛli 7:3

Lǎli bee ni a Samyɛli Isirayɛli kpáagi wòolo myɛ pye: «Kapye yele fúnyi myɛ ní yele lúru n pan Yawe ma, ki n yɛlɛ ye kolocɔlɔ-nibɔnbèle yirige yeyɛɛ níngi ni n fàra Asitaritebèle na, yé yele fúnyi kàriga Yawe ma yaa báara woro nibin ma. Lǎli bee ni wi a yele yirige Filisitini ye kɔ́yi ni.»