Zyeremii 24:6 - Cebaara Bible 2010

⁶ Mii a nyapiigèle le be ni pe nyɔɔmɔ kéele na, bi be lúrugo pan tári naa ma. Mii a be sámaga yérige, mii a ní be kálagi í, mii a be cɔ́rɔ, mii a ní be kíle kɔ́n í.

Zyeremii 24:6 Iomraidhean Croise

Sélimɛ 44:21

A mɔ si gi joo wolo ma wo nyɛ lè mɔ falipyebèle níì jo: ‹Yaa maa ní wi ní mii ma nɛɛ naa koro ga pye mii tiimaa nyapile í ba taʔa wi na.›

2 Cányi kèlē 16:9

Níì cán Yawe i tári myɛ wéle ni forogi, koro ga pye bele fúnyo yi nyɛ woro na n foro lè be sámaga yére. Mɔ n yákirii funmɔ kpéʔele kéeli naa ni. Bi séli lǎli naa na kapɛɛngèle a pye mɔ na.»

Nehemii 5:19

Ee mii Kolocɔlɔw, gee myɛ mii kpéʔele syɛ́ɛnbèle naa ma lè, sɔ̀ngi mi taa, mí kacànna kpéʔele mii na gi kéeli na.

Ŋúnuyi 34:15

Wàli mi lálʔa kapeebyeri na, máā kacǎngèle kpéʔele, da bɛ̀ɛ́li caa sìnlaʔa ni.

Ŋúnuyi 44:2

Ee Kolocɔlɔɔ! Kérigèle mɔ kpéʔele lè wolo tóolɛɛbèle làla ni, booma cányi ni, wolo n gele bee lóʔo wolo líiweegèle ni, wolo tóolɛɛbèle pe ge joo n tɛ̀ɛn wolo na.

Ezayi 14:1

Yawe a tɔ̀nɔ́ nyinimɛ taa Zyakɔbi na, wi a ní Isirayɛli pìíbèle nyɛ́nɛ wòlo, si be télege pe tári ni. Nibɔnbèle a fàra be na, si peyɛɛ pínɛ Zyakɔbi kpáagi wòolo ni.

Ezayi 60:21

Mɔ syɛ́ɛnbèle myɛ a pye syɛɛnsinbéle, tári a pye pe worò làla o làla. Fíinge gii, gee mii cɔ́rɔ lè, mii kɔ́yi fáli wii, bi mii gbɛ̀ɛngbɔɔmi tɛ̀ɛn.

Zyeremii 1:10

Wéle, mii n mɔ télege níjanʔa, syɛɛnfeleyi nyúngo na, ní fǎnyi kánma na, koro ga pye mɔ í da kíle da kɔ́nɔgi, si wɔ́ɔ ra kpúmɔn da cáan, koro ga pye mɔ í da di kúu, si wɔ́ɔ ra di kálagi da kwóo, koro ga pye mɔ í da faanri, si wɔ́ɔ ra cɔ́rɔ.»

Zyeremii 12:15

Lǎlee ni si mii ga be kíle n yirige yaà lè, mii a ní nyinimɛ taa be na, si ní be lúrugo be pan pe myɛ nibin nibin be kɔriyɔ ma, pe myɛ nibin nibin be tára ma.

Zyeremii 16:15

Kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli ye yirige yaà solomɔkulo kàbangi tára ni lè, ní tátɛɛyi myɛ ni, yee má wi da be nɛnɛ n tórigo lè.› Níì cán mii a be lúrugo be pan be tári ma, dee mii da kaan be toolɛɛbèle ma lè.

Zyeremii 21:10

Níì cán mii a mii yɛ́ɛgi wáa kěgi naa ma bi kapeʔe pye gi na, kacànna ban mii a pye gi na í, Yawe wi jo nya. Ki a le Babilɔni fànʔafɔw kɔ́yɔ ni, wi a gi sórigo ní naà ní.›

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Zyeremii 31:28

Amɛɛ mii da yɛʔɛ̀ wáa be ma n be kíle n kɔ́nɔgi, n be kpúmɔn n cáan, n be kálagi, n be kpóo, n kapeʔe taʔa be na lè, kánmi bee na mii a yɛʔɛ̀ wáa be ma bi be faan, bi be cɔ́rɔ,» Yawe wi jo nya.

Zyeremii 31:4

Mii a ní mɔ faan, mɔ a ní faan, nàngeele sinján Isirayɛli! Mɔ tamabèle a ní pye mɔ fereri. Mɔ a ní yiri bi pye yɔ́ɔfɔbèle bele nínge ni be nyɛ lè fundaanra na.

Zyeremii 32:37

wéle, mii a be yirige yaà tátɛɛyi myɛ ni bi ba kpóʔoro peyɛɛ na, beè mii be nɛnɛ n tórigo lè n mii yaʔa mii fundanʔari, ní mii fundanʔagbɔɔri, ní mii fúngi yìrile ni. Mii a ní be lúrugo pan ba lége tɛ́ɛgi naa ni si be yaʔa be tɛ́ɛn gi ni yɛɛ̀nyinge na.

Zyeremii 32:41

Ki a pye mii ma fundaanra bi kacànna kpéʔele be na, mii a tɔ̀nɔ́ be cɔ́rɔ kányɛʔɛ na tári naa ni, ní mii zɔ̌nw myɛ, ní mii fúngi myɛ ní.

Zyeremii 33:7

Mii a Zyuda ní Isirayɛli wóbèle lúrugo pan bele be cò n kári lè, mii a be lúrugo pan bi ní ba be télege àmɛɛ ki da pye lè booma ni.

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Zyeremii 39:12

«Wi láa, da wi kɔ̀rɔsíi, mɔ a kɔ́ kapeʔe faala kpéʔele wi na í, kàjáa gee wi ga ni caa mɔ ma lè ki n yɛlɛ mi gi kpéʔele wi ma.»

Zyeremii 42:10

‹Yele ga fɔ̀lɔ bi kòro tári naa ni, mii a yele faan bi yérige di ni, mii a yele cáan í, mii a yele cɔ́rɔ, mii a yele kɔ́n í. Níì cán wɔʔɔgi mii taʔa yele na lè, ki ga níì mii dɛ́nɛ í.

Ezekyɛli 36:24

Mii a yele kíle bi yirige syɛɛnfeleyi nínge ni, mii a yele kpóʔoro bi yirige tátɛɛyi myɛ ni, mii a yele lúrugo pan yele tiimaa tásaligi ma.

Amɔsi 9:14

Isirayɛli ye be lè mii syɛ́ɛnbèle, poro bele be cò n kári lè, mii a be lúrugo pan. Kěyee yi da jaa lè, pe a ní ba yi faan bi tɛ́ɛn yi ni, pe a ba ra ɛrɛzɛn tíriri cɔ́rɔ sáā di dùvɛɛnw gbo, pe a ba ra nángwɔɔbèle fála, sáā be yasanri líi.

Làlwaw Kaanziin 11:12

Táraa dii, dee Yawe mɔ Kolocɔlɔw kɔ̀rɔsíi lè, toro dee na Yawe mɔ Kolocɔlɔw nyapile nyɛ lè làla o làla, bi láa yɛ́ɛli sélimɛ na bi taa sa nan li kwɔ́ɔmi na.

1 Pyɛri 3:12

Níì cán Kàfɔw nyɛ́nɛ i nyɛ syɛɛnsinbèle na. Wi i wi líiyi cáan ni be nyɛ́ɛriyi lúro. Kàjáa wi i kàdoʔo wáa kapeebyebèle ma.»