Zyeremii 24:2 - Cebaara Bible 2010

² Děsyanʔa n pye sɛ̀ʔɛlaa nibin ni, gee gi nyɔɔ lè gbanʔama àmɛɛ děsyaan-wozelijɔʔɔ nyɛ lè, á sɛ̀ʔɛlee děsyanʔa si tɔ̀nɔ n pee gbanʔama, gee gi pye lè ki a gbǎn lìi í àmɛɛ di pee n sɔ̀lɔ lè.

Zyeremii 24:2 Iomraidhean Croise

Ezayi 5:4

Nyàʔá ki da yɛlɛ mii í ní kpéʔele mii ɛrɛzɛn ségi ma, mii si ga gi kpéʔele gi ma í? Mii sɔ̀ngumi maa pye ɛrɛzɛncàɔn na gi ma, nyàʔá na si gi yasanbeere san?

Ezayi 5:7

Yawe wi lè Nyɛ̀ʔɛni Sùlasiibéle Kafɔlɔ, wi ɛrɛzɛn ségi gi nyɛ Isirayɛli kpáagi, Zyuda nǎnbèle si i nyɛ wi ɛrɛzɛn tíriri, dee kéele li da wi dɛ́nɛ lè. Wi sɔ̀ngumi maa pye kányɛɛgi na be ma, kàjáa wéle, kanaa-sìnbyeyi yi yaà! Wi maa ni sínnɛ wéle yaà, kàjáa wéle, wɔʔɔgɔ supiiwáara di yaà!

Zyeremii 29:17

Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Wéle, mii i ŋɔséew, ní kateekpɔɔgi, ní káfalagi yáama wáa be na, mii a be pye àmɛɛ děsyanʔa nyɛ, gee gi fɔ́nʔɔ lè n pye ki a gbǎn lìi í, ki peejaanrimi kéele na.

Oze sɛ́bɛw 9:10

«Mii n Isirayɛli caa n nyaa fìími tára ni àmɛɛ ɛrɛzɛn nyɛ lè, mii n yele tóobèle nyaa àmɛɛ děsyaantiige yasanzelire nyɛ lè. Kàjáa pe n kári Baali-Peyɔɔri ma, pe n peyɛɛ gaan yasun-nɔ́nʔɔgi ma, ní baa pye yanɔnʔɔyɔ àmɛɛ be tàmagi yáriga nyɛ lè.

Misye 7:1

Wɔʔɔlɔ i nyɛ mii na! Níì cán mii i nyɛ àmɛɛ yasanjɔɔɔ nyɛ lè, ní àmɛɛ ɛrɛzɛnkɔrɔ caafɔlɔ nyɛ lè ɛrɛzɛnw cɛnɛgwɔɔlɔ kadoʔo ma, ɛrɛzɛn-jɔnjɔnyɔ ga níì kòro yaà syɔɔn í lìi í, děsyaanvɔ́ngi bee láa gi nyɛ mii na lè, ki ní o yaà í.

Nahumi 3:12

Mɔ tɛɛniriyi myɛ i nyɛ děsyaantiire yasanzelilɛɛrɛ. Pe ga di nyàʔara, ti n ni tuun wee nyɔ́ɔ ni wi caa bi di lìi lè.

Córolo 18:13

Pe tári yaliiselire ní pe a ra maa bi ba ra kaangi Yawe ma lè, dee bee a pye mɔ wóro, mɔ kpaʔa wówee faala wi ga pye lè fɔɔnrɔ fun, woro a lìi di na.

Matye 5:13

«Yele i nyɛ dulunyanw sólomɔ, kàjáa sólomi tàanma ga kwɔ́ɔ, nyàʔá ní syɔɔn a ní bi sámaga bi tɛ́nɛ? Pi a ní yafyɛn nyɔɔ í, fwɔɔ pe bi wáa kàfugi na syɛ́ɛnbèle í da tánʔana.