Zyeremii 24:10 - Cebaara Bible 2010

¹⁰ Mii a ŋɔséew, ní kateekpɔɔgi, ní káfalagi yáama lége be níngi ni, bi taa be kwɔ́ɔ bi yiri tásaligi ni, gee mii da kaan be ma, ní be toolɛɛbèle ma lè.› »

Zyeremii 24:10 Iomraidhean Croise

Ezayi 51:19

Wɔʔɔyi naa tɛɛyɛ siin n too mɔ na, wìí wi a gi yáa ní mɔ ní? Yoro yi nyɛ kolili ní kálagili, ní ŋɔséew ní kateegi? Mɛ̀ɛ́ si mii a gbǎn mɔ kpɛʔɛlɛ bi sɛ́ɛ?

Ezekyɛli 33:27

Wéle, gee mɔ a joo lè koro gi nyɛ mɔ a jo: ‹Kàfɔw Yawe wi syɛ́ɛnri naa joo níì jo: Mii woweew mɛ́ʔɛ na, bele be nyɛ gurubɛɛri ni lè, ŋɔséew a poro kpóo cáan, bele si be nyɛ sìnbirigi nínge ni lè, mii a be kaan yaweeri ma di lìile. Bele si be nyɛ kèniriyi, ní fálaweeyi ni lè, káfalagi yáama a bele bee kpóo.

Ezekyɛli 7:15

«Ŋɔséew i nyɛ kàfugo ma, káfalagi yáama ní kateekpɔɔgi si i nyɛ fungo ma! Wee wi nyɛ sìnbirigi ni lè, ŋɔséew a wee bee kpóo, wee wi nyɛ kěgi ni lè kateekpɔɔgi ní káfalagi yáama a wee bee lìi.

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Zyeremii 27:8

Syɛɛnfelegaa, wàlá fàngaa ga pye ki ga kiyɛɛ gaan Nebukadinezari ma í, wi lè Babilɔni fànʔafɔw, n gi yátiigi kaan Babilɔni fànʔafɔw zúu ma í, mii a keele tɛ́ʔɛ syɛɛnfelegi bee na ní ŋɔséew, ní kateekpɔɔgi, ní káfalagi yáama ní, Yawe wi jo nya, fwɔɔ bi taa mii í gi kwɔ́ɔ yirige yaà ní wi kɔ́gi ní.

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 16:4

«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 15:2

Lǎli bee ni pe ga mɔ pye: ‹Sán wolo a kári?› Mɔ a be yari: ‹Yawe wi syɛ́ɛnri naa joo níì jo: Wee wi nyɛ lè káfalagi yáama wóo, káfalagi yáama i syée ní woro ní! Wee wi nyɛ lè ŋɔséew wóo, ŋɔséew i syée ní woro ní! Wee wi nyɛ lè kateekpɔɔgi wóo, kateekpɔɔgi i syée ní woro ní. Wee wi nyɛ lè púlori wóo, púlori i syée ní woro ní!›

Zyeremii 9:16

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Ye sɔ̀ngi! Ye nyɛnifɔ-càbala yeri be pan! Ye tun be sa cébèle caa, bele be gbàn lè paa maa!

Zyeremii 5:12

Pe i jànvaa nyuu Yawe kéeli na, ní i gi nyuu níì jo: «Wi o beè í, wɔʔɔgɔ faala a tée nan wolo na í, wolo a tée ŋɔsée wàlá kateʔe nyaa í.

Tɛ̀ɛnnɛ 6:8

A mii wéle n sumiige syɔ́nʔɔ nyaa. Wee si wi pye gi na lè wodɛ́ɛɔn ní, pe i wee bee mɛ́ʔɛ yiri Kùu, á kúbèle tɛɛkòrogo taʔa wi na. A Kolocɔlɔɔ séew kaan be ma pe tári tílaya sicɛrɛ wóʔo kpóo ní ŋɔsée ní, n fàra kateekpɔʔɔ, ní yaagbɔɔmɔ, ní tári yaweere na, ti lè sìnbirigi wóro.

