Zyeremii 24:5 - Cebaara Bible 2010

⁵ «Yawe wi syɛ́ɛnri naa joo, wi lè Isirayɛli Kolocɔlɔw, wi n jo: ‹Amɛɛ gi kpéʔele děsyaangi na, gee gi nyɔɔ lè, Zyuda syɛ́ɛnbèle bele mii nɛnɛ n yirige tɛ́ɛgi naa ni lè n tórigo Kalide ye tári ma, mii a wɔ́ɔ bele bee córo wojanbéle.

Zyeremii 24:5 Iomraidhean Croise

Ŋúnuyi 119:67

Sáni fɔ̀rɔgi í too mii na lè, mii maa ni pùuní. Kàjáa tɔ́ɔliw ni, mii n mɔ syɛ́ɛnri kɔn.

Ŋúnuyi 119:71

Mii n wɔʔɔ, a koro pye mii ma kacànna, koro ga pye mɔ lalwaw kèlē í mii tama.

Zyeremii 24:4

A Yawe syɛ́ɛnri nan mii na kánmi naa na, ki n jo:

Zyeremii 29:11

Mii n gi cán kérigèle mii tímana yele kéeli na lè,› Yawe wi jo nya, ‹yɛɛ̀nyinge katimanagéle gɛɛ, wɔʔɔgɔ woʔolo ban í, jàngó bi tɔ̀nɔ́ sɔ̀ngumɔ tɛɛtaʔaga kaan yele ma nyɛ̀ʔɛnaw kéele na.

Zyeremii 29:20

‹Kàjáa yele wojobèle myɛw, yele bele mii cò n yirige Zyerusalɛmi ni n tórigo Babilɔni ma lè, ye Yawe syɛ́ɛnri lóʔo.

Zyeremii 29:4

«Yawe wi lè Nyɛ̀ʔɛni Sùlasiibéle Kafɔlɔ Isirayɛli Kolocɔlɔw, woro wi syɛ́ɛnri naa joo bele myɛ ma wi yaʔa a be cò Zyerusalɛmi ni n kári Babilɔni ma lè:

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Ezekyɛli 11:20

Koro ga pye be taʔa mii làlwaw kèlē na, si mii kajoodɛɛngèle cò sáā ge kpéʔele. Pe a pye mii syɛ́ɛnbèle, mii si pye be Kolocɔlɔw.

Levii ye sáriga-wòlori 26:44

Kàjáa bi be yaʔa pe nigoobèle tára ni, mii a tée be wáa yaʔa í. Pe kéeli a ní mii bɛɛn mii í be kálagi yirige yaà í, si wɔ́ɔ mii joogaanni sàa í. Mii wi nyɛ Yawe be Kolocɔlɔw.

Nahumi 1:7

Yawe n nyɔɔ, wi i nyɛ tɛɛlaraga wɔʔɔgi canʔa na. Bele be làrá wi taana lè, wi i be kɔ̀rɔsíi.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Matye 25:12

A wi si be yari: ‹Mii a gi joo yele ma kányɛʔɛ ni, mii ga yele cán í.›

Zyan 10:27

Mii bǎbèle n mii yákpoli cán, a mii wɔ́ɔ̀ be cán. Pe i taari mii na.

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

1 Korɛnti ye 8:3

Wee si wi tàmaga le lè ní Kolocɔlɔɔ ní, Kolocɔlɔɔ n wee bee cán.

Galasi ye 4:9

Amɛɛ si yele Kolocɔlɔɔ cán lè tɔ́ɔliw ni, wàlá ki n pɔ́rɔ mii í gi joo si jo àmɛɛ Kolocɔlɔɔ yele cán lè, nyàʔá na yele ní i caa bi lúru kári gbanzan kalɛɛgèle kurugo, koro ga pye bi ní sa jée ke púlori ni kavɔn?

Làlwaw Kaanziin 8:16

Wi n mánɛw kaan mɔ ma fìími tára ni lìile, woro wee wi lè mɔ tóolɛɛyi da wi cán í, jàngó woro í mɔ tìrige táàma si mɔ sɛʔɛ wéle, si gi kàdogi pye mɔ ma fundaanra.

2 Timɔte 2:19

Koro ní ki myɛ ní kàpɔɔnwee Kolocɔlɔɔ sámaga n le lè, wee bee sèʔé i yaà. Pe n fɛ̀ɛ taʔa wi na. Fɛ̀ɛ́w bee syɛ́ɛnrɛ n jo: «Kàfɔw n wi wóbèle cán,» ní níì jo: «Syɔɔn o syɔɔn wi Kàfɔw mɛ́ʔɛ yiri lè, ki n yɛlɛ wee bee í láʔa kakolobyeri na.»

Tɛ̀ɛnnɛ 3:19

Bele myɛ be nyɛ lè mii syɛɛn-nidaanmabèle, mii i fúlo be na ní i be kpúmɔn ni kàragí. Gee bee na mi wári mi kàri mi kàdoʔo wáa mɔ kapeegèle ma!