Làlwaw Kaanziin 28:21

Yawe a káfalaga yáama tan mɔ na fwɔɔ bi taa pi mɔ kálagi yirige yaà tári ni, dee ni mɔ a sa jée lè bi di syɔɔ taa.

Zyeremii 21:9

Wee wi ga kòro kěgi naa ni lè, ŋɔséew, ní kateekpɔɔgi, ní káfalagi yáama a wi kpóo. Kàjáa, wee wi ga yiri n sáà wiyɛɛ gaan lè Kalide ye ma pe baa tɛ́ɛn yele taana lè kapɛɛnni kánma na, wi sìíw a pye wi ma yataʔa.

Zyeremii 42:17

Bele myɛ pe ga gi kɔ̀rirɔ n tímana lè bi kári Ezyipiti ma bi sa tɛ́ɛn yaà, ŋɔséew ní kateekpɔɔgi, ní káfalagi yáama a be kpóo yaà, wàa a kòro be ni woweeo í, wàlá wozyɔɔɔ wɔʔɔgi ma, gee mii a cáan be na lè í.›

1 Fànʔafɔbèle 14:15

Yawe a Isirayɛli kpúmɔn, ki a pye wi na àmɛɛ nyɛ́nɛri nyɛ di fúugu lǒyi ni lè. Wi a Isirayɛli ye kɔ́n yirige tácǎnri naa ni wi da kaan be toolɛɛbèle ma lè si be cariga cábigi jeligɔgee na. Níì cán pe n Asyera yasungaangéle sámaga peyɛɛ ma n Yawe fúngi tanʔa gbanʔama.

Zyeremii 9:15

Mii a be cariga bi tórigo syɛɛnfeleyaa nínge ni, yee yi lè pe ga yi cán í, àmɛɛ be toolɛɛbèle pye lè, mii si ní ŋɔséew tórigo be kurugo, fwɔɔ bi taa mii í be kwɔ́ɔ péw.»

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 29:17

Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Wéle, mii i ŋɔséew, ní kateekpɔɔgi, ní káfalagi yáama wáa be na, mii a be pye àmɛɛ děsyanʔa nyɛ, gee gi fɔ́nʔɔ lè n pye ki a gbǎn lìi í, ki peejaanrimi kéele na.

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 32:24

Wéle, yalúguyi n yérige n kwɔ́ɔ kěgi taana bi gi syɔɔ taa. Kěgi n le Kalide ye kɔ́yi ni, poro bele be túngu ní gi ní lè, pe n gi jáa ŋɔséew, ní kateekpɔɔgi, ní káfalagi yáama báriga ni. Syɛ́ɛnri mɔ joo lè toro di nan dee, a mɔ i gi nyaagi.

Zyeremii 32:25

Koro ní ki myɛ ní Kàfɔw Yawe, mɔ n mii pye: ‹Seʔe syɔɔ wáli na, séerafɔɔlɔ láa, á kěgi si le Kalide ye kɔ́yi ni!› »

Zyeremii 42:22

Ye gi sámaga ye cán tɔ́ɔliw ni bi cán ŋɔséew, ní kateekpɔɔgi, ní káfalagi yáama a yele kpóo tɛ́ɛgee ni yele caa bi sa tɛ́ɛn lè.»

Ezekyɛli 6:11

Kàfɔw Yawe wi syɛ́ɛnri naa joo níì jo: «Kadaagèle kóri keyɛɛ na, mí yédaali súu tári na mí jo: ‹Céì!› Nɔ́nʔɔbeeri myɛ kéele na, dee Isirayɛli kpáagi wòolo kpéʔele lè, poro bele ŋɔséew, ní kateekpɔɔgi, ní káfalagi yáama a kpóo cáan lè.